Wednesday, January 25, 2012

ချစ်သူ့ဖတ်စာ(၁၁)

မဖြစ်လ်ို့ ပြန်ထွက်လာခဲ့တဲ့နေ့တွေမှာ

မပျော်ဘဲ ဆိုမိတဲ့ တေးနဲ့…

အောက်မေ့သတိရခြင်းတွေ သွေးထဲ ပူးကပ်နေတဲ့ နတ်ဝင်သည်

ကာလယန္တရားကြီးထဲ ချစ်ခြင်းကို ယဇ်ပူဇော်….

အခါခါပေးထားတဲ့ ကတိတွေကို စိုက်ကြည့်ရင်း

တစ်နှစ်ပြီးတစ်နှစ် ပါဝါထူထူလာတဲ့ နင့်မျှော်လင့်ခြင်းမျက်မှန်ကလေး….

ကိုယ့်ဥာဏ်ကိုယ့်ကံကို

ချောင်းကြည့် စောင့်ကြည့် အနံ့ခံကြည့် သွေးတိုးစမ်းကြည့်

တို့ပွဲမှာ ဒိုင်လူကြီး အသည်းမာလွန်းပြီ ။

ကြင်နာသလိုနဲ့ ရက်စက်

လိမ်မာသလိုနဲ့ မိုက်မဲ

ခေတ်ကာလကြမ်းရှရှကြီးထဲ

အလွမ်းတွေ စကားနည်းနည်းလာပေါ့ ။

ကိုယ်ချိုနိုင်သလောက် ချို

ကိုယ်ခါးနိုင်သလောက် ခါး

ကိုယ့်ဂုဏ်သတ္တိတွေပေါ် သစ္စာမဖောက်ခဲ့ဘူး ။

လူဖတ်နည်းတဲ့စာအုပ်တစ်အုပ်လို

ထောင့်တစ်ထောင့်မှာ အေးအေးလေးနေထိုင်ချင်စိတ်ကလေး

ဘယ်တော့ ကမ်းကပ်နိုင်မလဲ ။

ကိုယ့်ဘာသာပြန်မျှားရင်း တနေဝင်သွားပြန်တဲ့ညနေ

ကိုယ့်ကိုကိုယ်ပြန်မခေါ်ယူနိုင်တဲ့နေ့တွေ

လွမ်းချင်ရင်တောင် လွမ်းစရာမကောင်းခဲ့ပါဘူးအချစ်ရယ် ။


လင်းဒီပ

၂၁.၀၁.၁၂