Friday, May 21, 2010

ကျွန်တော့် အေတူဇက်ကလေး(၂)

မနေ့ညက A ကနေ O အထိ ကဗျာဆယ့်ငါးပုဒ်တွဲပြီး တင်လိုက်တာ ဖတ်ပေးကြတဲ့အတွက် အတော်ပျော်မိပါတယ်။ ကျွန်တော်က ကဗျာသမားဆိုတော့ ဧည့်သည်ကို ဧည့်ခံစရာ ကဗျာကလေးတွေပဲ ရှိပါတယ်ဗျာ။ အခု ကျန်တဲ့ P ကနေ Z အထိ တင်လိုက်ပါတယ် ။ ဒီတခါတော့ နည်းနည်းရှည်တဲ့ ကဗျာလေးတွေ ရွေးထားပါတယ် ။ဆက်ဖတ်ပေးကြပါဦးနော် ။


P Pain

ကြေးစား

မွန်းကျပ်နေရတဲ့အထဲ

အိမ်အပြန် အလုပ်သမလေးရဲ့

ဣနြေ္ဒသိက္ခာကို

မထိပါးလိုဘူး ။

‘လော်ရန်ဇို’ ဆက်တီပေါ်မှာ

မာတီနီနဲ့ ဇိမ်ကျနေတဲ့

ကျားသစ်မတွေရဲ့ သွေးညှီနံ့ကိုသာ

တစိမ့်စိမ့် အရသာခံချင်တယ် ။

ကြိုက်ရင်ခေါ်လိုက်လေ

ကော်ဖီတစ်ခွက်နဲ့ လိုက်ခဲ့ဖို့ ဝန်မလေးသူ

သူ့နာမည်က ‘မိုဃ်းဇော်’

ဒါမှမဟုတ်

ခေတ်ကြီးရဲ့ တန်ဖိုးအကြီးဆုံး ယဇ်ကောင်တဲ့ ။

မိုဃ်းဇော်


Q Quill

အလင်္ကာ

ထိတွေ့စမူ

နားဝမှာလျှင် ၊ ကျယ်လောင်သွင်တည့်

မြင်လိုက်သည့်ခါ ၊ အာရုံမှာလည်း

မှုန်ဝါးမစင် ၊ ဝိုးဝါးထင်၏

ပဲ့တင်သံကား ၊ တိမ်တိုက်ကြားဝယ်

လွင့်ပါးလှိုင်းဝေ ပမာတည်း။

ခံစားတတ်မူ

မြင့်မြတ်ပညာ ၊ အလင်္ကာကား

မြင်ရာကြားမှု ၊ အာရုံစုကို

မနုမရိုင်း ၊ ပဲ့တင်လှိုင်းဖြင့်

လွင့်တိုင်းသံလွင် ၊ ကြည်ဘဝင်မှာ

ယဉ်ယဉ်ငြိမ့်ငြိမ့် လှသတည်း။

ဒဂုန်တာရာ


R Remembrance

အချစ်ဦး

တစ်သက်တစ်ခါ တစ်လွှာတစ်ရွက်
တစ်ခက်တစ်ပွင့် ငုံအဆင်မို့
ရင့်လို့ပဲဝါ၀ါ...
ညှာတံပဲပြုတ်ပြုတ် ဖြုတ်ခနဲပဲကြွေကြွ..
မြေမှာပဲရောက်ရောက်.....
ဖွဖွလေးကောက်လို့...
ပန်းခြောက်ကလေးပဲ မြတ်နိုးမယ်...

မောင်စိန်ဝင်း(ပုတီးကုန်း)


