ကဗျာဆရာ မရှိတဲ့မြို့

ဒီမြို့မှာ ကဗျာဆရာ မွေးဖွားခဲ့ဖူးလား ။

ဒီမြို့မှာ ကဗျာဆရာ နေထိုင်ခဲ့ဖူးလား ။

ကဗျာဆရာက ဒီမြို့သား မဟုတ်ဖူးလား ။

ဒီမြို့မှာ ကဗျာဆရာ ရှိခဲ့ဖူးလား ။

ဒီမြို့မှာ အနုပညာ ထွန်းကားခဲ့ဖူးလား ။

(ဒါမှမဟုတ်)

ထွန်းကားမယ့် အနုပညာတွေ သင်းကွပ်ခံခဲ့ရတာလား ။

ဒီမြို့ဟာ ကဗျာဆရာကို ကဗျာရေးချင်စိတ်ကလေး ဖြစ်အောင် မဆွဲဆောင်ခဲ့တာလား ။

ဘယ်သူတစ်ဦးတစ်ယောက်ကမှ ဒီမြို့ဖြစ်စဉ်တွေထဲ

ကဗျာကို ခွက်ကပ်ကလေးနဲ့တောင် မမူးခဲ့ဖူးတာလား။

ဒီမြို့သားတွေဟာ အနုပညာ ခံစားနိုင်စွမ်း မရှိခဲ့တာလား ။

ဒီမြို့သားတွေဟာ ခေါင်းငြိမ့် ဆိတ်ဆိတ်နေဖို့ ကျုံးသွင်းခံခဲ့ရတာလား ။

ဒီမြို့ကို ကဗျာဆရာက စွန့်ခွာသွားတာလား ။

ကဗျာဆရာဟာ ဒီမြို့က ထွက်ပြေးသွားခဲ့တာလား ။

ကဗျာဆရာက ဒီမြို့ကပါလို့ ပြောရမှာ သိမ်ငယ်နေခဲ့လား ။

တစုံတရာအတွက် ကဗျာဆရာ ထိတ်လန့်နေခဲ့လား ။

သူ့အနုပညာတွေ ယစ်ပူဇော် ခံခဲ့ရလား ။

ဒီမြို့မှာ ကဗျာဆရာ နေထိုင်ခဲ့ဖူးလား ။

ဒီမြို့ဟာ ကဗျာဆရာ မရှိတဲ့မြို့လား ။

ဒီမြို့ဟာ အနုပညာ မရှိတဲ့မြို့လား ။

ဒီမြို့ဟာ…

ဒီမြို့ဟာ…

နာဇီအမှတ်အသားနဲ့ မြို့တံခါးဝမှာ

ငါ ရပ် ငေး စဉ်းစားဆဲ ။

လင်းဒီပ

၁၇.၀၁.၁၁

ရောင်စုံခဲတံလေးများ

(၁)

မေမေနဲ့ဖေဖေသည် ပန်းချီဆွဲရန်ဆိုပြီး အဖြူရောင် စာရွက်အလွတ်တစ်ရွက် ပေးပြီး ကျွန်တော့်ကို လောကထဲသို့ လွှတ်လိုက်ပါသည် ။ ခဲတံရောင်စုံကလေးများ ထည့်မပေးလိုက်ပါ ။ ကျွန်တော်သည် စာရွက်ကလေးကို ကိုင်ပြီး ဖြည်းဖြည်းခြင်း လျှောက်လာခဲ့ပါသည် ။ အရောင်များကို စတင်သင်ယူပါသည် ။

(၂)

