Saturday, September 25, 2010

ပျောက်ဆုံးသူ

ရန်ကုန်အစွန်အဖျား

အိမ်အိုလေးထဲ

ပြန်ရောက်သွားတဲ့အခါ

အသားမကျဘူး ။

ဘဝက

အဝေး

တိုက်တာအမြင့်တွေ ရှိတဲ့အရပ်လို့

တွေးတယ် ။


တိုက်တာအမြင့်တွေနဲ့ ပြေးလွှားဘဝထဲ

ပြန်ရောက်သွားတဲ့အခါ

အသားမကျဘူး ။

ဘဝက

ရန်ကုန်အစွန်အဖျား

အိမ်အိုလေးထဲမှာလို့

တွေးတယ် ။


တကယ်ဆို

ဘဝ

ပျောက်နေခဲ့တာ

ကြာလှပေါ့ ။


လင်းဒီပ

၂၅.၀၉.၁၀

Tuesday, September 21, 2010

ချစ်သူ့ဖတ်စာ(၈)

နောက်မှ တန်းပေါ်ရောက်လာတဲ့

အဝတ်ကလေးတောင် ခြောက်ပြီ ။

မစာနာတတ်တဲ့ နေရောင်အောက်မှာ

ငါတို့နှစ်ယောက်မျက်ရည် မတိတ်နိုင်သေးဘူး ။


ဝေးစို့လို့ မပြောဘူး

ထွက်စို့လို့ မပြောဘူး

အချစ်ဆိုတာကတော့ လင်းလိုက် မှောင်လိုက်။


မြို့တစ်မြို့နဲ့ တစ်မြို့ရဲ့ အကွာအဝေး

နှလုံးသားတစ်ခုနဲ့ တစ်ခုရဲ့ အကွာအဝေး

တိုင်းထွာနေရင်းနဲ့ ဝေးတယ် ။


အချစ်ဆိုတာ နှစ်ယောက်တည်း တိုက်နေရတဲ့ စစ်ပွဲ

ဒဏ်ရာတွေကို ပွတ်သပ်ကြေကွဲလိုက်

အပြန်အလှန် ပစ်ခတ်လိုက်နဲ့။


အချစ်ဆိုတာ လမ်းကျဉ်းလေး

နှစ်ကိုယ်စာ လျှောက်သာရုံ

တစ်ယောက်နဲ့ တစ်ယောက်

စိတ်ချင်း ခဏခဏ တိုက်မိ ငြိမိ

ခံစားချက်အရောင်ကွဲခြင်း တိုက်မိ ငြိမိ ငြိုငြင်မိ ။


အချစ်ရေ

ရန်ဖြစ်စရာတွေ ရှိနေသေးတာကိုက

အချစ်ကို နှစ်ယောက်လုံး စိတ်လိုက်မာန်ပါ ရှိနေလို့

ဂုဏ်ယူဝင့်ကြွား လွမ်းလိုက်ကြတာပေါ့ ။


ဖျက်ရာ ပြင်ရာများတဲ့ ကတိစကားလေးကိုပဲ

တံတားလို ဆက်ထိုးထားပါရစေ ။


အချစ်ရေ ဝေးမယ်

သစ္စာတရားကို မြဲမြဲကိုင်ထား

မင်းဆီကို တည့်တည့်လျှောက်လာရင်း

ပြန်မရောက်နိုင်သေးတဲ့နေ့တွေမှာ ။

လင်းဒီပ

၂၁.၀၉.၁၀

(ဒီလထဲမှာ ကျွန်တော့်ဘလောဂ်လေး နှစ်နှစ်ပြည့်သွားပါပြီ ။ နှစ်နှစ်သားဆိုတော့ လမ်းကောင်းကောင်း လျှောက်နိုင်နေပြီပေါ့ :))