S Slave

ချစ်သူ

ကိလေသာ အအေးဓာတ်တို့

အရိုးထဲ ပတ်ဖွဲ့လာတဲ့အခါ

စောင်တစ်ထည်ထဲ တို့နှစ်ယောက်ခြုံကြတယ် ။

အချစ်ရယ်

ဒါဟာ ဘုရားမကြိုက်တဲ့ ကိစ္စပါလို့ မင်း ကမပြော

ဒါဟာ ရှောင်လွှဲမရနိုင်တဲ့ သဘာဝတရားကြီးပါလို့ ငါက မဆို

ရင်ခုန်ကြရုံသက်သက်ပဲ

ပြီးတော့

တစ်ယောက်ကို တစ်ယောက်

ကမ္ဘာထဲက ကန်ထုတ်ကြပြန်ရော ။

မိုဃ်းဇော်


T Truth

ကိုက်လမ်း

ငါဟာ

ကမ္ဘာကြီးကို နားစွင့်ထားသူ ယုန်ကလေးပါ

နေ့စဉ်နေ့စဉ်

ငါ့ ဝပ်ကျင်းကလေးကနေ ငါ အစာရှာထွက်တိုင်း

သစ်ပင် မြက်ပင်ငယ်လေးတွေကို ကိုက်ကိုက်ပြီး

ငါ ထွက်လာခဲ့မြဲ

ခု…

လူနဲ့ ခွေးများ တောခြောက်ကြ

အပြေးအမြန် ငါ့ကိုက်လမ်းလေးအတိုင်း ပြန်လာခဲ့ရာ

ပိုက်ထဲ

ငါ့သစ္စာတရားဟာ ငါ့အသက်ကို ယူသွားကြပေါ့ ။

မောင်ချောနွယ်


U Universe

အ နေတဲ့လက်

မှော်အဝင်လွန်နေတဲ့ကဗျာ

တစ်ပုဒ်လုံးပြိုပြိုကျနေ….

အမေ

အိုင်လွယ်ပန်

Idea, May 2010


V Villian

စစ်

ကောင်လေးက
အုန်းလက်နွားလေး စီးလို့
အမေပျောက်ကို ရှာတယ်
ကောင်မလေးက
ကျောက်တုံး ပြက္ခဒိန်လေးဆောက်ပြီး
အဖေ့ ..
လာလမ်းကို မျှော်လို့ ။
သူရနီ


W Worthy

ကာလတန်ကြေး

ဝတ်လစ်စလစ်

ချစ်စရာဟန် နိုင်ငံခြားဖြစ်

ပလစ်စတစ် တစ်ရုပ်…

ကားရှေ့ချိတ်ရန် တန်ဖိုးငွေကြေး

ရာကျော်ပေး၍ ဈေးတည့်ဝယ်သူ ပေါ်လာချိန်…

ပလက်ဖောင်းဘေးမှာ…

ညကြေးငါးဆယ် ရောင်းဝယ်မဖြစ်

လူအစစ်မူ…

ဈေးစစ်ခံနေရတကား ။

မောင်စိန်ဝင်း(ပုတီးကုန်း)


X (Roman numeral for 10)

2010

???????????


Y Yesterday

နှုတ်နှေးခဲ့သည်

မောင်နဲ့တွေ့လျှင်

ချမ်းမြေ့ပျော်လည်း သူဝမ်းနည်းပြန်

မသဲမကွဲ နှစ်ယောက်တည်းပင်

မိုးဖွဲ့နုညက် ဆံနွယ်ခက်ကြား

တစ်စက် တစ်စက် လျောသက်တွယ်ခို

ညို့ညို့လဲ့မှောင် ကော့မျက်တောင်မှ

ဝေ့ယောင်သီဝဲ မျက်ရည်ပဲလား

မသဲမကွဲ မိုးရေပဲလား

ဆိုရဲခက်ခက် မမေ့ရက်လို့

ပင့်သက်ပူနွေး မှိုင်မောငေးဆဲ

နွဲ့ထွေးနှမ ပြုံးအေးမြတော့

နောင်တနောက်ကျရပြန်သည် ။

ကြည်အေး


Z Zero

တကယ့်ကဗျာ

ပြိုတော့မယ့် တိုက်အိုကြီးပေါ်မှာ
မပြိုပါဘူး တွေးပြီးနေတာ
ငါတို့အရည်အသွေးပေါ့။

ဘုရားပန်းလဲတယ်
သောက်တော်ရေကပ်တယ်
ဆွမ်းတော်တင်တယ်
စိတ်ကိုချမ်းသာနေတာပဲ။
သုခမိန်လှိုင်
Idea, April, 2009