ကျွန်တော်သည် စာရွက်လွတ်ကလေးဖြင့် မူလတန်းလမ်းမကို ဖြတ်လျှောက်သောအခါ အနီရောင်ခဲတံကလေးကို တွေ့ရသည် ။ ခဲတံနီကလေးက ကျွန်တော့်ကို အလွန်ခင်သည် ။ သူ့မေမေသည် မေမေလေးဖြစ်သည် ။ သူ့မှာ အမေသုံးယောက်ရှိသည်ဟု တခါတလေ နောက်တတ်သည် ။ သူငယ်ချင်းတွေနဲ့ နေရသော အချိန်ကို အိမ်မှာ နေရသော အချိန်ထက် ပိုပျော်သော ခဲတံနီကလေး ဖြစ်ပါသည် ။ ခဲတံနီကလေးက ကျွန်တော့်စာမျက်နှာပေါ်တွင် အနီရောင် အရုပ်ကလေးများဆွဲပြသည် ။ ကလေးနှစ်ယောက်ကွင်းပြင်ကျယ်တစ်ခုတွင် စွန်လွှတ်နေပုံ ။ တံတားဘေးမှာ ထိုင်ပြီး ကောင်လေးနှစ်ယောက် ငါးမျှားနေပုံ ။ပြီးတော့ မိုးရွာပြီး ရေလွှမ်းနေသော ကတ္တရာလမ်းတစ်လျှောက် ဖိနပ်များကို မျှောပြီး တစ်ကိုယ်လုံးစိုရွှဲသွားအောင် ဆော့နေသော ကျောင်းသားလေးနှစ်ယောက်ပုံ ။

ကျွန်တော့်စာရွက်ကလေးပေါ်တွင် အဝါရောင်ပန်းပွင့်ပုံလေးကို နဝမတန်းလမ်းမပေါ် ဖြတ်လျှောက်မိသောအခါ အဝါရောင်ခဲတံကလေးက ဆွဲလိုက်လေသည် ။ ခဲတံနီကလေး ခဲတံဝါကလေးနဲ့ ကျွန်တော်သည် ကျောင်းထောင့်က ဗာဒံပင်ကြီးအောက်တွင် ဆရာမရှင်းပြလိုက်သော ကဗျာလေးတစ်ပုဒ်အကြောင်းကို ငြင်းခုန်နေကြသည် ။ ခဲတံဝါလေးသည် စက်ဘီးစီးနေသည် ကောင်လေးတစ်ယောက်နဲ့ ကောင်မလေးတစ်ယောက်ပုံကို ဆွဲပြပါသည် ။ ခဲတံဝါလေးသည် ဆည်းလည်းသံလွင်လွင်ကလေးများကို အဝါရောင်သင်္ကေတများဖြင့် ရေးခြစ်ပါသည် ။ခဲတံဝါကလေးဆီမှ သနပ်ခါးနံ့သင်းသင်းကလေးကို မနက်ခင်းလေပြည်ထဲတွင် လက်ဆောင်ရတတ်လေသည်။

ကျွန်တော့်စာရွက်ပေါ်တွင် အရောင်ကလေးများ စုံလာသည် ။ အနီရောင်စွန်လွှတ်နေသောကလေးနှစ်ယောက်ပုံများ အဝါရောင် ပန်းပွင့်ပုံကလေးများအပြင် အပြာရောင်ဖြင့်ရေးဆွဲထားသော ဂီတသင်္ကေတပုံကလေးများ အညိုရောင်ဖြင့်ဆွဲထားသော ကောင်လေးတစ်ယောက်စီးကရက်သောက်နေသော ပုံကလေးများ ခဲရောင် မှိုင်းမှိုင်းခြစ်ထားသော ကစားဝိုင်းတစ်ဝိုင်း၏ ပုံကလေးများထိ အရောင်စုံ ပုံသဏ္ဍာန်စုံ ဆွဲမိပြီးသား ဖြစ်နေလေသည် ။ ကျွန်တော့်မှာ စာရွက်ကလေးတစ်ရွက်သာရှိသော်လည်း ခဲတံကလေးများက ဝိုင်းဆွဲပေးကြခြင်းဖြစ်သည် ။ကျွန်တော့်လွယ်အိတ်ထဲတွင်လည်း ခဲတံကလေးများ အရောင်အတော်စုံနေပြီ ဖြစ်သည် ။

