ကျွန်တော့်ရှေးဟောင်းပစ္စည်းလေး

မင်းတွေ့ခိုင်းလို့ သွားတွေ့တဲ့ အမျိုးသမီးပါ

ခု အမှတ်မထင် ထပ်ဆုံတော့ မင်းက တမျိုးပြောပြန်ပြီ ။

မင်းကြည့်ခိုင်းတဲ့ ရုပ်ရှင်လေ

အဲဒီမင်းသမီးအကြောင်း မေးမိတော့ မင်းက မျက်စောင်းထိုးပြီ ။

မင်းစိုက်ခိုင်းတဲ့ သစ်ပင်ပေါ့

သူနဲ့ ကိုယ် အချိန်ကုန်နေတော့ မင်းက ငြူစူပြန်ပြီ ။

မင်းဖောက်ခိုင်းတဲ့ ပြတင်းပေါက်လေ

လမ်းမဆီ ကိုယ်ငေးမိတော့ ပြဿနာက တက်ပြီ ။

မင်းလျှောက်ခိုင်းတဲ့လမ်းပါ

ကိုယ်နဲ့ လမ်းကလေး အကျွမ်းတဝင်ရှိပြန်တော့ မင်း အပြစ်ဖွဲ့ပြီ ။

မင်းရွက်လွင့်ခိုင်းတဲ့ ပင်လယ်ပါ

အပေါင်းအဖော်တွေ တိုးလာတော့ မင်း ငြိုငြင်ပြီ ။

မင်းနမ်းခိုင်းတဲ့ အနမ်းပါ

နောက်တခါ ကိုယ်နမ်းမယ် ဆိုတော့ မင်း ငြင်းပယ်ပြီ ။

If I were a boy

အဲဒီ သီချင်း ထပ်ခါ ထပ်ခါ လာနားမထောင်ခိုင်းနဲ့ ။

ကိုယ်ဖတ်လေ နားမလည်လေ ဖြစ်နေရတဲ့ကဗျာ

တွေးတောလေ ညနက်လေဖြစ်နေရတဲ့ သီအိုရ်ီတစ်ခု

ဒါဆို

မင်းစိတ်က ကမ္ဘာဦးအရေးအသားလား ။

မသိတော့ဘူး မင်းကို

ကြာလာရင်

ကိုယ် jailbreak လုပ်မိတော့မယ် ။

လင်းဒီပ

၁၉.၀၇.၁၀

ညစာစားပွဲ

၂၄ နာရီ အလင်းမြို့ပြရဲ့ တောက်ပဆိုင်တစ်ဆိုင်ထဲ
ခင်ဗျားနဲ့ ကျွန်တော် ညစာ အတူတူ စားသုံး
နောက်ခံတေးသွားမှာ ဝါးဟားဟားတွေ များနေတယ် ။
ခင်ဗျားမှာ ရှိတဲ့ အချိန်လေးနည်းနည်းရယ်
ကျွန်တော်မှာ ရှိတဲ့ အချိန်လေးနည်းနည်းရယ် ပေါင်းပြီး
ဒီညစာကို အတူတူ စားကြတယ် ။
ကျွန်တော်က ခင်ဗျား အမျိုးသားရဲ့ အလုပ်အကိုင် အကြောင်းတွေ မေးနေမိတယ် ။
ခင်ဗျားက ကျွန်တော်နဲ့လက်ထပ်တော့မယ့် မိန်းကလေး ဆက်တက်နေတဲ့ ကျောင်းအကြောင်း မေးတယ် ။
ခင်ဗျားနဲ့ကျွန်တော်ဟာ
အရင်ကလို တစ်ယောက်နဲ့ တစ်ယောက် ဈေးကစားတဲ့ မျက်လုံးတွေ မရှိတော့ဘူး ။
ခင်ဗျားအပြုံးကို မှော်ဆန်တဲ့ ကုန်းမို့ကလေးလို့ ကျွန်တော် မခံစားမိတော့ဘူး ။
ခင်ဗျား ချကျွေးမယ့် ချောကလက်တွေကိုလည်း ကျွန်တော် မဆာလောင်တော့ဘူး ။
