နေ

တစ်ဘဝလုံးလောင်ပြီး
စိတ်ကူးယဉ်စရာ မကောင်းလောက်အောင်
ပူပူလောင်လောင်ကောင်ကြီး ငါ..။

စကြဝဠာမြို့ကြီးထဲ
မီးဝင်းဝင်းတောက် မျက်လုံးကြီးနဲ့
နင့်ကို ခေါ်တောကြည့် ကြည့်နေတဲ့
လူကြမ်းမင်းသားကြီး ငါ….။

“လ”ဆိုတဲ့ သနားကမားကောင်လေး
ငါ မနာလိုပါ…။
စကြဝဠာမြို့ကြီးထဲ
လရောင်ခြုံထည်ပုဝါလေးနဲ့ နင် ရှက်သွေးဖြာ..။

ငါ
ငါ့ဒေါသနဲ့ ငါ
နင့် အနားထိ လာလို့ မရရှာ
ငါ
ငါ့ဝဋ်ကြွေးနဲ့ ငါ
နင့် အဝေးကြီးလည်း ထွက်မပြေးနိုင်ရှာ…။

စကြဝဠာမြို့ ပြီးဆုံးတဲ့နေ့အထိ
ငါ့ခန္ဓာ လောင်ကျွမ်းလင်းတောက်ရင်း ရှိနေချင်တာ
မင်း ကိုယ်ကာယလေးကို
လူပျိုတေးလေး ဟစ်ရင်း လှည့်ပတ် ငေး နေဦးမှာ
နှစ်ဆယ့်သုံးနှစ်ပိုင်းတစ်ပိုင်းဒီဂရီ တိမ်းစောင်း မူနွဲ့နေသူလေးရာ..။
လင်းဒီပ
၁၀.၉.၀၉