Sunday, September 28, 2008

ကျွန်တော့် နှိုးစက်ကလေးများ




အဖြုရောင်နှိုးစက်ကလေး
ကျွန်တော်တို့ အထက်တန်း ကျောင်းလေးသို့ သွားရသော လမ်းလေးသည် ကုန်းတက်ကလေး ရှိပါသည်။ ကျွန်တော်တို့ ရပ်ကွက်ထဲက ကျောင်းသား အများစုမှာလည်း အများအားဖြင့် စက်ဘီးဖြင့်သာ ကျောင်းတက်လေ့ရှိသောကြောင့် အဆိုပါ ကုန်းတက်ကလေးရောက်တိုင်း စက်ဘီးလေးကို အား စိုက်နင်းကြရပါသည်။ ထိုကုန်းတက်လေးကို ကျွန်တော်အားစိုက် နင်းနေသောစက်ဘီး ပေါ်အငြိမ့်သား ထိုင်လိုက် ချင်သောကြောင့်သာ မိုးမလင်းသေး.. မိတာသည် အသံပြဲကြီးနှင့် လာနှိုးပြီ.... မိတာအိမ်မှ စက်ဘီးလေး နှင့်ထွက် လာရင် ကျွန်တော်တို့အိမ် မရောက်ခင် လမ်းမှာ ကောင်ညင်းပေါင်းဆိုင်လေးရှိသည် ။ ဒီတော့ ကျွန်တော့်ကို ဝင် ခေါ်တိုင်း ဖွားဖွားအတွက် သူ ကောင်ညင်းပေါင်းလေး ဝယ်လာနေကျ.... အိမ်ရှေ့ရောက်တိုင်း စက်ဘီး ဘဲလ်သံလေးပေးပြီး နှိုးမည်… ဒါပေမယ့် ကျွန်တော်ကတော့ဖြင့် ဘယ်တော့မှ မနိုး။ အခန်းဝထိ သူလာ အော်နှိုးနေကျ… အိမ်သာဝင်လို့ ကြာနေရင်လည်း ဒီနှိုးစက်လေးက တချိန်လုံး အော်နေ ပေတော့သည်.. နောက် သူဝယ်လာသည့် ကောင်ညင်းပေါင်းထုပ်လေးကို ဖွားဖွားဆီမှ နည်းနည်းယူ ပါးစပ်ထဲ ပလို့ပလောင်းထည့် သူ့ စက်ဘီး လေးကို ကျွန်တော်က နင်း …နောက်က သူထိုင်ပြီး အဆိုပါ ကုန်းတက်လေးကို ဖြတ်သန်းကြ…ကျွန်တော်တို့ရဲ့ မနက်ခင်းလေး တွေ..ကျောင်းဝတ်စုံအဖြူ အစိမ်းလေးနှင့် မိတာသည် မနက်ခင်း နေရောင်ခြည်အောက်က စံပယ်ဖူးလေးနှယ်…

အညိုရောင်နှိုးစက်ကလေး
ကျွန်တော် အင်ဂျင်နီယာပေါက်စလေး အနေနှင့် စပြီး အလုပ်ဝင်တော့ နယ်မြို့လေးတစ်မြို့မှာ… အမြဲတမ်း ရန်ကုန်ရဲ့ မွန်းကျပ်မှုတွေကြား ရှင်သန်လာခဲ့ရတော့ နယ်မြို့လေးသည် ကျွန်တော့်ကို လန်းဆန်းစေသည်။ ကျွန်တော့် အဆောင်အရှေ့မှ လှမ်းငေး လျှင် ရှမ်းရိုးမကြီးကို လှမ်းမြင်နေရတာ… နေရောင်က မနက်စောစော ဖြေးဖြေးခြင်း တက်လာတာက အစ သဘာဝ ပန်းချီလေးတစ်ချပ်ပါပဲ..
ကျွန်တော်တွေနေကျ မြင်ကွင်းမျိုးတွေမဟုတ်… ကျွန်တော့် အညိုရောင် နှိုးစက်ကလေးက ဒီမြို့သူ…. ဝီရိယကောင်းသော နှိုးစက်ကလေးသည် မနက် ခုနစ်နာရီခွဲလောက်ဆို site ကိုရောက်နေပြီ… ကျွန်တော်တို့ နေသောအဆောင်နှင့်ထမင်းစားဆောင်က မျက်နှာခြင်းဆိုင်.. သူ မနက်စာစားရန် ထမင်းစားဆောင်ဘက် ဦးတည်လာသည့် ဆိုင်ကယ်သံကြားရင် ထပြီး မျက်နှာသစ်မှ.. မဟုတ်လို့ကတော့ ပထမအဆင့် ဟွန်းတီးပြီး နှိုးမည် …မရလျှင် ဒုတိယအဆင့် ကျွန်တော့် အခန်းပြတင်းပေါက်ကို ခဲသေးသေးလေးတွေ နှင့် လှမ်းပေါက် တတ်သေးသည်လေ.. တခါလည်း သူက ခဲနှင့် လှမ်းအပေါက်… ကျွန်တော့် အခန်းဖော်က တံခါးကို အဖွင့် နှင့်… အခန်းဖော်ခေါင်းကို ခဲမှန်ဖူးသည်…ပျော်စရာတော့ ကောင်းသည်.. လပြည့်နေ့လို site ပိတ်သည့် ရက်မျိုးတွင် siteထဲထိ စိတ်ရှည်ရှည် လာခေါ်ပြီး… သူ့ ဆိုင်ကယ်လေးနှင့် မြို့ဦးစေတီတို့ ကန်တော်မင်္ဂလာတို့ ဘက်သွားရတာ… မနက်စောစော.. နွားနို့ပျစ်ပျစ်လေး သောက်ရတဲ့အရသာ.. မုန့်ဟင်းခါးနှင့် လက်ဖက်ရည် .. နိုးခါစ မြို့လေးသည် ချစ်စရာကောင်းလိုက်တာ…