“ခင်ဗျားက ဘယ်ဥပဒေနဲ့မှ တရားစွဲလို့ မရအောင်လှတယ်ဗျာ” အဲလို ပြောခဲ့ဖူးတာ ကျွန်တော် မမှတ်မိတော့ဘူး ။
နှစ်ဆယ့်နှစ်နှစ်သားရဲ့အတွန့်အခေါက်စကားလုံးလေးတွေ ကျိုးကြေကုန်ပြီ ။
နှစ်ဆယ့်သုံးနှစ်ကောင်မလေးရဲ့ မာယာမိတ်ကပ်တွေ ပျက်ကုန်ပြီ ။
ခင်ဗျားကလည်း
နှုတ်ခမ်းဆိုးဆေးလေး မပျက်ရုံ ဘဝအကြောင်းပြောတဲ့ အရွယ် မဟုတ်တော့ ။
ကျွန်တော်ကလည်း
ရှပ်အင်္ကျီလက်ရှည်ထဲ ချွေးတစ်စက် မထွက်ဘဲ ဘဝကို မောပြတဲ့ အရွယ် မဟုတ်တော့ ။
သုံးဆယ်ကျော်မှာ ကျွန်တော်တို့က ဘဝကို နည်းနည်း ရိပ်မိလာသလိုပဲ ။
ကျွန်တော် သိပ်ပြန်လာချင်တယ်ဗျာ အဲလိုပြောမိတော့
ခင်ဗျားကလည်း ပြန်လာပါ လုပ်ငန်းတစ်ခုခု ပေါင်းလုပ်ကြတာပေါ့ ။
ကျွန်တော်တို့ဟာ ဘဝကို တဝက်လောက် နေထိုင်ခဲ့ကြပြီ ဆိုတော့
တစ်ယောက်ဒဏ်ရာကို တစ်ယောက် ပို စာနာတတ်လာသလိုပဲ ။
ကျွန်တော့်တစ်ကိုယ်လုံးလည်း လောကဓံဂျိုချက်တွေချည့်ဗျာ
ခင်ဗျားလည်း ခင်ဗျားမျှားနေတဲ့ ပင်လယ်နဲ့ ခင်ဗျား
မောနေတာ ကျွန်တော် တွေ့တယ် ။
ကျွန်တော်တို့ စကားလုံးတွေကို တထိုင်တည်း တဝကြီး စားကြတယ် ။
မကုန်ဘူး ပြောစရာတွေ
မပြောဖြစ်ခဲ့တာတွေ
ပြောမှ ဖြစ်မှာတွေ
ပြောရဲသွားတဲ့ စကားတွေ
ဆိုးဆေးမပါတဲ့ စကားတွေ
(ကျွန်တော်တို့နှစ်ယောက်ရယ် စကားလုံးတွေရယ်)
အတူတူ ထပြန်ကြတော့ ညဆယ်နာရီ
တည်းခိုတဲ့ဆီ လိုက်ပို့ပေးရမလား ကျွန်တော် ခင်ဗျားကို မမေးလိုက်ဘူး ။

လင်းဒီပ
၁၅.၀၇.၁၀


ရင်တွင်းစကား
ဖြစ်နိုင်ရင် ကျွန်တော်ကဗျာတွေ အများကြီးရေးချင်ပါတယ် ။ တစ်ပတ်ကို ကဗျာဖြစ်ဖြစ် စကားပြေဖြစ်ဖြစ် နှစ်ပုဒ်လောက် တင်ချင်ပေမယ့် ရေးချင်တိုင်း လက်ကလိုက်မလာတဲ့အခါ အေးစက်နေတဲ့ ဘလောဂ်ဖြစ်ဖြစ် သွားပါတယ် ။ အဲဒီဘလောဂ်ကိုပဲ လာဖတ်ပေးကြလို့ အများကြီး ကျေးဇူးတင်ပါတယ် ။အများကြီး မရေးနိုင်တဲ့အခါ ရေးနိုင်သလောက်တော့ ဆက်ရေးနေပါဦးမယ် ။ အားလုံးကို ခင်မင်လေးစား ကျေးဇူးတင်ပါတယ်ဗျာ ။