ကျွန်တော်မြို့တစ်မြို့ကို ရောက်နေသည် ။ ခဲတံကလေးများကို သတိရစိတ်ဖြင့် ထုတ်ကြည့်တော့ တချို့ခဲတံလေးများ ပါမလာတော့ပေ ။ ဘယ်မှာ ကျကျန်ခဲ့ပါလိမ့် ။ ခရီးသည် ရှည်သည် ။ ရာသီဥတုသည် စုံသည် ။ ခဲတံတချို့တလေ ပျောက်ကုန်ပြီ ထင်သည် ။ထိုမြို့မှာ ခရမ်းရောင်ခဲတံဝဝလေးနဲ့တွေ့သည် ။ ခဲတံလေးက ငါက သက်မွန်မြင့်လေဟု တွေ့တွေ့ချင်းပြော၏ ။ ဟုတ်ပါဘူး နင်က ဝက်မွန်မြင့် ပါ လို့ ပြန်ပြောမိ၏ ။ ထိုခဲတံဝဝလေးနှင့်ကျွန်တော်သည် ရန်ဖြစ်ရင်း အဆောက်အအုံဒီဇိုင်းပုံတွေဆွဲရင်း ငြင်းခုန်ရင်း နဲ့ ခင်သွားသည် ။

အနီရောင်ခဲတံလေးဆီမှ ဖုန်းလာသည် ။ ဟေ့ရောင် … အဆင်ပြေလား ငါမိန်းမရနေပြီကွ ။ မင်းပြန်လာရင် ငါတို့ဆီ လာခဲ့ဦး ။ ပြန်တွေ့သောအခါ ခဲတံနီကလေးသည် အရင်တုန်းကလို မဟုတ်ဘဲ အိမ်မှာ ပျော်တတ်သော ခဲတံကလေးဖြစ်နေပြီဖြစ်သည် ။ ကျွန်တော်ပြန်လာတော့ ခဲတံနီကလေးက မိသားစုဆိုသည့်ပုံကလေးကို ကျွန်တော့်စာရွက်ပေါ်တွင် ဆွဲပေးလိုက်လေသည် ။

ကျွန်တော်လက်ရှိ အလုပ်မှာ မပျော် ။ အလုပ်ပြောင်းချင်တာ ခဲတံညိုလေးသိသည် ။ အလုပ်ရှုပ်နေတုန်း ဖုန်းဝင်လာသည် ။ ကျွန်တော့်နာမည်ကို ပီပီသသ မခေါ် ။ ဒီနိုင်ငံက လူတွေလို အသံကို ဝဲအောင်လုပ်ပြီး ခေါ်သည် ။ ကျွန်တော်က ပြာပြာသလဲ ပြန်ဖြေတော့….အရူး နင် အင်တာဗျူး ဖုန်း မျှော်နေတာ မဟုတ်လား ။ အရူးမ နင် တော်တော်အားနေလား ။

ထိုနောက် ခဲတံညိုလေးနှင့် ကျွန်တော် ရယ်သံများကို ပြိုင်တူ ရေးခြစ်မိလေသည် ။

(၃)

ကျွန်တော် အိမ်ဝန်းလေးထဲ ပြန်ဝင်လိုက်သောအခါ အိမ်က ထွက်လာတုန်းကလို ချာတိတ်ကလေး ပြန်ဖြစ်သွားသည် ။ မေမေနဲ့ ဖေဖေကလည်း ငယ်ရွယ်နုပျိုနေပြန်သည်။ ကျွန်တော်လက်ထဲက စာရွက်ကလေးကို ပြလိုက်သည် ။ အိုး… အရုပ်တွေ အရောင်တွေ စုံလို့ပါလား ။ မေမေက ကျွန်တော့်ဆံပင်တွေကို ပွတ်သပ်ရင်း ဖက်ထားသည် ။ ကျွန်တော့်ဆံပင်တွေက နေရောင်ပြင်းပြင်းတွေ ထိမထားသလို နူးညံ့ပျော့ပြောင်းပြီး ကျွန်တော့်လက်ဖဝါးတွေက ဖြူဆွတ်နေသည် ။ ကျွန်တော် စာရွက်ကလေးသည် အရုပ်ပေါင်းစုံ အရောင်ပေါင်းစုံတို့ဖြင့် လှချင်တိုင်း လှနေသည်။

လင်းဒီပ

၂၃.၁၁.၁၀