အပြာရောင်နှိုးစက်ကလေး
Overseasမှာ အလုပ်လုပ်နေသည့် သူငယ်ချင်းတွေ လှမ်းခေါ်တော့ ကျွန်တော့်လည်း စက်ရုပ်ဆန်သည့် ဘဝလေးတစ်ခုဆီ တိုးဝင်ဖြစ်ခဲ့သည် ။ နယ်မြို့လေးမှာလို မအေးချမ်းတော့… ရုပ်ဝတ္တု တွေကတော့ လိုချင်တာ အကုန်ရသည် ။ အကုန်ရတော့ လိုချင်သည် .. လိုချင်တော့ အလုပ်တွေ ကုန်းရုန်းလုပ်ရသည်… မနက်တိုင်း အလုပ် နောက်မကျအောင် ကျွန်တော့် လက်ကိုင်ဖုန်းလေးကို နှိုးစက် သီချင်း သံကောင်း ကောင်းလေး ပေး ထားလိုက်သည်.. အရင်က သိပ်ကြိုက်သော သီချင်းလေး ဖြစ်ပေမယ့် အခု ဒီသီချင်းသံ ကြားရင် မထချင် …စက်ဘီးဘဲလ်သံလေး ကို လွမ်းပါ သည်… ဆိုင်ကယ်ဟွန်းသံလေး ကိုလွမ်းပါသည်..
ရန်ကုန်တုန်းက မစားဘူးးတာတွေလည်း စားရပါသည်.. မကိုင်ဘူးတာတွေလည်း ကိုင်ရပါသည်… မရောက်ဘူးသည့် နေရာတွေ. မတွေ့ဘူးတာ တွေလည်း တွေ့ရပါသည်… ဒါပေမယ့် မိတာဝယ်လာသော ကောင်ညင်းပေါင်းလေးလောက် .. နွားနို့ ပျစ်ပျစ် တစ် ခွက်လောက်တော့ စိတ်ကို ခွန်အားဖြစ်စေတယ်လို့ မထင်… မြို့ဦးစေတီဘက် ကန်တော်မင်္ဂလာဘက် သွားခဲ့ရတာလေးတွေ လွမ်း ပါရဲ့……မည်သို့ပင်ဖြစ်စေ ကျွန်တော်တို့ ပြဌာန်းထားသလို ဘဝကို ဖြတ်သန်းရမှာပင် …. ငယ်ရွယ်တုန်း ခွန်အား ရှိတုန်း မှာ … လေကို ဆန်တက် နေမှသာ… တချိန် ခြေကျချိန်မှာ လေဟုန်စီးနိုင်ပေမည်မဟုတ်လား...




လင်းဒီပ
၂၉.၉.၀၈

Friday, September 26, 2008

“ပန်း”ပန်းချီ



ပန်းတွေကြွေနေတဲ့ လမ်းလေးကိုကြည့်ရတာ
လမ်းဆက်လျှောက်ဖို့ မကောင်းဘူး
တစ်ပွင့်ချင်းကောက်စီပြီး “ပန်း”ပန်းချီလေးရေးဖို့ပဲကောင်းတယ်

ပွင့်ခြင်းနဲ့ကြွေခြင်းမှာ
ဘယ်အရာက အဓိပ္ပာယ် ပိုပြင်းလဲ

တရုတ်စကားပင်တွေအောက်
ငါတစ်ယောက်တည်း
ရပ်
ငေး
စဉ်းစားဆဲ….

