မြေလတ်မြို့

မြေသားနီနီလမ်းဘေး နေကြာပွင့်ဝါဝါကြီးတွေက
နေရောင်အောက်မှာ
မျက်နှာပြဲပြဲ အပြုံးဝါဝါကြီးတွေ ပြုံးလို့ ။

ထော်လာဂျီက စိုင်းစိုင်းသီချင်းနဲ့မောင်းတဲ့အခါ
ရွာသူကလေးဟာ ဆံပင်ကို အနီရောင်တွေ ဆိုးခဲ့တယ် ။
ဖုန်ထောင်းထောင်းထ လှည်းလမ်းပေါ်
ဆိုင်ကယ်တွေ စီးဖြစ်ကြတဲ့အခါ တွံတေးသိန်းတန်ကို အမှတ်ရတယ် ။
နှစ်လမ်းမောင်း အဝေးပြေး ကတ္တရာလမ်းက
ကုက္ကိုတန်းတွေကို ထီးအမှတ်နဲ့ ဆောင်းတယ် ။
အရှေ့ဘက်လှမ်းလှမ်းမှာ ပိတ်ရပ်နေတဲ့ ရိုးမတောင်တန်းကြီးက
နွေအခါ ပရိဒေဝတောမီးတွေနဲ့…။

တောထမင်းဆိုင်လေးက
တောချက်ဟင်းကလေးတွေနဲ့ မြို့သားကို ထမင်းမြိန်အောင်ကျွေးတယ် ။
ဟိတ်ကြီးဟန်ကြီး မလုပ်တတ်တဲ့ တောဘူတာရုံလေးက
ညည သူ့ဆီ သွားလည်ရင်
သူ့မှာရှိတဲ့ ရိုးရာမုန့်ကလေးတွေနဲ့ လက်ဖက်ရည်ချိုချို တိုက်တယ် ။
အင်တာနက်မရှိတဲ့မြို့ကလေးမှာ
တောင်ဘက်ခြမ်းက ဘာဘာညာညာသတင်းက
မြောက်ဖက်ခြမ်းကို စက္ကန့်သုံးဆယ်နဲ့ အမြန်ချောပို့…။

ညအခါ လသာသာ
ဘောလုံးပွဲ လောင်းမယ် ကာရာအိုကေဆိုမယ် စည်ဘီယာဆိုင်ရှိမယ်
အဝေးပြေးကားတွေက ပစ်ချသွားတဲ့ ယဉ်ကျေးမှုအသစ်တွေနဲ့
ပျော်ပျော်နေတတ် ဖော်ရွေတတ်တယ် ။

ဖြတ်ဖြတ်လတ်လတ်ကလေး ခေတ်ကို အမီလိုက်နေတဲ့ မြို့ကလေးကို
နှစ်နှစ်ကလေး ပေါင်းသင်းမိရုံနဲ့
ထင်ထားတာထက် ပိုချစ်သွားမိတဲ့ မြို့သားခမျာ
မြို့ကလေးမသိအောင် ညရထားနဲ့ လွမ်းလွမ်းကြီး ထွက်ခွာ
နောက်တစ်နေ့မနက်မှာ ငါ့ကို လိုက်မရှာပါနဲ့ မြို့ကလေးရယ် ။
လင်းဒီပ
၂၅.၀၃.၁၀
site bar ကို ကြည့်လိုက်တော့ ကျွန်တော်ရေးပြီး ဘလောဂ့်မှာ တင်ဖြစ်တဲ့ကဗျာတွေထဲ ဒီကဗျာက အပုဒ်(၁၀၀)မြောက် ဖြစ်သွားတယ် ။ဘာရယ်မဟုတ်ဘူး ပျော်သွားပါတယ် ။ :)

နှင်းလက်ကျန် မရှိတော့တဲ့ ဆောင်း

ပုလင်းတူဗူးဆို့ရက်စွဲတွေထဲ
မနက်ဖြန်ကို သောကသင်္ကေတ ထည့်မဆွဲဘူး။

အဖေ့အံဆွဲက ပိုက်ဆံလုပ်တဲ့စက်
အမေ့မေတ္တာ ပူပူနွေးနွေးက ချိုင့်ထဲ သုံးဆင့်အပြည့် ။

“လူငယ်ဟာ လူငယ် ဇွဲကောင်းကောင်း ဖွေရှာပါစေကွယ်”
ကဖေးဆိုင်က
သုခမိန်လှိုင်သီချင်း နဲ့ ကိုယ်ထူကိုယ်ထ လင်းတယ်….။