စက္ကူလှေ

ငါက

အကျီစားသန်တော့

ငါ့စကားဆို မုသားချည့် နင်က ထင်တယ်..။

မရှိမဲ့ ရှိမဲ့ စိတ်ပုတ်ကလေးနဲ့

နင့်အတောင်လေးတွေ ချိုးထားဖို့လည်း

တခါတလေတော့ တွေးကြည့်ခဲ့ဖူးတယ် ။

ဂျိုကာလေးဟာ ဂျိုကာလေးပဲပေါ့ ။

နင်ပျော်ရွှင်ရုံသက်သက်

ဒိထက် ဘာမှ ပိုမပေးနိုင်ခဲ့တော့…

ပြောနေကျ ဟန်အတိုင်း

“အရူး”လို့

ပြော….ထားခဲ့ ။

ထန်းလက်ကလေး လှမ်းကာ မနေပါနဲ့

ပွင့်ဖတ်ကလေးနဲ့တောင် မရွယ်ရက်တဲ့လူက

ဘယ်လိုလုပ် မိုးရာသီကို လူမိုက်ငှား မလဲ ။

နင့်စိတ်ကူးစိတ်သန်းလေးနဲ့

ငါနေထိုင်မှုပုံစံလေး

အပေါက်အလမ်းတည့်သွားတုန်း ခဏ

(တဒင်္ဂ)

တကယ့် ခဏလေး

နင် ရင်ခုန်သလို ဖြစ်သွားခဲ့တာ..။

ပျော်ခဲ့တယ်

ငါ့ရင်ခုန်သံကလေး

ခဏလေး ခေါင်းအုံးအိပ်ပေးခဲ့တဲ့အတွက် ….။

ဒီလောက်ပါပဲ

ဘဝလေး ခဏ

ခဏကလေး ဘဝမှာ

နင့်အနား

လှိုက်လှိုက်မောမော နေပျော်ခဲ့ဖူးတာ…။

လင်းဒီပ

၂၇.၀၆.၁၀

အပျော်တမ်းကဗျာဆရာ

အပျော်တမ်း အမဲလိုက်ကြသလိုပါပဲ
အပျော်တမ်း ကဗျာရေးပါတယ် ။

အပျော်တမ်း ဓာတ်ပုံရိုက်ကြသူတွေလို
အပျော်တမ်း ခြေလျင်တောင်တက်ကြသူတွေလို
အပျော်တမ်း ကဗျာလေးတွေ ရေးတယ် ။

တချို့တွေကတော့
အပျင်းပြေရည်းစားထား သတဲ့
ကျွန်တော်ကတော့ အပျော်တမ်း ကဗျာရေးပါတယ် ။

အပျော်တမ်း ကဗျာရေးတော့ တချို့စာတွေ မတတ်ပါဘူး ။
အပျော်တမ်း ကဗျာရေးတော့
လူတွေအများကြီး ရှေ့လည်း ထွက်မရပ်ဖြစ်ဘူး ။
အပျော်တမ်း ကဗျာရေးတော့
စာလုံးမဲမဲကြီးတွေနဲ့လည်း နာမည်မကျော်ခဲ့ဘူး ။
အပျော်တမ်း ကဗျာရေးတော့
(ဟိုကောင်လေးတွေလိုလည်း)
စကားအကြီးကြီးတွေ ပြောစရာ မရှိခဲ့ဘူး ။
အပျော်တမ်း ကဗျာရေးတော့
အများကြီး မတွေ့ နည်းနည်းတွေ့
ဒါနဲ့တွေ့သလောက်ကလေး နည်းနည်း ရေးပါတယ် ။
အပျော်တမ်း ကဗျာရေးတော့
တခါတလေ ကိုယ့်ကဗျာလေးတွေ
တော်ကောက်ခံရတော့လည်း ပျော်ပါတယ် ။

ကဗျာဆရာက သေနတ်မကိုင်ဘူး ။
နျူကလီးယားလက်နက်တွေ မစမ်းသပ်ဘူး ။
ကုလားထိုင်ကောင်းကောင်းမရှိဘူး ။
ရေးသလို နေထိုင်ပြီး နေထိုင်သလိုရေးတယ် ။
အဲသလို ကဗျာဆရာအစစ်ကြီးတွေကို
ရိုသေလေးစားခြင်းနဲ့ ရိုးရိုးသားသား ကဗျာရေးပါတယ် ။

တကယ်တော့
အပျော်တမ်း ကဗျာဆရာပါ
အပျော်တမ်း ကဗျာရေးတယ်
ကိုယ့်ဝါသနာလေးနဲ့ကိုယ်
အကုသိုလ်ကင်းတယ်တော့ ထင်တာပဲ ။
လင်းဒီပ
၂၂.၀၆.၁၀

ဖတ်မိတော့လည်း ကဗျာ(၁)