ပြီးအောင် ဖတ်ပေးသွားတာ ကျေးဇူးအများကြီးတင်ပါတယ် ။ ဒီလို စုစည်းဖြစ်သွားအောင် တဂ်လိုက်တဲ့ အစ်မ မနော်ကိုလည်း အထူးကျေးဇူးတင်ပါတယ် ။ ဒီပိုစ့်ထဲက ကဗျာတွေအတွက် မူရင်းကဗျာရေးသူများဆီ အတတ်နိုင်ဆုံး အသိပေးခဲ့ပါတယ် ။ အသိပေးဖို့မလွယ်တဲ့ ဆရာ ဆရာမကြီးများကို ဒီနေရာကနေ လေးစားစွာ ဦးညွှတ်ပါတယ် ။ ကျွန်တော် နေ့စဉ် ရှင်သန်မှုထဲမှာ ဒီကဗျာတွေက အဓိကကျတဲ့ဇာတ်ကောင်တွေမို့ပါ ။ ကျွန်တော် ကဗျာတွေကို ချစ်တယ် ။ မချစ်တတ်သေးတဲ့ လူတွေကိုလည်း ချစ်တတ်အောင် ဆွဲခေါ်ချင်ပါတယ် ။ဘဝတွေ နေကောင်းထိုင်သာရှိဖို့ပါ ။


ဒီလအတွက်တော့ ဒီပိုစ့်က နောက်ဆုံးပိုစ့်ပါ ။ နောက်လမှ ပြန်ဆုံကြပါစို့ရယ် ။ဂျွန်လရဲ့မိုးရေစက်များထဲမှာ ပေါ့ဗျာ.. :P


မောင်နှမအားလုံးကို ခင်မင်လေးစားစွာ

လင်းဒီပ

၂၁.၀၅.၁၀

Thursday, May 20, 2010

ကျွန်တော့် အေတူဇက်ကလေး (၁)

အစ်မ မနော်တဂ်ထားတဲ့ A to Z ကို ကဗျာတွေနဲ့ ကြိုးစားရေးကြည့်ပါတယ်။ ရှည်သွားလိမ့်မယ် ထင်ထားတာထက်ကို ပိုရှည်သွားလို့ နှစ်ခု ခွဲတင်လိုက်ပါတယ် ။ကျွန်တော်လည်း နားနားပြီး ရေးထားပါတယ် ။ နားနားပြီး ဖတ်ပေးပါ ။ ကြိုက်တဲ့ကဗျာလေးတွေကို ပြန်စုပြီး တွဲ တင်လိုက်တာပါ ။ ကဗျာဆရာပေါင်းစုံရဲ့ ကဗျာလေးတွေ ဖတ်ဖြစ်သွားတယ်ဆို ကျွန်တော့် အေတူဇက်ကလေး အွန်လိုင်းတက်လာရကြိုးနပ်ပါရဲ့ ။

A Artist

ကဗျာဆရာ

လျှာပေါ်မြက်ပေါက် အနက်ကောက်ရင်း

အာခြောက်လာလို့

ဘီယာတစ်ငုံ သောက်လိုက်တယ် ။

မောင်စွမ်းရည်


B Blue

ပင်လယ်

မြစ်တွေက

ငါ့ဆီရောက်မှ

ချစ်ခြင်း ဆုံခွင့် ရသတဲ့။

ငါကတော့

အဖော်မဲ့ပေါ့ ။

နီမာရှင်း


C Cowboy

နွားကျောင်းသား

တစ်မျှော်တစ်ခေါ်
ကွင်းပြင်ကြီးထဲ
ရွှင်မြူးဖွယ်နေ့တစ်နေ့ကို
အော်ခေါ်ကြည့်မိတာ
ခလောက်သံ ပြန်မကြားရဘူး
သီချင်းမသီဖြစ်ပါ
အရွက်မဲ့ သစ်ပင်အောက်မှာ
အိပ်မက်တွေ လွှတ်ကျောင်းထားပေမဲ့
မိုးမကျသေးတာမို့ ။

အိုအောင်

D Day

ပဉ္စလက်

မနက်ခင်းကလည်း

ချက်နို့ဆီနဲ့ အရောတဝင်ဖြစ်လို့

အီကြာကွေးသေးသေးလေးနဲ့ စစ်ပြေငြိမ်းလို့

သတင်းစာတွေက လက်မထပ်ပဲ အတူနေလို့ ။

နေ့ခင်းကျတော့…

ရေလိုက်ငါးလိုက်ဝါဒကို မျက်မှန်တပ်လို့

အစာအိမ်ကို ဗြူတီဆလွန်းပို့ရ

မျှော်လင့်ချက်နဲ့ စစ်တုရင်ထိုးရနဲ့

(သူပဲ ပွဲတိုင်းရှုံးလေ့ရှိတယ်)