လွယ်အိပ်လွယ် အတန်းတက်
ကဗျာစာအုပ်ရောင်း ဖဲရိုက်
ကျဆိမ့်သောက် ဆေးလိပ်ဖွာ
မြို့ပြင်တက္ကသိုလ်ကွင်းပြင်ကျယ်ထဲ
စိတ်ကူးကလေးနဲ့ ကံ့ကော်ဆန်။

အမှားပြင်ဆင်ချက်တွေ ဖြည့်ဖို့
စာမျက်နှာလွတ်တွေ အများကြီး ကျန်နေတုန်းကပေါ့
ခွင့်လွှတ်စကားတွေက
နောင်တတရားကို ရေများရေနိုင် ကာလတွေ ။

(ဘာရယ် မဟုတ်ပါဘူး)
ရုပ်ထက် ပိုအိုမင်းလွယ်တဲ့
နာမ်တရား အညောင်းအညာပြေသွားဖို့ပါ
တိတ်တိတ်ဆိတ်ဆိတ်လေး
တကိုယ်ရည် သူငယ်ပြန်ကြည့်တာ
သိပ်ပျော်စရာ ကောင်းတယ် ။
လင်းဒီပ
၂၄.၀၃.၁၀

မေမေ့ပင်လယ်ကူးသင်္ဘောလေး

မေမေ့အပြုံးထဲ
ကျွန်တော်ဟာ စက္ကူလှေလေးရဲ့ မာလိန်မှူး
အသက်သုံးဆယ်အထိ ဘာမှ မထူးခဲ့ဘူး ။

မေမေ့မေတ္တာနဲ့ ဆင်တဲ့ သစ်သားကွပ်ပျစ်ကလေးမှာ
မေမေ့ပေါင်ကို ခေါင်းအုံးလုပ်
သားအိပ်မက်ကလေးတွေ ပြန်အုပ်ချုပ်ပါဦးမေမေ ။

ကော်ဖီလည်း လျော့သောက်ပါတယ်
အိပ်ရေးဝအောင်လည်း အိပ်တယ်
ကွန်ပျူတာလည်း တအားမသုံးဘူး
ဘုရားလည်း မှန်မှန်ရှိခိုးတယ်
ကျွန်တော် ဆက်ညာနေတုန်းပဲ…

ရေခဲတောင်တွေလို မအေးခဲတတ်ဘဲနဲ့
ကျွန်တော်ပင်လယ်ခရီး ထွက်ခဲ့တယ် ။
နှင်းတွေကို မဖြားယောင်းတတ်ဘဲနဲ့
ကျွန်တော် ဆောင်းရာသီထဲ ခုန်ချခဲ့မိပါပေါ့ ။

မောဟတန်းလန်းနေ့စွဲတွေထဲ
တစ်နေ့တစ်လံ
တစ်နေ့တစ်လံနဲ့ပဲ
မေမေရှိတဲ့အရပ်နဲ့ ဝေးသထက် ဝေးနေတုန်း ။

မေမေတွေ့လား
ခိုက်ခိုက်တုန်သတိရစိတ်နဲ့
ညက
ကျွန်တော်
အိမ်ပေါ် ပြန်ပြေးတက်လာခဲ့တယ် ။

လင်းဒီပ
၁၈.၀၃.၁၀
(တပေါင်းလပြည့်နေ့ မေမေ့(၅၉)နှစ်ပြည့်အမှတ်တရ…နောက်ကျမှ တင်ဖြစ်ပါတယ်။ မနှစ်ကလည်း အိမ်ပြေးလေး ပိုစ့်ကို မေမေ့အတွက် အမှတ်တရ ရေးဖြစ်ပါတယ် ။)

ပုထုဇဉ်တေး

ငါက
တောင်တန်းတွေ အကွယ်မှာ
မီးတောင်တွေ အနောက်မှာ
ရေလှိုင်းတွေ အောက်မှာ
သစ်တောထူထူထဲထဲတွေ ထဲမှာ
ပုန်းအောင်းနေဖြစ်တဲ့အခါ…။

မင်းက
တောင်တန်းတွေဆီ
မီးတောင်တွေဆီ
ရေလှိုင်းတွေဆီ
သစ်တောထူထူထဲထဲတွေဆီ
အဖြူရောင်ဝတ်ဆင်မှုနဲ့ အရောက်လာခဲ့ပါ ။