လင်းဒီပ
၂၆.၉.၀၈
Photo Source: www.flickr/photos/deniscollette
(PS:ကျွန်တော်တို့တွေ အားလုံးဟာ အမြဲဝေဖို့ပဲ တွေးနေကြတာပါ။)

Tuesday, September 23, 2008

နန်းထားခဲ့တဲ့ ရင်ကွဲဆောင်း


လယ်ကွင်းထဲက အိမ်ကလေးရယ်
ခြေတံရှည်ဗျိုင်းဖြူဖြူလေးတွေနဲ့ နေညိုချိန်လေးရယ်
နောက် စပါးပင်နွဲ့နွဲ့ကိုင်းကိုင်းလေးတွေရယ်
ငါ့ပုခုံးပေါ်မှီနွဲ့ ပြုံးရွှင်ရယ်မောနေတတ်သူလေးရယ်

နန်းရေ
ဒါက ခဏလေးဆိုရင်တောင်…
သိပ်ကို ရိုမန်တစ်ဆန်လွန်းတဲ့ ခဏလေးဖြစ်မှာပဲ
ကောင်လေးရဲ့ညစာကို မီးသွေးဖိုလေးနဲ့
ခက်ခက်ခဲခဲ ပြင်ဆင်နေတဲ့ကောင်မလေးရယ်
ကောင်မလေးချိုးဖို့ရေကို ကိုယ်တိုင်ငင်နေတဲ့ကောင်လေးရယ်
ဟိုးအဝေးက ရထားဥသြသံလေးတွေကတော့
တို့နှစ်ယောက်ရဲ့နောက်ခံဂီတပေါ့။

ငဲ့ညှာညွှတ်ကိုင်းရလွန်းတော့လည်း ဘ၀ဟာ ထိုင်းမှိုင်းလွန်းလို့
တို့နှစ်ယောက် ခဏလေးနှစ်ကိုယ်ကောင်းဆန်လိုက်မိတာ

တစ်ဘ၀လုံးအတူတူနေခွင့်မရှိတဲ လူနှစ်ယောက်အတွက်
လက်ကျန်ဘ၀နေ့ရက်တွေမှာ
အစိမ်းသေကျန်ရစ်တော့မယ့်လူတစ်ယောက်အတွက်
ဒီခဏလေးက တရားမျှတပါတယ်

ဘာပဲခြစ်ခြစ်…
ဘာပဲရေးရေးပါ…
ဒီခဏလေးဟာ
ကိုယ့်အနာဂတ်ကို သိမ်းယူထားတဲ့ နန်းရဲ့ဝိညာဉ်ဆေးရေးပန်းချီ
ကိုယ့်အတွက် နန်းပေးသနားတဲ့ဆုတော်လာဘ်တော်

နန်းရေ…မင်းပြန်သွားတဲ့နေ့က
အနီရောင်အညာစောင်လေးခင်းထားတဲ့ မင်းအိပ်ရာလေးမှာ မင်းကိုယ်ရနံ့တွေ ရှာနေမိတယ်
မင်းချက်ပြုတ်ခဲ့တဲ့ မီးသွေးဖိုလေးမှာ ငါ့မနက်စာနွေးနွေးလေးကိုရှာနေမိတယ်

နန်းရေ…မင်းပြန်သွားတဲ့နေ့က
ဟော..ဟိုကတန်းလေးပေါ်မှာ မင်း တမင်ချန်ထားခဲ့တဲ့ မွှေးပွသဘက်ကလေး
မင်းသုံးသွားတဲ့ကျောက်ပြင်လေးမှာ သနပ်ခါးနံ့လေးတွေကျန်နေတုန်း

နန်းရေ
မင်းသမီးလေးပြည်တော်ပြန်တော့ စောင်းသမားလေးကျန်ခဲ့တယ်
ဒါ ဘာဆန်းလဲ…

နေပျော်ကျေနပ်ခဲ့ပါတယ်
နေပျော်ကျေနပ်ခဲ့ရပါတယ် နန်း ။

နန်းရေ
အခုတော့လည်း အရာရာဟာ စနစ်တကျပြောင်းလဲ
မပြောင်းလဲနိုင်သေးတာဆိုလို့
ဆုံးရှုံးခြင်းအပေါ် အမှတ်သညာ နည်းလွန်းတဲ့ လူတစ်ယောက်သာ…
ကျောက်ပြင်လေးတစ်ချပ်…စောင်အနီလေးတစ်ထည်…
နောက်
မီးသွေးဖိုလေးတစ်ဖိုနဲ့…ဆောင်းအေးအေးမှာ…
သူ့နှလုံးသား သူနွှေးနေလေရဲ့

လင်းဒီပ
၎.၀၉.၀၈
Photo Source: (picture by missmxchic)
(media.photobucket.com)

Sunday, September 21, 2008

ကြယ်ကလေးထက်မြင့်တဲ့တောင်တန်း(ဖေဖေသို့)


