Monday, August 17, 2009

ကြောင်ကလေးနဲ့ချစ်သူ

သူမ…
လောကနှင့် ကျွန်တော်
လက်လွန်ခြေလွန် ဖြစ်မှာ စိုးရိမ်တတ်သော
မျက်လုံးဝိုင်းနှင့် လက်သည်းညှပ်ကလေး။

အသွားတွင် ထိုစကားများထည့်ထား၏။
လိမ်မာပါတယ်ကွယ်
ပြန်အိပ်တော့နော်
သူတို့နဲ့လျှောက်လျှောက်သောက်နေရင် ကို့ကျန်းမာရေးပဲ ထိခိုက်မှာပေါ့။

အဆင်မပြေတဲ့နေ့တွေကို
ထိုးစိုက်ချင်လို့ သွေးထားတဲ့ လက်သည်းတွေ
ညှပ်ညှပ်ပစ်တော့
ငါဘယ်လို ရန်ထွက်ဖြစ်ရမလဲ သူတော်ကောင်းမလေးရယ် ။

ငါ့ကို ဥပုသ်စောင့်ဖို့ မခေါ်ပါနဲ့ဦး…
ဟောဒီသံသရာ ပတ်လမ်းကြီးထဲ
လူမိုက်ကလေး လုပ်ပါရစေဦး ။

ငါ့လက်သည်းတွေ ရှည်နေတာလည်း
ငါသိပါတယ်။
ငါ့လက်သည်းတွေ ညှပ်မပစ်ချင်သေးဘူး ။

ငါ့မိုက်တွင်းလေး နည်းနည်း နက်ချင်သေးလို့ပါ..။
ငါ့ တမျှော်တခေါ်
ငါ ရင်ဖိုသလို
ကမ္ဘာကြီးကို ကုတ်ခြစ်ဆော့ကစားချင်သေးလို့။

မင်းနဲ့ချစ်တမ်းကစားတဲ့အခါမှာလည်း
မင်းကို မထိခိုက်အောင်
လက်သည်းတွေ ဖွက်ထားမယ့်လို့လည်း
ငါ ကတိပေးပါရဲ့။

သူတော်ကောင်းမလေးရေ
ငါ့လက်သည်းတွေ
နောက်လေးငါးနှစ်တော့ အရှည်ထားခွင့်ပြုပါဦး
မင်းကိုလည်း (ငါ) မပျက်မကွက် ချစ်နေရင်းပေါ့..။
လင်းဒီပ
၁၇.၈.၀၉
at

15 comments:

  1. jr.lwinooAugust 18, 2009 at 1:32 AM

    ကဗျာဆရာဆိုတော့ မိုက်တာတောင် ကဗျာဆန်ဆန်မိုက်တယ်..
    ပိုင်သကွာ။
း)

    ReplyDelete
  2. jr.lwinooAugust 18, 2009 at 1:32 AM

    This comment has been removed by the author.

    ReplyDelete
  3. AnonymousAugust 18, 2009 at 5:05 AM

    လက်စသတ်တော့ ကိုဒီပက ကြောင်ဆိုးကြီးဖြစ်နေတာကို
    :P နောက်တာ ကဗျာလေး ချစ်ဖို့ကောင်းတယ် သူတော်
    ကောင်းမလေးတော့မသိဘူး :D
    ကောင်းသောနေ့ ကိုဒီပရေ :)

    ReplyDelete
  4. စိုင်းလောဝ်ပိန်းAugust 18, 2009 at 8:38 AM

    အားကျစရာပဲဗျို့ :D
    ကမ္ဘာကြီးကိုတော့ မကုတ်ပါနဲ့ဗျာ။ ကျွန်တော်တို့တွေ နေစရာမရှိဖြစ်နေပါဦးမယ်။
    ကဗျာလေးကောင်းတယ်ဗျာ။

    ReplyDelete
  5. မမသီရိAugust 18, 2009 at 9:39 AM

    ကဗျာဆရာ..
    နောက် လေး ငါး နှစ်
    ဘယ်သူမှ အာမခံမှာ မဟုတ်ဖူးနော်
    တော်ကြာ ကောင်မလေး စိတ်တိုပြီး ချန်ထားခဲ့ မှ
    အသဲကွဲ ကဗျာဆရာ ဖြစ်နေအုံး မယ်

    အမ က တော့ လက်သည်းတွေ ညှပ်ဖို့ပဲ
    တိုက်တွန်းတယ် ကဗျာ ဆရာလေး ရေ
    ဘယ်သူ့ ကိုမှ မပူလောင်စေချင်လို့ပါ...း)