အိန္ဒိယ အလုပ်သမားလေးဟာ ပျော်နေတယ်
မနက်ဖြန် သူအိမ်ပြန်တော့မယ် ။

သူ ပျော်နေတယ်
အလုပ်ရှင်က အလုပ်လုပ်ခွင့် သက်တမ်း ထပ်မတိုးပေးတဲ့အတွက် ။
သူ ပျော်နေတယ်
ဒီတခါ လေယာဉ်ကြီးက သူ့မြေကို ပြန်ပို့ပေးမှာ ဖြစ်တဲ့အတွက် ။
သူ ပျော်နေတယ်
ချင်းနိုင်လေဆိပ်ကနေ ဇာတိမြေရောက်ဖို့
နောက်ထပ်ကားခြောက်နာရီလောက် ထပ်စီးရမှာလို့ ပြောရင်း…။

သူ့စကားသံက
ပျော်ရွှင်ခြင်းဒရမ်ကို ခပ်ကြမ်းကြမ်း တီးတယ် ။
သူ့မျက်လုံးရုပ်ရှင်ပိတ်ကားပေါ် မိသားစုထမင်းဝိုင်းလေး ပြနေတယ် ။
သူ့မျက်လုံးရုပ်ရှင်ပိတ်ကားပေါ် သူ့ချစ်သူ အမည်းရောင် အိန်ဂျယ်လ်လေး ကနေတယ် ။
သူ့မျက်လုံးရုပ်ရှင်ပိတ်ကားပေါ် စည်းမဲ့ကမ်းမဲ့ ကားလမ်းမတွေ ပြနေတယ် ။
သူ့မျက်လုံးရုပ်ရှင်ပိတ်ကားပေါ် ခပ်အိုအို မီးရထားကြီးထဲ လူတွေ တပျော်တပါး စီးနေတယ် ။

သူဝတ်နေကျ
ညစ်ထပ်ထပ် ရှပ်အင်္ကျီကလေးကို
လျှော်ဖွတ်လိုက်ရင် ဘာတွေ ထွက်လာမလဲ
ခြေမွှေးမီးမလောင် လက်မွှေးမီးမလောင်
လည်ချောင်းထဲ အခါခါလှောင်ထားတဲ့ တောက်ခေါက်သံတွေလား
ညတာ….တိုလွန်း
အိပ်မက်က…..ရှည်လျားလွန်းတဲ့ သူ့ညတွေလား
ငွေစကြေးစလေး နည်းနည်းပါးပါးအတွက်ပါ..
ဈေးကြီးလွန်းတဲ့ လူတန်းစေ့အင်္ကျီကလေး ဝယ်ဝတ်ဖို့ပါ ။

သူစီးနေကျ Safety Shoe ကလေးဟာ
ကွဲကွဲ အက်အက် နဲ့ အသံထွက်လာတယ်…
တက်ခဲ့တဲ့ အထပ်မြင့်တွေ
ဆင်းခဲ့တဲ့ တွင်းနက်နက်တွေ
လျှောက်ခဲ့တဲ့ ညစ်ပတ်ပေရေ လမ်းတွေ
ငွေစကြေးစလေး နည်းနည်းပါးပါးအတွက်ပါ..
ဈေးကြီးလွန်းတဲ့ လူတန်းစေ့အင်္ကျီကလေး ဝယ်ဝတ်ဖို့ပါ ။

သူ့စကားတွေ သူပြန် နားထောင်ရင်း
သူ့မျက်လုံးရုပ်ရှင်ကားလေး သူ့ဘာသာ ပြန်ကြည့်ရင်း
သူ့ရှပ်အင်္ကျီကလေး သူ့စိတ်ကူးနဲ့ သူလျှော်ဖွတ်ကြည့်ရင်း
သူ့ ဖိနပ်ကလေးအကြောင်း သူ စဉ်းစားရင်း
အိန္ဒိယ အလုပ်သမားလေးဟာ ပျော်နေတယ်
မနက်ဖြန် သူအိမ်ပြန်တော့မယ် ။

သူ့အလွမ်းတွေ
မှော်အောင်သွားတဲ့အကြောင်း တွေးရင်း
ကျွန်တော်လည်း ပျော်နေခဲ့တယ် ။
လင်းဒီပ
၁၇.၀၆.၁၀