ကျွန်တော်က အနောက်မှာရပ်နေတဲ့ဖေဖေကို ဘယ်တော့မှမမြင်ဘူး။ဟိုကောင်ဆိုတဲ့ခေါ်သံ
နောက်က မေတ္တာတရားရဲ့ သိပ်သည်းဆကို ဟိုးအဝေးရောက်မှတွက်ဆတတ်ခဲ့တဲ့ကောင်ပေါ့
ကျွန်တော်စိတ်ထဲမှာအဖေက ရှေးဟောင်းပစ္စည်း...သူစိတ်ထဲမှာတော့ ကျွန်တော်ဟာ သူ့အနာဂတ်ရဲ့ကြယ်ပြာလေး…(အဲဒီကြယ်လေးကတော့ သူကိုတွေ့ရင် အမြဲမီးမှိတ်လို့)
သားသိသွားတယ်ဖေဖေ..သားမတွေ့အောင်ဖွက်ထားတဲ့ အပေါ်ယံအမာရောင်သုတ်ထားတဲ့
ဖခင်တစ်ယောက်ရဲ့မေတ္တာတွေလေ။ သားအဝေးကြီးကနေ တချက် ပြန်လှည့်အကြည့်မှာ တွေ့လိုက်တာ.. သားစီးနေတဲ့မြင်းကတော့ ကဆုန်ဆိုင်းလို့ပေါ့ ။ ဖေဖေက သိပ်ရှေးရိုးဆန်တဲ့လူ..သူ့သားကို သူ့စိုက်ခင်းလေးမှာပဲ ထားချင်တယ်။
ကျွန်တော်ရင်ထဲက တိမ်မီးတောက်တွေကြောင့်ပါဖေဖေ ။ ဖေဖေစိုက်ခင်းကို ကျွန်တော်မရိတ်သိမ်းနိုင်ခဲ့တာ ။ ကျွန်တော်လေဟုန်ဆန်ရဦးမယ်ဖေဖေ…ယုန်မလေးရဲ့အိပ်မက်ကွက်လပ်တွေကို
ဖြည့်စွက်ပေးဖို့ပါ။လွန်ခဲ့တဲ့အနှစ်သုံးဆယ်ကမေမေရဲ့အမေအိမ်ကိုဖေဖေသွားခဲ့သလိုမျိုးပါပဲ…သား
လည်းမုန်လာဥနီတွေ တပွေ့တပိုက်နဲ့ယုန်မလေးရဲ့မေမေ ကိုတွေ့ရဦးမယ် ။သားတို့ခေတ်က အဖေတို့ခေတ်ထက်ပြိုင်ဆိုင်မှုတွေ လိုအပ်ချက်တွေကလည်းများရဲ့ ။ ကိုယ့်လက်ကိုယုံယုံကြည်ကြည် ဆုတ်ကိုင်လာမယ့်ပန်းတစ်ပွင့်အတွက်ကျွန်တော်လည်း ကောင်းကင်ငယ်လေးတော့ဖြစ်ချင်တယ်လေ။
သားကိုစိတ်မပူပါနဲ့ဖေဖေ..သားက ဖေဖေအိမ်မှာနေတုန်းသာလူဆိုး …အခုတော့ လောကစီးချက်တွေမှာ ဟန်ချက် ညီအောင်လမ်းလျှောက်တတ်နေပါပြီ…ဒဏ်ရာဒဏ်ချက်တွေကတော့ ဖေဖေဖြတ်သန်းတုန်းကလောက်ပဲ နေမှာပါ..ထူးပြီးစာဖွဲ့နေရင် ဖေဖေရယ်နေဦးမယ်..
သားစိတ်ထဲမှာလည်းဖေဖေနဲ့တူတာ အတော်များများရှိပါရဲ့ မေမေကိုချစ်တာ..စိုက်ခင်းလေးကိုမြတ်နိုးတာ..လရောင်အောက်အိမ်ရှေ့ကွပ်ပျစ်လေးမှာထိုင်ပြီး မေမေဖျော်တဲ့ ကော်ဖီကိုသောက်ချင်တာမျိုးပေါ့..
နောက်..ဆည်းလည်းသံလွင်လွင် ဘုရားရင်ပြင်တော်ပေါ်မှာအေးအေးဆေးဆေး ထိုင်ချင်တာမျိုးလေ..
သိပ်မကြာစေရပါဘူးဖေဖေ…သားပြန်လာခဲ့မှာ..ဖေဖေဆီ..မေမေဆီ...
စိုက်ခင်းလေးဆီ..နောက်သားရဲ့ယုန်မလေးဆီ

လင်းဒီပ
၂၁.၀၉.၀၈
Photo Source: (Pictured by Becca_farns)
(media.photobucket.com)