တစ်ယောက် ပုန်းနေတုန်း
နောက်တစ်ယောက် ထပ်ပုန်းတဲ့အခါ
ဘယ်လိုမှ ရှာလို့မတွေ့တော့ပါ ။

တစ်ယောက် ပုန်းရှောင်နေတဲ့အခါ
နောက်တစ်ယောက် လိုက်ရှာရခြင်းက
လူဘဝရဲ့ အရိုးသားဆုံးကဗျာ ။
လင်းဒီပ
၀၄.၀၃.၁၀

ဆုံလည်နွား

သူ့ဆီ တခါပြန်ရောက်ဖို့
မျှော်လင့်ငတ်မွတ်ရင်း
ငါးရက်တိတိ ကြိုးစားကူးခတ်ခဲ့ရ..။

ရောက်တော့လည်း
လေးဆယ့်ရှစ်နာရီလှောင်အိမ်ထဲက
စက္ကန့်တံလေးတွေက
ကြွက်ကလေးတွေလို
ဖြတ်ကနဲ
ဖြတ်ကနဲ
စနေထဲက ထွက်ပြေး
တနင်္ဂနွေထဲက ထွက်ပြေး…။

တခါ ပြန်“နစ်”ရပြန်ပြီ
တနင်္လာ ပင်လယ်နက်နက် လှိုင်းကြမ်းထဲ

သူငယ်ချင်းရာ..
ဘယ်မှာများလဲ
နေပျော်တဲ့ဘဝ ဆိုတာ ။
လင်းဒီပ
၁၄.၀၃.၁၀

လင်းခွင့်မရတဲ့ လရောင်(၂)

နင့်ကို ငါ ချစ်မိတဲ့အကြောင်း ငါ့ကို ငါ မရိပ်မိဖို့ပါ
ငါ့ကို နင်ချစ်မိသွားတဲ့အကြောင်း နင့်ကို နင် မရိပ်မိဖို့ပါ ။

သစ်ရွက်ကလေးတွေကြားမှာ
နင့်ကိုယ်ရနံ့ကလေး သဲလွန်စ မကျန်ရအောင်
ကိုယ်ရောင်ဝှက်ရင်း နင်ထွက်ခွာ….။

ပန်းကလေးတွေကို စကားတတ်အောင် သင်ပေးပြီး
လေညင်းလေးတွေကို ရယ်မောတတ်အောင်သင်ပေးပြီး
ငါ့အနား အဖော်အဖြစ် ထားရစ်…။

စည်းကလေး မတားခဲ့ဘူး…
ခန်းစည်းစလေး မကာခဲ့ဘူး...
ငါက နှင်စရာ မလိုတော့ ပြန်ပါလို့ နင်မပြောခဲ့ဘူး ။

တစ်ယောက် တစ်လိပ်စီ ထုတ်သောက်ဖြစ်ခဲ့လည်း
နင်လည်း ရှိုက်မသွင်းခဲ့
ငါလည်း ရှိုက်မသွင်းခဲ့
တို့ပုံပြင်ကလေး ကင်ဆာ မဖြစ်ဖို့ရယ်…။

ဒီအဖြစ်လေးက
တို့ဘဝနှစ်ဆယ်ရာစု
အကျော်ကြားဆုံးတေးတစ်ပုဒ်
သတိရတိုင်း ထုတ်နားထောင်ကြတာပေါ့..။

ပျင်းပျင်းရှိတဲ့အခါ ဖုန်းခေါ်လိုက်ပါ
စကြဝဠာအကြောင်းမသိတဲ့ မြို့ကလေးမှာ
နင်နဲ့ငါ
ဟိုး….ဥယျာဉ်အဟောင်းထဲ
ရိုးရိုးလေး ဖူးပွင့်ခဲ့ဖူးတဲ့အကြောင်းတွေးရင်း
ဖုန်းမျှော်နေမှာပေါ့ သူငယ်ချင်း ။
လင်းဒီပ
၀၈.၀၃.၁၀

ကွယ်လွန်သူ

လုပ်လက်စတွေ အကုန်ပစ်
လောကကို ချန်ရစ်သွားသူ ။

အဆင့်သင့် မဖြစ်သေးဘူးလို့ ထင်တာပဲ
မပြီးဆုံးသေးဘူးလို့ထင်တာပဲ။

ဘဝတဏှာလေးက
ကမ်းက မခွာချင်ဖြစ်နေပေမယ့်
နေထိုင်ခွင့်က ကုန်သွားပြီ ။

အကူးအသန်းလေး တချက်တည်းပါ
ပြီးတော့လည်း
ကြည်ကြည်မွေ့မွေ့…။

မေမေ
သားတော့ သွားနှင့်ပြီ ။
လင်းဒီပ
၀၄.၀၃.၁၀