မြို့ပြရင်ကွဲနာ

(က)
လေယာဉ်က မြိုတော်နားတဖြည်းဖြည်းနီးလာတော့ ပြတင်းမှ ငေးကြည့်မိသည် ။ နေ့လည်နေရောင် အောက်မှာ သွပ်မိုးထားသည့် အိမ်ကလေးတွေက မျက်စိကျိန်းဖွယ် လင်းနေသည် ။ နောက်လယ်ကွက်ကလေးတွေပေါ်မှာ တိမ်ရိပ်တွေ ကျနေတာ ငုံ့ငေးမိသည် ။ လယ်ကွက်ကလေးက လေယာဉ်ကလေးကို သိမ်ငယ်စွာ နေရောင်ပြင်းပြင်းအောက်မှ မော့ငေးကြည့်နေသယောင် ခံစားမိသည် ။ လယ်ကွက်ကလေးက လေယာဉ်လေးကို ကျော့ကျော့လေး ပျံနေတာ ရယ်လို့ သူ တွေးကောင်းတွေးမည် ။ လေယာဉ်လေးခမျာလည်း သူပျံသန်းလာရတဲ့ လမ်းတလျှောက် သူ့အခက်အခဲ သူ့အပူအပင်တွေနှင့် ဆိုတာ လယ်ကွက်ကလေး နားလည်ပါ့မလား မသိ ။ အားလုံးဟာ ကိုယ်ပိုင်ဒုက္ခတွေနဲ့ ချည့်ပါ လယ်ကွက်ကလေးရယ် ။

လေယာဉ် ငြိမ့်ကနဲ ဆင်းချသွားတော့ မြင်နေကျ မြိုတော်လေဆိပ်မြင်ကွင်းတွေ ။ မြို့တော်က ကျွန်တော့်ကို အပူနှင့် နွေးထွေးမှု ပေးသည် ။ ဘယ်သူ ဘာပြောမလဲကွယ် ။ ဒါကျွန်တော့်ရဲ့ အမြဲတမ်းမြို့တော်ပါပဲ ။ နေပူပူ မိုးရွာရွာ… အိုကွာ ဘာတွေပဲ လာလာပေါ့ …။ ဒါဆို ဘာလို့ အဝေးမှာ သွားနေလဲ လို့ မြို့တော်က ကျွန်တော့်ကို ပြန်မေးရင်… အင်း …. ရုပ်ဝတ္တုတို့ဆီ လိုက်ရင်း ပြေးရင်း ဖိနပ်လည်း ပါးတော့မယ် ….

“ပြီးခဲ့တဲ့ရက်က အရမ်းပူနေတာ ။ မနေ့က မှ မိုးစရွာတာလေ ။”

ကေဘယ်ကြီးတွေကို ထမ်းထားသည် တာဝါတိုင်ကြီးတွေကို ကြည့်ရင်း တွေးမိသည် ။ သူတို့ပေါ်မှာ ဖြတ်ပြေးနေသည် high voltage ရှိပါရဲ့လား ။ ကြီးကောင်ကြီးမားနှင့် ကလန်ကလားရပ်နေရင်း ဘာအလုပ်မှ မရှိတော့ အားနာနေသလို တာဝါတိုင်ကြီးတွေက ကျွန်တော့်အကြည့်မှာ အိနြေ္ဒမရ ဖြစ်နေသည် ။ (ရှက်စရာ မလိုပါဘူး တာဝါတိုင်ကြီးတွေရယ် မင်းတို့ အပြစ်မှ မဟုတ်တာ….)

(ခ)

မေမေ့ခြံကလေးထဲ ဝင်လိုက်တော့ အားလုံးက သူ့ကို လှိုက်လှိုက်လှဲလှဲ ကြိုကြသည် ။ မေမေကတော့ ထုံးစံအတိုင်း ထမင်းစားဖို့ အတွက် အစုံအလင် ။ လယ်ကွက်ကလေးက လေယာဉ်ကလေးကို လှမ်းကြည့်သည့် မျက်လုံးမျိုးနှင့် ဝမ်းကွဲ အစ်ကို အစ်မတွေ ညီ ညီမတွေ က သူ့ကို ကြည့်သည် ။ ဘာမှ မဟုတ်ပါဘူးကွာ ။ နွားတစ်ကောင် ချည်တိုင်ဆီ ခဏပြန်လာတာပါ လို့ စိတ်ထဲမှ ပြောမိပြန်သည် ။