Saturday, September 20, 2008

ကျောင်းတုန်းက သီချင်း


စံပယ်လေးတစ်ဖူးဆိုပေမယ့်
အတော်လေးရူးခဲ့ရဖူးတယ် ။

ခင်စရာကောင်းဟန်….ဆောင်တတ်လို့လည်း
ခင်ဖူးတယ်
ချစ်စရာကောင်းဟန်….ဆောင်တတ်လို့လည်း
ချစ်ဖူးတယ်
ဒီလိုပါပဲလေ
လွမ်းစရာကောင်းဟန်……ဆောင်ခဲ့တော့လည်း
လွမ်းဖူးတာပေါ့

ငယ်ငယ်တုန်းကလို
ပြန်ကစားကြည့်ချင်သေးတယ်
ငါကလူဆိုးကြီးလုပ်
နင့်ကမင်းသမီးလေးလုပ် ဆိုတာမျိုး

ခက်တာက
ငါကလည်း လူကြမ်းရုပ်နဲ့ မျက်ရည်လွယ်တယ်။
နင့်ကလည်း နတ်သမီးရုပ်ကလေးနဲ့
သွားတက်ကလေးကျ ချွန်တယ်။

တကယ်လက်တွေ့မှာက
ငါကလည်း ဗိုလ်အောင်ဒင်မဟုတ်
နင်ကလည်း မမြ၀င်းမဟုတ်
ဟိုတစ်ယောက်ကလည်း ကိုကိုချစ် မဟုတ်။

ပြီးခဲ့ပြီလေ
အညတရလေး ရဲ့ ညလမ်းမှာ
စံပယ်တွေလည်း နွမ်းပေါ့ ။

ပြီးခဲ့ပါပြီလေ
ငယ်တုန်းက ဖွားဖွားဆုပေးသလိုပါပဲ
ပိန်းကြာရွက်ပေါ်ရေမတင်သလို
အပူအပင်တွေကင်းစင်ပါစေသား ချစ်သူ ။

လင်းဒီပ
၃၁.၀၈.၀၈
(Photo Source: photobucket.com)