Saturday, September 18, 2010

လေယာဉ်

မေးခွန်းက

ဝေးဝေးရောက်ဖို့ မြင့်မြင့်ပျံခဲ့ရတာလား

ကိုယ်လွတ်ရုန်းရင်း ဆွဲအားတွေ လက်လွှတ် ဆုံးရှုံးခဲ့ရ ။


ပျံသန်းတယ်ဆိုတာ

ဘဝတွေ လေထဲ လွင့်တာ

စိတ်တွေ တိမ်ထဲ နစ်တာ

မှတ်သားလောက်တဲ့ သင်ခန်းစာတစ်ခုမှ မတွေ့ဘူး ။


ကိုယ့်ကြမ္မာ ကိုယ်ဆုပ်ကိုင်ထားတယ်

ဘာတွေ ထပ်ဖြစ်မလဲ

ဘယ်ကို ဦးတည်လဲ

သိသလိုလိုနဲ့ပျံသန်း

မသိသလိုလို အချိန်ကာလကြီးထဲ။


ကိုယ့်အမှားတွေလည်း တရားချမယ့်သူ မရှိဘူး

ကိုယ့်တရားတွေလည်း ပြန်ပြောပြစရာ မရှိဘူး

ထီးလွင်ထီးထီး အာကာသကြီးထဲမှာ…။


ပျော်ရွှင်ခဲ့တယ်လို့ ပြန်ပြောနိုင်ဖို့ မပျော်ရွှင်ခဲ့ဘူး

အောင်မြင်ခဲ့တယ်လို့ ပြန်ပြောနိုင်ဖို့ မအောင်မြင်ခဲ့ဘူး

တိမ်တွေနဲ့ စကားပြောကောင်းခဲ့ရုံလောက်…။


နောက်တခါ ပြန်တွေ့ကြဖို့

သေချာသေးရဲ့လား

အလွမ်းတွေ စီးလုံးပြည့်နဲ့

ကိုယ့်ဝမ်းနာ ကိုယ်သာသိတဲ့ လေယာဉ်။


လင်းဒီပ

၁၈.၀၉.၁၀

ကိုယ်ပြောချင်တာတွေကို ရေးချလိုက်မိ(လင်းဆက်နောင်)

နားကျပ်ကလေးနဲ့
ရင်ခုန်သံတွေများစွာ ကြားမှာ ပျော်ရွှင်နေတယ် မဟုတ်လား
ကိုယ်က ဟိုပြေးဒီပြေး လွင့်လွင့်ပြီး ပြေးနေတယ်လေ
အဆင်ပြေတယ် မဟုတ်လား အမှားမရှိသလောက်နဲ့
ရှေ့ကို ဆက်နေမယ်ဆိုတာ ယုံကြည်ပါတယ် ။
ကိုယ်က အမှားတွေအတွက် နောင်တမရတတ်တာလောက်ပဲ
ကိုယ့်ထက် လဲကျနေသူတွေကို မြင်တတ်လာရုံလောက်ပဲ
မတိုးတက်ပေမယ့် ဘဝကို နေပျော်လာရုံလောက်ပဲ
အဆင်မပြေပေမယ့် ဒီလိုပါပဲလို့တော့ သုံးတတ်လာတယ်
အစွဲအလမ်းကြီးတတ်တာနဲ့ အစွန်းရောက်တတ်တာတွေ
မပျောက်မပျက်ရှိနေဆဲ
ပေါ့ပေါ့ပါးပါးရုပ်နဲ့ စိတ်ဓာတ်ကျနေဆဲ
ပေါ့ပေါ့ပါးပါးစကားနဲ့ လေးနက်နေဆဲ စိတ်နဲ့
မြိုသိပ်နိုင်စွမ်းတော့ တက်လာတယ် ထင်တယ် ။
သတိတော့ တခါတလေ ရမယ် မဟုတ်လား ။
နေထိုင်မကောင်းတဲ့အခါ
ခပ်ညစ်ညစ်လူတွေ တွေ့တဲ့အခါ
မဆီမဆိုင် တွေးမိတဲ့အခါ၊ သတိရပါလို့
မတောင်းဆိုပါဘူး
တောင်းဆိုလို့ ရလာတာတွေကိုလည်း
တန်ဖိုးမထားတတ်တော့ဘူး
ဖုန်းထဲမှာ ကဗျာမရွတ်တတ်တော့ဘူး
နောင်တ ခဏခဏ မရတတ်တော့ဘူး
ဒါတွေက အပြောင်းအလဲတွေပေါ့
လွမ်းနေလားလို့ မေးရင်
မဖြေတတ်တော့ဘူး၊ ရူးတယ် ။

လင်းဆက်နောင်
ပိတောက်ပွင့်သစ် (ဖေဖော်ဝါရီ ၂၀၁၀)

Sunday, September 12, 2010

ဖွင့်ဆိုချက်

တံခါး
ဖွင့်လိုက်ရင်
ရန်သူ ရောက်လာမယ် ။

ရန်သူက
အပြင်ဘက်မှာလား
အတွင်းဘက်မှာလား ။

ငါက
အပြင်ဘက်မှာလား
အတွင်းဘက်မှာလား ။

ငါ့တည်နေရာ
ရန်သူ့တည်နေရာ
အမှောင်ထဲ
ဇောချွေးတွေ သပ်ချရင်း
ငါ စဉ်းစားမရ ဖြစ်နေတယ် ။