လူဆိုတာ…

စနစ်တကျ ပျက်စီးတတ်ဖို့ပဲ လိုတယ်

ညကျရင်

ဂျနီဖာလိုပက်ကို

အိပ်မက် မက်ပစ်မယ် ။

သစ္စာနီ


E Error

ခေါင်

ထုပ်၊ လျောက်၊ ဒိုင်း၊ မြားတို့အပေါ်
တလေးတစား ထမ်းတင်ထားတာ
ခန့်ခန့်ကြီးထိုင်နေဖို့တော့ မဟုတ်ဘူး
ရှိစုမဲ့စု အိမ်ရဲ့ အစိတ်အပိုင်းအားလုံးနဲ့
လူလူသူသူ ထိပ်မှာရွက်ထားတာ
ဝင့်ကြွားဖို့ သက်သက်တော့ မဟုတ်ဘူး
စကားဆိုတာ များများပြောဖို့ မလိုဘူး
ပြောလိုက်တဲ့ စကားတိုင်း
မှန်နေဖို့ပဲ လိုတယ်
အမြင့်ပိုင်းမှာ နေသာပြီး
အနိမ့်ပိုင်းမှာ ထစ်ချုန်းနေတဲ့ ရာသီဥတု
ဘယ်သူက ပြုစားလိုက်တာလဲ
ရေဒဏ်မိုးဒဏ်တွေနဲ့
အိမ်ရဲ့ အသံကလည်း တိမ်နေပြီ
နေစားလေစားနဲ့
အိမ်ရဲ့ အရောင်အသွေးကလည်း မှိန်နေပြီ
ခေါင်ကသာ
နည်းမှန်လမ်းမှန်နဲ့ ကာကွယ်စောင့်ရှောက်ပါစေ
အိမ်ဟာ ပန်းတွေဝေအောင်ပန်လို့
ခေါင်းကို မော့နေအောင်ထောင်ပြလိမ့်မယ်
တစ်ခုတော့ရှိရဲ့
ခေါင်က ခေါင်မမည်သရွေ့တော့
အိမ်ကလည်း အိမ်စဉ်မှီဦးမှာ မဟုတ်ဘူး ။
ညိမ်းညို


F Fire

…….

…….

နှလုံးသားတစ်ရပ်စာ မြင့်တဲ့

မျှော်စင်တစ်ခုဆောက်ပြီး

ကမ္ဘာဦးအစကို လှမ်းကြည့်လိုက်တယ်

မီးကို စတင်တွေ့ရှိသူဟာ ကျွန်တော်ဖြစ်နေရဲ့ ။

(မောင်သိန်းဇော်)


G Green

သူမ

ကောက်နှံပြည့်လယ် ၊ စန္ဒကူးတော

မြင့်မားသော ရယ်သံ ၊ အတိုင်းမသိ လျှို့ဝှက်ချက်များ

သုံးရာသီရေတံခွန် ၊ နတ်သမီးပုံပြင်

ကြီးမြတ်သောဝါကျ ၊ သမားကောင်း ၊ ဓားတစ်လက်

အိုအောင်


H Home

အိမ်

ပလတ်စတစ် အကြည်သားပေါ်

တိမ်တွေရေးဆွဲချလိုက်ပြီး

တိမ်အိမ်လေးဆောက်ခါ ဝင်လိုက်မိ

ဘယ်လိုမှ ပြန်ထွက်လို့ မရတော့ဘူး ။

မောင်ချောနွယ်


I Innocent

ပတ်ဝန်းကျင်

မုန်တိုင်းထန်မှ ပန်းကြွေကျတာ

မဟုတ်ပါဘူး လေရူးဝေ့ရုံ

နှင်းထန်ရုံနဲ့ ပန်းငုံလေးတွေ ကြွေတတ်ပါတယ် ။

မောင်စိန်ဝင်း(ပုတီးကုန်း)


J Justice

တော်လှန်ရေး

ဆူးစူးဝင်၍ အပ်နှင့်ထွင်သည်

အသင်ဘာပြောချင်သနည်း ။

မောင်သာရ


K Knight

သူ့ရေတွေ ဖောက်ချခံနေရတဲ့ ငါး

ငါးဟာ
အပျင်းပြေ အသတ်ခံဖို့အတွက်တော့
နွံအိုင်ကို ခံတပ်လုပ်မနေဘူး....