ဗျိုင်းပုံပြင်

တခါတုန်းကအလွန်ဆင်းရဲလွန်းတဲသားအဖကခရီးအတူတူထွက်လာကြတယ်။အဖေလုပ်တဲ့သူကတော့
ဘာမဆို ချင့်ချင့်ချိန်ချိန်လုပ်တတ်ပြီး သားလုပ်သူကတော့ အဖေနဲ့ ဆန့်ကျင့်ဘက် ..ထင်ရာတွေလျှောက်လုပ်တတ်သူတစ်ယောက်လည်းဖြစ်တယ်။
ဖြစ်ချင်တော့ မြို့တစ်မြို့ရဲ့အ၀င်ကို သူတို့သားအဖရောက်တဲ့ အချိန်မှာပဲ နေပြည်တော်မှာ ရှင်ဘုရင်ကြီး ရုတ်တရက်ဆုံးပါးသွားတဲ့အတွက် မှူးကြီးမတ်ကြီးတွေက ရှင်ဘုရင်အရိုက်အရာအတွက် သင့်တော်မယ့်သူကို အသည်းအသန် ရှာဖွေနေတဲ့ အချိန် ။ သူတို့ရွေးချယ်တဲ့နည်းက ဗျိုင်းတစ်ကောင်ပါတယ် ။ အဲဒီဗျိုင်းခေါင်းပေါ်နားတဲ့လူက ရှင်ဘုရင်ဖြစ်ပြီပေါ့ ။ဒီလိုနဲ့မင်းလောင်းရှာလိုက်တာ သစ်ပင်အောက်မှာအိပ်နေတဲ့ သားလုပ်သူရဲ့ခေါင်းပေါ်ကိုဗျိုင်းကလည်းဆိုက်ဆိုက်မြိုက်မြိုက်သွားနားပါလေရော..ဒါနဲ့သားလုပ်သူလည်းရှင်ဘုရင်ဖြစ်လာရော ။
ရှင်ဘုရင်ဖြစ်လာပြီဆိုတော့လည်း တိုင်းခန်းလှည့်လည်တာပေါ့လေ ။ဒီမှာတင် ဗျိုင်းနားဘုရင်လေးက သူ့အစွမ်းပြတော့တာပဲ။တံခါးမှူးတွေ့တော့မေးတယ်..မင်းတံခါးမှူးလုပ်တာ..ဘယ်လောက်ကြာပြီလဲပေါ့…တံခါးမှူးကလည်း..နှစ်နှစ်ဆယ်ရှိပါပြီပေါ့…ဒါနဲ့ဘေးမှာပါလာတဲ့အမတ်ကြီးကိုမေးတယ်…အမတ်ကြီးလုပ်တာဘယ်လောက်ကြာပြီလဲပေါ့..အမတ်ကြီးကလည်း…အနှစ်နှစ်ဆယ်ရှိပါပြီဆိုတော့…ကဲဒါဆိုအမတ်ကြီးက တံခါးမှူးတလှည့်လုပ်ပြီး တံခါးမှူးက အမတ်ကြီးတလှည့် လုပ်..
ဒီလိုနဲ့ဆက်ပြီးလှည့်လည်လာလိုက်တာ..သူကြွယ်ကြီးတစ်ယောက်အိမ်ရောက်လာပါတယ်..သူကြွယ်
ကြီးရဲ့အိမ်မှာပဲသူဆင်းရဲတစ်ယောက်ကသူကြွယ်ကြီးဆီမှာအလုပ်လုပ်နေတာတွေ့တော့ဘုရင်လေးကမေးပြန်ရော…ထုံးစံအတိုင်းပေါ့…ကျွန်တော်မျိုးဆင်းရဲနေတာဆယ်နှစ်ရှိပါပြီပေါ့…သူကြွယ်ကြီးကိုမေးတော့…သူကြွယ်ကြီးက သူချမ်းသာနေတာ ဆယ်နှစ်ရှိပါပြီတဲ့..ကဲဒါဆို မင်းက သူကြွယ်လုပ်ပြီး…သူကြွယ်ကြီးက သူဆင်းရဲ တလှည့်လုပ်ဦးလို့အမိန့်တော်ပေးပါတယ်.. နောက်နန်းတွင်းထဲမှာလည်းမိဘုရားကြီးကိုမောင်းမမိတ်သံနေရာရွေ့..မောင်းမမိတ်သံကိုမိဘုရားကြီးနေရာပေးနဲ့၊နန်းတွင်းသမားတော်ကြီးကိုအာဏာပါးကွက်သားနေရာရွေ့..အာဏာပါးကွက်သားကိုနန်းတွင်းသမားတော်အရာပေး ..စစ်သူကြီးကို ဥယျာဉ်မှူးနေရာရွေ့…ဥယျာဉ်မှူးကို စစ်သူကြီးအရာပေးပေါ့လေ..
ဒါနဲ့ အဖေလုပ်တဲ့လူကပြောတယ်…မင်းကြီး ..အခုလုပ်တာတွေက တိုင်းပြည်ထဲမှာ အတော်လေးကို ကမောက်ကမတွေဖြစ်နေတယ်..တိုင်းသူပြည်သားတွေလည်း စိတ်နှလုံးမရွှင်မလန်းဖြစ်နေကြပါတယ်ပေါ့…ဒါနဲ့ရှင်ဘုရင်လေးကပြန်ပြောတယ်..အဘရာ..တိုင်းသူပြည်သားတွေကံကောင်းရင် ဗျိုင်းက အဘခေါင်းပေါ်နားမှာပေါ့..အခု သူတို့ကံဆိုးလို့သာ..ကျုပ်ခေါင်းပေါ်နားတာပေါ့..တဲ့ ။

(နာဖူးသောတရားတစ်ပုဒ်အားပြန်လည်မျှဝေပါသည်။)

လင်းဒီပ
၂၀.၀၉.၀၈

Tuesday, September 16, 2008

ညီမလေးနှင့်ကျွန်တော်


ယုန်ကလေးမလာခင်တည်းက
ချုံကလေးက ရှိနှင့်ပြီးသား

ချုံကလေးလည်းတွေ့ရော
ယုန်ကလေးက ပြေးဝင်လာရော

ညီမလေးရဲ့မေမေ
ဒေါသတွေ မိုးလိုရွာချတဲ့နေ့က
ယုန်ကလေးမိုးမိမှာစိုးလို့
ချုံကလေးရဲ့ရင်ထဲ
ဖွက်ထားလိုက်ရတယ် ။

လင်းဒီပ
၃၀.၀၈.၀၈
(Photo Source: frickr.com)

ပန်းတွေ…အစိမ်းခြွေ


မိစ္ဆာရောင်ပြာနှမ်းနေတဲ့ ကောင်းကင်အောက်
ပန်းတွေ
ကြွေသင့် မကြွေသင့် ဒွိဟဖြစ်နေတာက
ရင်နင့်စရာ
အပင်ဖျားမှာ နှင်းခါးတွေ သီလို့…
အပင်အောက်မှာက ပန်းခြောက်တွေကြွေ...