သားပြန်လာမယ်ဆိုလို့ မင်းအဖေက ဓာတ်မီးတွေ အများကြီး ဝယ်ထားတယ် ။ မီးမှောင်ရင် မင်းနေတတ်မှာ မဟုတ်ဘူး ။ မေမေက စားပွဲပေါ်ရှိ LED တရုတ်ဓာတ်မီးလေးတွေကို ပြရင်း ပြောသည် ။ အိမ်ကို ဝင်တဲ့ မီးလိုင်းတွေက အတော်စုံနေသည် ။ ဒါက အင်ဗတ်တာ …ဒါက ရပ်ကွက်ထဲက ယူထားတဲ့ ည (၁၁) နာရီထိ စက်မီး ။ ဒါက EPC မီး ။ကျွန်တော့်ကုတင်ပေါ်မှာ အိပ်ရာလေးက အဆင့်သင့် ။

ညနေစောင်းတော့ လေဆိပ်လာကြိုသည့် ဖြူလေးကို အိမ်ပြန်ပို့ရင်း မြို့ထဲ လမ်းတွေပေါ် လျှောက်မိပြန်သည် ။ ရန်ကုန်သူတွေ ပိုလှလာတယ်လို့ ဖြူလေး မမြင်အောင် တွေးမိသည် ။ကားလမ်းပေါ်တက်လျှောက်နေသည့် လူများ ပလက်ဖောင်းအပြည့် နေရာယူထားသည့် လမ်းဘေးဈေးသည်များ ပလက်ဖောင်းပေါ် စီစီရီရီ ချထားသည့် မီးစက်ကြီးများကို ရှောင်ကွင်းရင်း လျှောက်ရတာကိုက ရန်ကုန်အရသာလို့ပဲ ပြောရမည် ထင်သည် ။ မြို့ထဲက လမ်းဘေးဆိုင်လေးမှာ မာလာဟင်း ကြက်ခြေထောက်သုပ် ဝက်ခေါင်းသုတ်နဲ့ ကျောက်ပွင့်သုပ်ကို ထမင်းလွတ်စားမိသည် ။

(ဂ)

ဖြူလေးက အလုပ်ဆင်းချိန် လာကြိုဆိုတော့ ညနေစောင်း သူတို့ ဆိုင်နားမှာ သွားစောင့်နေတုန်း မိုးက သည်းသည်းမဲမဲ ရွာချလာသည် ။ မိုးရွာတော့ လမ်းတွေပေါ်မှာ ရေတွေ ပြည့်ကုန်ပြီ ။ ဖြူလေးကတော့ မြို့တော်သူ ပီသစွာ ဘောင်းဘီကို ကျနစွာ ခြေသလုံးရင်းထိ လိပ်တင်ပြီး မိုးကာအင်္ကျီကလေးနှင့် တစ်ဖက်က ထီးကိုင် တစ်ဖက်က ထမင်းချိုင့်ကို ကိုင်ရင်းထွက်လာသည် ။ “အဲဒီဘောင်းဘီက ဘာလို့ မခေါက်တာလဲ ။ ခေါက်တင် ။ ပဲများမနေနဲ့ ။” ဆိုပြီး လှပတဲ့ ရာဇသံလေး ပေးသည် ။ ကျွန်တော်တို့ ဖြတ်သန်းရာ မှောင်ရီပျိုးစ အနော်ရထာလမ်းတလျှောက်မှာ မြို့တော်သူ မြို့တော်သားတွေ ပုဆိုးမ လုံချည်မ ဘောင်းဘီခေါက် ဖိနပ်တွေကိုင်သူကိုင်နဲ့ ချိုင့်တွေ အပေါက်တွေ ရှောင်ကာ အမှောင်ထဲ ကိုယ့်လမ်းကိုယ်စမ်းရင်း လျှောက်နေကြသည် ။ မိုးကာအင်္ကျီအောက်မှာ မျက်နှာလေးပဲ ဖော်ထားသည့် ဖြူလေး မီးမထွန်းဘဲ လှနေသည့် မြို့တော်ကြီး နှင့် မကြာခင်မှာ ကျွန်တော်လည်း တသားတည်းကျ သွားပြီ ။ တကယ်ဆို ဖတ်တတ်ရင် ကဗျာတွေချည်းပဲ မဟုတ်လား ။