သူ့အကြေးခွံ လှန်မပစ်နိုင်သေးသ၍...

သူ့ယုံကြည်ချက် ရွှံ့တွေ နွံတွေကြား
သူ့သစ္စာတရားကနေ
ပတ္တမြား ထပွင့်နိုင်ကြောင်း ပြလိမ့်မယ်။
အိန္ဒြာ
(၁၃.၃.၂၀၁၀)


L Life

သစ်ခုတ်လှေ

ပုခက်လုပ်နေတဲ့လှေကလေး

ပင်လယ်လှိုင်းများ ပုတ်ခတ်ကျီစယ်

အမေ့လက် ရေပက်ခွက်မှာ မောဟိုက်နေပေါ့

အဖေ တက်ခတ်ရင်း

သမားရိုးကျ သီချင်းတစ်ပုဒ်ဆိုတယ်

သား ဘယ်ကမ်းခြေမှာ ငိုရမလဲ ။

မိုးသစ်

ရုပ်ရှင်တေးကဗျာ

Oct 1997


M Mistake

မရီရတဲ့ကဗျာ
အမြစ်ကိုထိလို့မှ မနာတတ်ရင်
အသီးအကြောင်း မပြောကြကြေး။

ကြက်သွန်တွေနာတတ်သလားဆိုပြီး
တလွှာချင်းခွာကြည့်မိတယ်
သူတို့ကတော့ ဗလာ
ကိုယ့်မှာသာ မျက်ရည်တွေကျလို့ ...။

တင်မင်းထက်

N Native

နောက်ဆုံးခံတပ်

ရန်ကုန်အကြောင်းဆို
သွေးမတိတ်လို့ ငါ့သူငယ်ချင်းတွေလည်း
ငါ့ကို့ မြင်ပြင်းကပ်လှရော့မယ်
ဒီတစ်ခါလည်း ငါရေးပါရစေ…
ဒီတစ်နေ့ပေါ့
အမှိုက်တွေပုံထားတဲ့ ဘဏ်လမ်းထဲမှာ
ငါ့ကျောင်းနေဖက်ဇော်မင်းနဲ့တွေ့တယ်လေ..
လမ်းဘေးလက်ဘက်ရည်ဆိုင်လေးမှာထိုင်ပြီး
ငယ်ငယ်က အကြောင်းတွေကို
ရေနွေးကြမ်းနဲ့မြည်းတာပေါ့..
ဘိုစိန်ကဆန်ဖရန်စ္စကိုရောက်နေပြီး
အသေးလေးက ဆွှစ်ဇာလန်မှာတဲ့
ဝင်းနိုင်က အင်းစိန်မှာ
ဒီဗီဒီစက်တွေပြင်နေပြီး
အာကာကျော်က ကျောက်ရေတွင်းမှာ
ရန်ကုန်မြို့ထဲမှာလူနည်းနည်းလေးပဲ
ကျန်တော့တာငါစဉ်းစားမိတယ်…
ကိုဆင်ကြီးက ချန်ဂီလေဆိပ်အ၀င်မှာ
အဆက်အသွယ်ပြတ်တောက်နေပြီး
မခိုင်ရည်က သူ့ယောကျာင်္းရှိရာ ရှန်ဟိုင်းကို
လိုက်သွားတယ်တဲ့…
ရန်ကုန်မြို့ကို
ငါတို့ လူနည်းနည်းလေးနဲ့ခံတိုက်နေရတယ်
သူငယ်ချင်းကနောက်ဆုံးရထားနဲ့အိမ်ပြန်တယ်
ငါက ဒူးမလွတ်တဲ့ အဓိပတိတက်စီးပြီး
အင်တာနေရှင်နယ်စတန်းဒတ်က
ငါတို့ရန်ကုန်နဲ့ စကေးမကိုက်တာကို
စိတ်ပျက်နေမိတယ်…
ဒါပေမယ့်
ဒါဟာငါရဲ့နောက်ဆုံးခံတပ်ပဲ
အလုပ်လက်မဲ့အခြေအနေမှာတောင်
ငါရန်ကုန်က ဆုတ်ခွာလို့မရခဲ့ဘူး….။