စိတ်ကို တီးခတ်လိုက်ရင် အကောင်းဆုံးသီချင်းဖြစ်လာမှာ
ဒါ..ပန်းတွေ မျက်ရည်နဲ့ရက်တဲ့သီချင်း ။

စိတ်ကို ဆက်မတီးဘူး
ပစ္စုပ္ပန်မှာ ပြန်ချထားလိုက်တယ်
နောက်
အိပ်မက်တံခါးကို အသာလေးပိတ်ပြီး
ကိုယ့်အိမ်ကိုယ်ပြန်အိပ်ခဲ့တယ် ။

လင်းဒီပ
၁၆.၀၉.၀၈
(Photo Source: s77.photobucket.com)

မှောက်ထားတဲ့ည


တံခါးတွေ အကုန်ပိတ်
မီးတွေအကုန်မှိတ်
အမှောင်ထဲမှာ တိတ်တိတ်လေးထိုင်နေတာ
ဘယ်သူမှ တံခါးလာမခေါက်ပါနဲ့။

ငါ့ကွန်ပျူတာလည်း ပိတ်ထားတယ်
ငါ့ဖုန်းလည်း ပိတ်ထားတယ်
အလင်းဆိုလို့ ပိုးစုန်းကြူးလေးတစ်ကောင်တောင်မတွေ့လိုဘူး
ဘယ်သူမှ တံခါးလာမခေါက်ပါနဲ့

ငါ့တံခါးအရှေ့တောင် လာမရပ်ကြပါနဲ့။

ငါ့ပါးစပ်ကြီးကိုလည်း ပိတ်လိုက်ဖွင့်လိုက်လုပ်ဖို့
ငါ့မှာ အင်အားမရှိသေးဘူး။
ငါရိုင်းသွားရင်လည်း ခွင့်မလွတ်ကြနဲ့
ငါ့ယဉ်ကျေးမှုတွေအားလုံး ဓာတ်ပြယ်သွားလို့
ငါ့နူးညံ့မှုတွေအားလုံးပြာကျသွားလို့
ငါကိုငါလည်း ငါမတွေ့ချင်သေးဘူး။

မင်းတို့သွားနေတာဆိုရင်လည်း ငါကိုထားခဲ့ကြဦး။

တစ်စစီဖြစ်နေတဲ့ ငါမနက်ဖြန်တွေကိုလည်း ပြန်မကောက်နိုင်သေးဘူး
ငါ့ဒိုင်ယာရီအဟောင်းတွေလည်းရှာမတွေ့သေးဘူး
ဘယ်သူမှ တံခါးလာမခေါက်ပါနဲ့။

လောလောဆယ်တော့
အမှောင်ထဲမှာ
ဖန်ကွဲစတွေ
ငါ့ကျောမှာ ဆွဲမနှုတ်ရသေးတဲ့ဓားတစ်လက်
ငါ့နဲ့စိတ်ခြင်းဆင်တဲ့ ကျွမ်းလောင်ခဲ့ပြီးသား ဖယောင်းတွေ
နောက်
ငါချစ်တဲ့ တိတ်ဆိတ်ခြင်း ။

လင်းဒီပ
၁၃.၀၉.၀၈
(Photo Source: s77.photobucket.com)

Monday, September 15, 2008

အနှစ်သုံးဆယ်


ဘ၀ကို ပိုးတွေသေသွားအောင်
နေပြင်းပြင်းမှာ ထုတ်လှန်းလို့ရရင်ဘယ်လောက်ကောင်းမလဲ
အနှစ်သုံးဆယ်လုံးလုံး ရေမချိုးဖြစ်တဲ့စိတ်ကိုလေ..

ရေတွက်ကြည့်လိုက်ရင် စွဲမိစွဲရာတွေ အတော်များတယ်
သေသေချာချာ စေ့စေ့ပေါက်ပေါက် ချတွေးတော့
ကွမ်းသမားတစ်ယောက်လိုပဲ
အရေလည်းမရ အဖတ်လည်းမရခဲ့တဲ့ အနှစ်သုံးဆယ်။