နောက်တစ်နေ့ မြေအိုးမြီးရှည်ဆိုင်မှာ ပိုက်ဆံရှင်းတော့ ထောင့်ကိုးရာကို …တစ်ရာပြန်မအမ်းဘဲ Nestle Coffeemix တစ်ထုပ်အမ်းသည် ။ ငါးဆယ်ဆို Snow White Tissue တစ်ထုပ် သို့မဟုတ် တုတ်ထိုးသကြားလုံးလေးတစ်လုံး ပြန်အမ်းသည် ။ ကြေးအိုးဆိုင်ကြီးတစ်ဆိုင်ကတော့ တစ်ရာ့ငါးဆယ်အစား သူ့တို့ဆိုင်တံဆိပ်ပါသည့် ဘောလ်ပင်တစ်ချောင်းနဲ့ tissue တစ်ထုပ်အမ်းသည် ။ တစ်ပတ်လောက်နေတော့ ကျွန်တော့်မှာ အတော် စုမိဆောင်းမိဖြစ်လာပြီ ။ တစ်ရှုးတွေ ကော်ဖီမစ်တွေ ဘောလ်ပင်တွေ ။ သကြားလုံးလေးတွေ ။ပြီးတော့ာ ချစ်သူ့ပါးကလေးလို့ ဖွဖွကလေး ထိကပ်ရသည့် တစ်ရာတန် နှစ်ရာတန် ငွေစက္ကူလေးတွေလည်း ရှိလာပြီဖြစ်သည် ။

ရွှေတိဂုံဘုရားပေါ်တက်လိုက်တော့ Shopping Mall ထဲ ဝင်လိုက်တော့ ရုပ်ရှင်ရုံထဲ ဝင်လိုက်တော့  ကျွန်တော့်လုံခြုံရေးအတွက် Scanner ထဲက ဖြတ်သွားရသည် ။ Scanner ထဲက ဖြတ်ပြီးတော့မှ ကိုယ့်ကိုကိုယ် လုံခြုံသွားပြီလို့ ခံစားမိသည် ။ ရွှေတိဂုံတောင်ဖက်မုဒ်ကတော့ လှေကားထစ်တွေ ရေလို ကောင်းနေတုန်းပါပဲ ။ ဘုရားပေါ်က ပြန်ဆင်းတော့ လူကူမျဉ်းကျားမှ ကားတွေ ရပ်ပေးမလားလို့ ကြောင် မိသေးသည် ။ ကားဦးကားဖြတ် လူဦးလူဖြတ်စနစ်ကို မေ့နေတာရယ်လေ ။

ဖြူလေးအဒေါ်အိမ်သွားမယ်ဆိုပြီး ကားငှားတော့ ကားဆရာက ဒီတံခါးက ပျက်နေတယ် အစ်ကို ။ ဟိုဘက်က တက်လိုက်ပါ ။
သူပြောတဲ့ ကောင်းတဲ့တံခါးကလည်း မ,ပြီးမှ ပိတ်လို့ရသည် ။ကျွန်တော့်တို့ဆယ်တန်းလောက် ဆလွန်းတက်စီတွေ ပေါ်ကာစက ကားထဲ ဝင်လိုက်တာနှင့် မွှေးပြီး အဲကွန်းတွေလည်း ကောင်းသည် ။အခုလိုလည်း အနောက်ဖက်ပိုင်းမှာ ဖုထစ်နေသည့် စီအန်ဂျီယဉ်ကျေးမှု မထွန်းကားသေး ။ ဖြူလေးက အထဲတော့ ဝင်ရတယ် လမ်းက ကောင်းပါတယ် ဆိုတာ ကားဆရာ ယုံပြီး လိုက်လာသည် ။ နှစ်လမ်းမောင်းကားလမ်းကလေးမှာ ကားဆရာ ချိုင့်တွေကို ဘယ်လေးဝိုက်လိုက် ညာလေးဝိုက်လိုက်နဲ့ ကားမောင်းသင်သလို မောင်းနေရသည် ။ ကျွန်တော်မူလတန်းကျောင်းသားဘဝက ပါပလေကာကျောင်းကားလေး ချိုင့်တွေ ရှောင်ကာ ကွေ့ကာ မောင်းနေတာ ပြန် အမှတ်ရသည် ။ ကြည့်ပါဦး ရန်ကုန်လမ်းတွေက အခုထိ ရိုးရာကို ထိမ်းသိမ်းထားတုန်း ။

(ဃ)