    ReplyDelete
  6. မယ့်ကိုးAugust 18, 2009 at 12:55 PM

    ဆိုးမယ့်အကြောင်းကိုတောင် လှလှလေးရေးတတ်တယ်။
    တော်ချက်။ :)

    ReplyDelete
  7. အိုင်လွယ်ပန်August 18, 2009 at 5:00 PM

    အင်း ...ရဝူး ...
    ညှပ်ရမယ် ...ညှပ်ကိုညှပ်ရမယ် ....
    (လက်သည်းညှပ်ကလေး အော်သံ )
    :):) :)
    ကဗျာလေးလှတယ်ဗျ ...

    ReplyDelete
  8. MANORHARYAugust 18, 2009 at 11:15 PM

    ဟုတ်ပ
    ဆိုးမယ်ဆိုတဲ့အကြောင်းလျှောက်လဲချက်ကလည်း
    တော်ပ...ကဗျာဆရာများ ကြောက်စရာကောင်းပုံ
    ပြောပါတယ်...း))

    ReplyDelete
  9. ရွှေပြည်သူ (ShwePyiThu)August 19, 2009 at 12:18 AM

    ဒီကဗျာက ရှတတလေးနဲ့ လှတာ...

    “အဆင်မပြေတဲ့နေ့တွေကို
    ထိုးစိုက်ချင်လို့ သွေးထားတဲ့ လက်သည်းတွေ
    ညှပ်ညှပ်ပစ်တော့
    ငါဘယ်လို ရန်ထွက်ဖြစ်ရမလဲ သူတော်ကောင်းမလေးရယ် ။” အဲဒီနေရာရောက်တော့ အရမ်းပြုံးမိတယ်။ သဘောကျလွန်းလို့...

    ကဗျာကောင်းလေး ဖတ်ရပြန်လို့ ကျေးဇူး... ကိုလင်းဒီပး)

    ReplyDelete
  10. kayAugust 19, 2009 at 1:14 AM

    ဘယ်သူနဲ့မှ မတူတဲ့..လင်းဒီပ ရဲ့ ကဗျာများ-
း)

    ReplyDelete
  11. မေ့သမီးAugust 21, 2009 at 12:00 AM

    ဟဟ ငါ့အကိုကတော့ မိုက်တယ်။ မိုက်ပြီးရင်း ဆက်မိုက်ဦးမယ်ပေါ့လေ။

    ReplyDelete
  12. မောင်ဖားကြီးAugust 23, 2009 at 12:00 AM

    မိုက်တယ်ဗျာ ... စကားလုံးလှလှလေးနဲ့ ချည်သွားတာ... ကျွန်တော်လည်း ပြောလိုက်ဦးမယ် :)

    ReplyDelete
  13. wheniloveuAugust 25, 2009 at 10:39 AM

    မိုက်တယ်နော်ကဗျာတွေက..

    ReplyDelete
  14. AnonymousAugust 26, 2009 at 2:33 AM

    အဆင်မပြေတဲ့ နေ့တွေကို
    ထိုးစိုက်ချင်လို့ သွေးထားတဲ့လက်သည်းတွေ
    ညှပ်ညှပ်ပစ်တော့
    ငါဘယ်လို ရန်ထွက်ဖြစ်ရမှာလဲ သူတော်ကောင်းမလေးရယ်...။

    လှတယ်ဗျာ...ခိုက်တယ်...

    ReplyDelete
  15. Mogok TharAugust 26, 2009 at 11:45 AM

    အဆင်မပြေတဲ့ နေ့တွေကို
    ထိုးစိုက်ချင်တဲ့ လက်သည်း
    ကမ္ဘာကြီးကို ကုတ်ခြစ်ဆော့ကစားမဲ့ လက်သည်း

    ကမ္ဘာကြီး ရဲ့ နေ့တွေ အန္တရယ် ရှိနေပြီ။
    ဒီတော့ကာ ဒါတော့ကီ အဲ့လည်သည်းတွေ မ၇ှည်အောင် ညှပ်ပစ်ဖို့တင်မက အမြစ်ကပါ နှုတ်ပစ်မှပါပဲ။
    (နောက်တာ)
    ကဗျာကောင်းလေးတွေနဲ့ ကဗျာဆရာရေ.. ဆက်ကုတ်လိုက် အဲလေ ဖတ်လိုက်အုံးမယ်ဗျာ။

    ReplyDelete