မိုးလှိုင်ည


O Oyster

မုတ်ကောင်

ခဲလေးတစ်လုံးပါပဲ

အမှတ်မဲ့ မျိုချ

စူးစူးရှရှ ယားယားယံယံ

အန်မပစ်ရက် ပေါင်းတင်ပွေ့ပိုက်

ရင်အခွဲ ခံလိုက်ရတယ်။

တိုးရဲ

ရုပ်ရှင်တေးကဗျာ

FEB 1998


နောက်တစ်ခြမ်း ဆက်ဖတ်ပေးပါဦးဗျာ ။ နောက်နေ့တင်ပါမယ့် ။

Sunday, May 16, 2010

လူကြီးနာ

မင်းလက်တစ်ဖက်က
မင်းဘဝကို
ချိုချဉ်သကြားလုံးလေးလို မချိုမချဉ်စားနေတုန်း
နောက်လက်တစ်ဖက်က
ငါ့ဘဝကို
ကောက်ကိုင်ကြည့်လိုက် ပြန်ချထားလိုက်နဲ့။

မင်းရဲ့ မနက်ဖြန်အင်္ကျီဖြူလေးမှာ
ငါ့အရိပ်လေး တွဲရက်ဖြစ်နေမှာ စိုးရွံ့နေ
အဲဒိ စိုးရွံ့စိတ်ကလေးကို ငါကလည်း ဖတ်မိနေ

ငါက မင်းကို ကြည့်ပြီး ရီ(ရယ်)တယ်
မင်းက ငါ့ကို ကြည့်ပြီး ရီတယ်
လူတွေက တို့နှစ်ယောက်ကို ကြည့်ပြီး ရီတယ် ။

ငါ့လက်ကို ဖြုတ်ချဖို့
မာယာတွေ ချော့တိုက်နေစရာ မလိုပါဘူး ချာတိတ်ရယ်။

တကယ်ဆို ထိရုံကလေး ထိထားတာ
အချိန်မရွေး မင်းထွက်ခွာ သွားဖို့….
တကယ်ဆို စေ့ရုံကလေး စေ့ထားတာ
အချိန်မရွေး မင်းပြန်ဝင် လာဖို့….

မင်း ဘယ်နှခါထိုးထိုး
အသံအက်မသွားတဲ့ ခေါင်းလောင်းကြီးလို…
မင်း ဘယ်နှခါ မောင်းထုတ်ထုတ်
အိမ်ကို တည့်တည့်ပြန်လာတတ်တဲ့
အမှတ်မရှိ ခွေးအိုကြီးလို…

ချာတိတ်ရေ…
ငါ့မျက်စိထဲတော့ မင်းဟာ ကလေးတစ်ယောက်လို
ကစားပွဲပြီးလို့ မင်းမောပမ်းသွားတဲ့အခါ
ကစားဖော်တွေနဲ့ ကွဲသွားတဲ့အခါ
အိမ်အတူပြန်ဖို့ သစ်ပင်အောက်မှာ ငါစောင့်နေမိတုန်းပဲ ။

လင်းဒီပ
၁၆.၀၅.၁၀

Tuesday, May 4, 2010

မိုးဦးလေပြည်ထဲက ကျွန်တော့်လိပ်စာ


လိပ်စာများ

အခန်းထဲ ခြင်တွေ ထည့်ထားတယ် ။
အိပ်ရာထဲ ကြမ်းပိုးတွေ ထည့်ထားတယ်
စာအုပ်ကြားထဲ silver fish တွေ ထည့်ထားတယ် ။
ကွန်ပျူတာထဲ ဗိုင်းရပ်တွေ ထည့်ထားတယ် ။

ခန္ဓာကိုယ်ထဲ ကိလေသာတွေ ထည့်ထားတယ် ။
အကြည့်ထဲ အဝိဇ္ဇာတွေ ထည့်ထားတယ် ။
အိပ်ကပ်ထဲ အကုသိုလ်တွေ အလုံအလောက် ထည့်ထားတယ် ။
အပွေ့အဖက်ထဲ တဏှာရာဂတွေ ထည့်ထားတယ် ။