လင်းဒီပ
၁၂.၀၉.၁၀

Saturday, September 11, 2010

စကြာဝဠာထဲမှာ

အဝေးကြယ်တွေ လှမ်းယူဖို့
မှော်တံချူ မရှိဘူး ။

အနီးဆုံးမှာ
အနွေးဆုံးလင်းပေးတဲ့ ကြယ်ကလေး ဖြူဖြူ
ကိုယ် ခူးယူလိုက်မိ ။

အကုန်လုံး
made in universe တွေချည့် ။

လင်းဒီပ
၁၁.၀၉.၁၀

Sunday, September 5, 2010

ပြန်တွေ့တဲ့နေ့

ပြေးလို့မလွတ်ဘူး ဆိုပေမယ့်

ပြေးခဲ့တယ်…

ကမ္ဘာထဲ ငါ ပုန်းရှောင်စရာ

တစ်နေရာ ရှိနိုး ။


မရိတ်မသင်

စိတ်ကို ဒီအတိုင်းထား

ဖားဝေလာတဲ့ နေ့စဉ်မှတ်တမ်းတွေက

သံယောဇဉ်ပုလင်းကွဲစတွေကို အုပ်မိုးသွားလိမ့်မယ် ။


နာနေတဲ့စိတ်ထဲက

မိ,မဆုံးမ ဖ,မဆုံးမ အလွမ်းတွေ

ခုန်ခုန်ချတယ် နင့်ရှေ့မှာ..။


အပြုံးလေး ပြ ပြ ပြီး

ငါ့ကိုယ်ထဲက ကျေးကျွန်ရနံ့တွေ

ဆွ ဆွ ထုတ်နေတဲ့ မဲ့ပြုံးမ ။


ငါ မုန်းလို့ မဆုံးသေးခင်

နင်

လမ်းကို ဖြတ်ကူးသွားပြန်ပြီ။


မိုးပြေးလေ

ရင်ထဲတပြိုက်

နောက်တခါ ထပ်ပြီး

အိုက်စပ် ကျန်ခဲ့ရတဲ့ အဖြစ် ။

လင်းဒီပ

၀၅.၀၉.၁၀

Saturday, September 4, 2010

အခွံ

ပဲ့ကိုင်မဲ့နေတဲ့ ရွက်တပ်လှေကလေး
သံလိုက်အိမ်မြှောင်ထဲ ကိုယ့်အရပ်မျက်နှာ ကိုယ်ရှာလို့ ။

လမ်းပေါ်မှာ ကျောက်ခဲလေးကို
အရူးက ခလုတ်တိုက်သွားတယ် ။
ငါ့ကိုကော
ဘယ်မာရ်နတ်မှ ခလုတ်မတိုက်မိဘူးလား ။

အရေးတကြီး ပြေးလိုက်စရာ မရှိ ။
စိတ်တထင့်ထင့် မျှော်လင့်နေစရာလည်း မရှိ ။

ဘယ်ဖိနပ်ကို စီးပြီး
ဘယ်အရပ် ကို သွားရမလဲ ။

နွေလေထဲက ရွက်ခြောက်တွေလို
ငါ့နေ့တွေ လွင့်လွင့်မျောမျော..။

ကြာပွတ်သံမကြားရတဲ့အခါ
ကျွန်တစ်ယောက် ပျင်းရိနေသလိုမျိုးလား
ရုပ်ရှင်ရုံကြီးထဲ
တစ်ယောက်တည်း ကြည့်ရင်း တွေးမိတယ် ။

လင်းဒီပ
၀၄.၀၉.၁၀

Wednesday, September 1, 2010

အကျော်ဆရာ

ကျော်ဖတ်နေရတယ်
တချို့စာမျက်နှာတွေမှာ အဆိပ်တွေများလို့..။
ကျော်ဖတ်နေရတယ်
တချို့စာမျက်နှာတွေမှာ အရုပ်တွေများလို့..။
ကျော်ဖတ်နေရတယ်
တချို့စာမျက်နှာတွေမှာ စာလုံးတွေ များနေလို့…။
ကျော်ဖတ်နေရတယ်
တချို့စာမျက်နှာတွေမှာ အကြွားတွေများနေလို့…။
ကျော်ဖတ်နေရတယ်
တချိူ့စာမျက်နှာတွေမှာ အငှားတွေများနေလို့..။
ကျော်ဖတ်နေရတယ်
တချို့စာမျက်နှာတွေမှာ အနာတရတွေ များနေလို့…။
ကျော်ဖတ်နေရတယ်
တချို့ စာမျက်နှာတွေမှာ သွေးထွက်သံယိုတွေများနေလို့..။

ကျွန်တော်သိတယ်
ခင်ဗျား ကျွန်တော်
အချိန်က ဘယ်တော့မှ မလောက်ဘူး
သေတဲ့နေ့အထိ မလောက်ဘူး…။

အချိန်ကိုယ်ကျပ်အင်္ကျီလေးနဲ့
ဘဝကိုယ်လုံး ခပ်ထွားထွားမှာ
တွက်ရ ချက်ရ ငြင်းရ ခုန်ရ
ကျော်ရ လွှားရ ဆဲရ ဆိုရ
ရန်ဖြစ်ရ ဒေါသထွက်ရ ပြုံးပြရ..

အဲလိုဆိုတော့လည်း
တခါတလေ
ကိုယ့်ဘဝကိုယ်တောင် အချိန်မရလို့
ကျော်ကျော်ဖတ်နေရတာ…

ခေတ်ကြီးကိုက ကျော်နိုင် ခွနိုင်မှ
တန်ကာကျတဲ့ ခေတ်ကြီး
ကျော်ဖတ်နေရတာ မထူးခြား
ဆိုတော့ကာ..
ဒီကဗျာလေးလည်း ကျော်ဖတ်သွားလိုက်ပါဦး။
လင်းဒီပ
၁၇.၁၁.၀၉