“အင်းယားဘက်လျှောက်ရအောင်နော်”
ဖြူလေးပြောတော့ ကျွန်တော် မငြင်းမိ ။
အင်းယားကန်ဘောင်ပေါ်က A21 ခုံလေးတွေမှာ ခုံပြည့်ခုံလျှံ ။ ကန်ဘောင်ပေါ်မှာ လျှောက်ဖြစ်ကျတော့ ငယ်ငယ်တုန်းက အချိန်တွေ ပြန်အမှတ်ရသည် ။ ငယ်တုန်းကလို ရင်မခုန်တတ်တော့ ။ ဘယ်ရည်းစားကို လွမ်းနေပြန်တာလဲလို့ ဖြူလေးက မချိုမချဉ် စသည် ။ဘဝမှာ တချို့အလွမ်းတွေက မနိုင်တော့လို့ လွတ်ချပစ်ခဲ့တာ ဖြူလေးကို ပြန်မပြောပြချင်ပါ ။
ဘဝရဲ့ အမျိုးမျိုးသော ရှုမျှော်ခင်းတွေကို ရင်ထဲထည့်မိပြန်သည် ။ စိတ်တွေက ဝေးသွားလိုက် နီးလာလိုက် ။ ဘယ်လိုဆုံးမယ် မသိတဲ့ ခရီးထဲ ဘယ်လောက်ရှင်သန်ချိန်ရမယ် မသိတဲ့ ဘဝထဲ ချစ်သူခင်သူတွေကို ထားခဲ့လိုက် ပြန်လာကြည့်လိုက် ။ ကျွန်တော့်ရှင်သန်ခြင်းဟာ အဓိပ္ပာယ်ရှိခဲ့ပါရဲ့လား ။ ကျွန်တော်ဘာတွေလိုချင်လို့ အဝေးကို သွားနေတာလဲ ။ ကျွန်တော်လိုချင်တာတွေကော တကယ်ရပါရဲ့လား ။ ဘယ်လောက်ကြာရင် ပြန်လာခဲ့လို့ရမလဲ ။ လူဆိုတာလည်း ကိုယ့်စိတ်ထဲမှာ ကိုယ်ပြန်ပြီး အကျဉ်းကျနေတတ်တာ မဟုတ်လား ။ စိတ်ကို ပြင်လိုက်ရင် အားလုံးကို ပြင်လို့ ရပြီ ။
“မနက်ဖြန် ပြန်တော့မယ်နော်”ဆိုတဲ့ စကားတခွန်းကို အရည်လဲ့နေတဲ့ ဖြူလေးမျက်လုံးတွေကို ကြည့်ရင်း ကျွန်တော် ဘယ်နှခါ ထပ်ပြောရဦးမှာလဲ ။ တိမ်ဆိုးလေးကို ဝေးလွင့်ခွင့်ပြုပါဦးကွယ်…။

လင်းဒီပ
၀၉.၀၆.၁၀

ကစားဖော်

မင်းနဲ့သာ
တစ်ဝိုင်းထဲ ကစားရမယ်ဆို
တစ်ဘဝလုံး ရင်းရ ရင်းရ ။

နှုတ်ခမ်းကလေး ဖွဖွကိုက်ထားပုံလေး
ဖဲချပ်ကလေးတွေ ဖြည်းဖြည်းချင်း ပွတ်သပ်နေပုံလေး
ကစားဖော်တွေ မျက်နှာရိပ်ကို ဖတ်ဖို့
အကြည့်ကလေး ဝေ့ဝဲလိုက်ပုံလေး
ကိုးပူးလေးနဲ့ ဟန်ပါပါလေး ဟောက်ထုတ်လိုက်တာလေး

ကိုယ့်ဖဲချပ်ကလေးတွေ ရှေ့ရေး
တွေးဖို့ မေ့နေလောက်အောင်
ငါ့,မလည်း
မင်းမျက်နှာဂျက်ကွင်းကင်းလေးနဲ့
အလုပ်တွေကို များလို့။

မင်းမှောက်ဖဲလေး ဂုဏ်သိက္ခာ အတွက်
တစ်ဘဝလုံးပုံအောထားတဲ့ ကစားသမား
ဒီတစ်ဘဝရှုံးရင်
နောက်ထပ် ဘဝ ဘဝတွေ ထပ်ထည့်မယ် ။

မရင်းရဲတဲ့ လူတွေက အလျှိုလျှို ထွက်သွား
ဥာဏ်များလိုက်စမ်း မြေခွေးမလေးရယ်..
မင်း…ဘာတွေ ပုံအောရဲမလဲ ။

ဥာဏ်နဲ့ကံနဲ့ ကစားရတဲ့ ကစားနည်း
ကြွေတလှည့် ကြက်တခုန်
အလည်မှာပုံထည့်ထားတဲ့ မင်းဘဝနဲ့ ငါ့ဘဝ
(ငါ) ရင်တွေ ခုန်လှရဲ့ ။
လင်းဒီပ
၀၂.၀၆.၁၀