ဒိုင်ယာရီထဲ သတိရခြင်းအတုတွေ ထည့်ထားတယ် ။
ပို့ဖြစ်တဲ့ အီးမေးလ်ထဲ ရမ္မက်တွေ ထည့်ထားတယ် ။
လက်စွပ်တစ်ကွင်းထဲ အရောင်ပြယ်သွားတဲ့ ကတိစကားလေး ထည့်ထားတယ် ။
ညီမလေးကိုယ်ရနံ့ထဲ စိတ်မချခြင်းတွေ ထည့်ထားတယ် ။

နိုင်ငံကူးလက်မှတ်ထဲ ကျေးကျွန်ဗီဇာတွေ ထည့်ထားတယ် ။
ညနေရီ အိမ်ပြန်လမ်းထဲ လဲကျသွားတဲ့ စိတ်ဓာတ်တွေ ထည့်ထားတယ် ။
ကျောပိုးအိတ်ထဲ အဝေးပြေးလမ်းတွေ ထည့်ထားတယ် ။
ဖောက်ပြန်ရာသီထဲ တစပြင်ရှုခင်း ထည့်ထားတယ် ။

ညီအစ်ကိုဆန်ခြင်းထဲ ဝှက်ဖဲတွေ ထည့်ထားတယ် ။
မိုးတိမ်ထဲ မေမေ့ကင်းထောက်ငှက်ကလေး ထည့်ထားတယ် ။
ဂျင်းန်ဘောင်းဘီထဲ တင်းသွားတဲ့ မေးရိုးတွေ ထည့်ထားတယ် ။
ပိတောက်ပွင့်ထဲ ကျိန်စာတွေ ထည့်ထားတယ် ။

ဒီကဗျာထဲ အညစ်အကြေးတွေ ထည့်ထားတယ် ။

လင်းဒီပ

ကိုလင်းဦး(စိတ်ပညာ) ကိုကျော်ညိုသွေးတို့ စီစဉ်တဲ့ မိုးဦးလေပြည် ကဗျာစာအုပ် ထွက်ရှိလာပါတယ် ။
ကောင်းကင်ကို
လင်းဦး(စိတ်ပညာ)
ညီဇံလှ
သူရဿဝါ
သားဖြိုး
ဇာတိ
ရင်နင့်သူ
လေပြေ
ကျော်ညိုသွေး
prizewai
တို့နဲ့အတူ ကျွန်တော်ရေးတဲ့ လိပ်စာများ ကဗျာလေးပါဝင်ပါတယ် ။ ဖတ်ကြည့်စေချင်ပါတယ် ။

လင်းဒီပ
၀၄.၀၅.၁၀

Sunday, May 2, 2010

ချစ်သူ့ဖတ်စာ(၆)


ကတိမတည်တဲ့ မိုးသားတွေက
ထပ်မရွာတော့ဘူး ဆိုပြီး
ဒီနေ့လည်း သည်းသည်းမဲမဲ။

ထန်းလက်သူရဲကောင်းလေးလေ
မင်းဆီတည့်တည့်လာမယ့် မိုးကြိုးတွေရှေ့
ပြေးရပ်ပေးချင်စိတ်က
တကိုယ်ရည် အိပ်ရာလေးထဲ
လန့်လန့်နိုးတယ် ။

အဝေးနေ့စွဲတွေမှာ
တစ်ယောက်ထုတ်လွင့်တဲ့ အနမ်းကို
တစ်ယောက်က tuning ကောင်းကောင်းနဲ့
ဖမ်းယူနမ်းရှိုက်ရတာ….

အဝေးနေ့စွဲတွေမှာ
အဲဒီ တယ်လီဖုန်းလေး မရှိရင်
အဲဒီ မြန်နှုန်းမြင့်နည်းပညာနတ်ကောင်းနတ်မြတ်တွေ မစောင့်ရှောက်ရင်
အလို သေရချည့် ။

အဆင်မပြေပါဘူး အချစ်ရယ်
ယောက်ျားရင့်မကြီး ဆိုပေမယ့်
အလွမ်းဆိုတဲ့ ဘီလူးကြမ်းကြီးနဲ့
နေ့နေ့ညည စီးချင်းထိုးနေရတာ ။

ဒီမှာ….
ဝေးကွာခြင်းကွင်းကျယ်ထဲ
အထီးကျန်မြက်ရိုင်းတွေ
စိမ်းလွန်း စိုလွန်းတယ် အချစ်ရယ်။

လင်းဒီပ
၀၂.၀၅.၁၀