နေညိုချိန်လမ်းခွဲတွေမှာ
တစ်ဘ၀လုံးစာ သိပ်အရေးပါတာတွေ ဆုံးရှုံးသွားခဲ့သလို
အသုံးမကျစွာလည်းရူးနှမ်းခဲ့ဖူးတယ်။
တကယ်ရှက်ဖို့ကောင်းခဲ့တာပ
ဘ၀ကို ပိုးစားအောင်နေပြီးမှ အချိုကို စွန့်လွတ်ခဲ့တာ
ဘ၀ကို ဆလွန်းကားတစ်စီးလို့လည်းထင်ခဲ့
ဘ၀ကို ဈေးကြီးပြီး လျှာနဲ့အဆင်မပြေတဲ့ကော်ဖီတစ်ခွက်လို့လည်းထင်ခဲ့
ဘ၀ကို အနုပညာဆန်စေချင်လွန်းလို့ ခေတ်သစ်ပန်းချီကားတွေဘေးလည်း ခဏရပ်ငေးခဲ့
ဘ၀ကို ရုပ်ရှင်ရုံထဲက ပြောင်းဖူးပေါက်ပေါက်တွေနဲ့လဲခဲ့
ဘ၀ကို ပိတောက်တွေပေးပန်ခဲ့
ဘ၀ကို ဟိုင်းဝေးလမ်းတွေပေါ်ပစ်ချခဲ့
ဘ၀ကို ရှင်ပြန်ထမြောက်အောင်ဆိုပြီးကျေးလက်လေးတစ်ခုမှာလည်း ပစ်ချထားခဲ့ဖူးတယ်
တစ်ပိုင်းစီ တစ်စစီပြန်ပေါင်းကြည့်တော့ အနှစ်သုံးဆယ်က စာရင်းထဲမှာ အတိအကျ ။
အပဲ့ အပွန်း လုံးဝမရှိ
အလို အပို လုံးဝ မရှိခဲ့
တကယ့်ကို ထိတ်လန့်စရာပါ
အနှစ်သုံးဆယ်လုံးမှာ
ကိုယ်ဟာ လောကအတွက် သီးပင်စားပင်ကောင်းတစ်ပင် မဖြစ်ခဲ့ဘူး
အမေ့အတွက် တိမ်တဆုပ်တောင် ခုန်အုပ်မပေးနိုင်ခဲ့ဘူး
ငယ်က ဓူဝံကြယ်ထိ စိတ်ကူးယဉ်ခဲ့သူ
အခု မှန်အိမ်ငယ်တစ်လုံးစာတောင် အနာတရတွေအပေါ် အလင်းမဖြာနိုင်သေးဘူး။

မပြန်ခင်ပေါ့ကွယ်
တစ်တောလုံးစာ မစိမ်းနိုင်ရင်တောင်
တစ်ပွင့်စာ တစ်ချပ်စာ
တစ်မိုးစာ တစ်ညစာတော့
ငါလာခြင်းကောင်းခဲ့ချင်ပါသေးတယ်။

လင်းဒီပ
၁၃.၀၉.၀၈
(Photo Source: photobucket.com)

ရိုးရိုးသားသားလိမ်လည်ခြင်း


ဆည်တဲ့ကန်သင်းလည်းမရှိတော့
မေတ္တာစီးရေတွေက ဟိုရောက်ဒီရောက်နဲ့လေ..
အဖတ်တင်တယ်ကို မရှိဘူး

တကယ်ပြောတာညီမလေးရဲ့
ပွေတာရှုပ်တာမဟုတ်ဘူးနော်..
ဟိုသီချင်းစာသားလေးလို..
အချစ်ငတ်လို ရွာလည်နေခဲ့တာ

ပွင့်ဖို့စဉ်းစားတုန်း ကြွေပေးလိုက်ရတာမျိုး
မက်ဖို့ကြံရွယ်တုန်း မိုးလင်းသွားရတာမျိုးလေ..
ကိုယ်ကလည်း သဘောက ခပ်ကောင်းကောင်းဆိုတော့
သနားအောင်လာလုပ်ရင် လက်နက်ချလိုက်ကော..
ကဲ..မခက်ဘူးလား

ထားပါလေဖြစ်ပြီးခဲ့သမျှတွေ
သွားနေကျလမ်းတွေလည်း မလျှောက်တော့ဘူး
တွေ့နေကျလူတွေနဲ့လည်း မတွေ့တော့ဘူး
ပြောနေကျဖုန်းတွေလည်း မကိုင်တော့ဘူး
ကုန်ကုန်ပြောရရင်
….
….
….
….
ကဲ
ဒါဆို ရမလား ၊


လင်းဒီပ
၁၀.၀၉.၀၈
(Photo Source: photobucket.com)

လင်းခွင့်မရတဲ့လရောင်


ချစ်သူပါးမို့ဖွေးပေါ် ပြေးဆော့ကျီစယ်ခွင့် မရတော့လည်း
အသာငုံ့မိုး ကြည့်ငေးပေါ့ …ငါ

ချစ်သူလှမ်းငေးမယ့် ပြတင်းလေးမှာ..ငါ
ပြတင်းလေးဘေး စံပယ်ရုံလေးမှာ..ငါ
ချစ်သူငုံ့နမ်းမယ့် စံပယ်လေးတွေမှာ..ငါ
ချစ်သူသနပ်ခါးနံ့လေးပျံ့မွှေးမယ့် လေပြေလေးပေါ်..ငါ

ဖ၀ါးနုနင်း ဆူးလည်းကင်းစေ
အဲဒီမြေနီညလမ်းလေးပေါ်မှာလည်း..ငါ

အိုကွယ်
တကယ့်ကို တိတ်တိတ်ဆိတ်ဆိတ်
တွဲလက်ကလေးတွေပေါ်
ခိုးဝှက်ဖြာကျပေးနေတာလည်း…ငါပါပဲကွယ်။

လင်းဒီပ
၃၁.၀၈.၀၈
(Photo Source: picasaweb.google.com)