Friday, May 21, 2010

ကျွန်တော့် အေတူဇက်ကလေး(၂)

မနေ့ညက A ကနေ O အထိ ကဗျာဆယ့်ငါးပုဒ်တွဲပြီး တင်လိုက်တာ ဖတ်ပေးကြတဲ့အတွက် အတော်ပျော်မိပါတယ်။ ကျွန်တော်က ကဗျာသမားဆိုတော့ ဧည့်သည်ကို ဧည့်ခံစရာ ကဗျာကလေးတွေပဲ ရှိပါတယ်ဗျာ။ အခု ကျန်တဲ့ P ကနေ Z အထိ တင်လိုက်ပါတယ် ။ ဒီတခါတော့ နည်းနည်းရှည်တဲ့ ကဗျာလေးတွေ ရွေးထားပါတယ် ။ဆက်ဖတ်ပေးကြပါဦးနော် ။


P Pain

ကြေးစား

မွန်းကျပ်နေရတဲ့အထဲ

အိမ်အပြန် အလုပ်သမလေးရဲ့

ဣနြေ္ဒသိက္ခာကို

မထိပါးလိုဘူး ။

‘လော်ရန်ဇို’ ဆက်တီပေါ်မှာ

မာတီနီနဲ့ ဇိမ်ကျနေတဲ့

ကျားသစ်မတွေရဲ့ သွေးညှီနံ့ကိုသာ

တစိမ့်စိမ့် အရသာခံချင်တယ် ။

ကြိုက်ရင်ခေါ်လိုက်လေ

ကော်ဖီတစ်ခွက်နဲ့ လိုက်ခဲ့ဖို့ ဝန်မလေးသူ

သူ့နာမည်က ‘မိုဃ်းဇော်’

ဒါမှမဟုတ်

ခေတ်ကြီးရဲ့ တန်ဖိုးအကြီးဆုံး ယဇ်ကောင်တဲ့ ။

မိုဃ်းဇော်


Q Quill

အလင်္ကာ

ထိတွေ့စမူ

နားဝမှာလျှင် ၊ ကျယ်လောင်သွင်တည့်

မြင်လိုက်သည့်ခါ ၊ အာရုံမှာလည်း

မှုန်ဝါးမစင် ၊ ဝိုးဝါးထင်၏

ပဲ့တင်သံကား ၊ တိမ်တိုက်ကြားဝယ်

လွင့်ပါးလှိုင်းဝေ ပမာတည်း။

ခံစားတတ်မူ

မြင့်မြတ်ပညာ ၊ အလင်္ကာကား

မြင်ရာကြားမှု ၊ အာရုံစုကို

မနုမရိုင်း ၊ ပဲ့တင်လှိုင်းဖြင့်

လွင့်တိုင်းသံလွင် ၊ ကြည်ဘဝင်မှာ

ယဉ်ယဉ်ငြိမ့်ငြိမ့် လှသတည်း။

ဒဂုန်တာရာ


R Remembrance

အချစ်ဦး

တစ်သက်တစ်ခါ တစ်လွှာတစ်ရွက်
တစ်ခက်တစ်ပွင့် ငုံအဆင်မို့
ရင့်လို့ပဲဝါ၀ါ...
ညှာတံပဲပြုတ်ပြုတ် ဖြုတ်ခနဲပဲကြွေကြွ..
မြေမှာပဲရောက်ရောက်.....
ဖွဖွလေးကောက်လို့...
ပန်းခြောက်ကလေးပဲ မြတ်နိုးမယ်...

မောင်စိန်ဝင်း(ပုတီးကုန်း)


S Slave

ချစ်သူ

ကိလေသာ အအေးဓာတ်တို့

အရိုးထဲ ပတ်ဖွဲ့လာတဲ့အခါ

စောင်တစ်ထည်ထဲ တို့နှစ်ယောက်ခြုံကြတယ် ။

အချစ်ရယ်

ဒါဟာ ဘုရားမကြိုက်တဲ့ ကိစ္စပါလို့ မင်း ကမပြော

ဒါဟာ ရှောင်လွှဲမရနိုင်တဲ့ သဘာဝတရားကြီးပါလို့ ငါက မဆို

ရင်ခုန်ကြရုံသက်သက်ပဲ

ပြီးတော့

တစ်ယောက်ကို တစ်ယောက်

ကမ္ဘာထဲက ကန်ထုတ်ကြပြန်ရော ။

မိုဃ်းဇော်


T Truth

ကိုက်လမ်း

ငါဟာ

ကမ္ဘာကြီးကို နားစွင့်ထားသူ ယုန်ကလေးပါ

နေ့စဉ်နေ့စဉ်

ငါ့ ဝပ်ကျင်းကလေးကနေ ငါ အစာရှာထွက်တိုင်း

သစ်ပင် မြက်ပင်ငယ်လေးတွေကို ကိုက်ကိုက်ပြီး

ငါ ထွက်လာခဲ့မြဲ

ခု…

လူနဲ့ ခွေးများ တောခြောက်ကြ

အပြေးအမြန် ငါ့ကိုက်လမ်းလေးအတိုင်း ပြန်လာခဲ့ရာ

ပိုက်ထဲ

ငါ့သစ္စာတရားဟာ ငါ့အသက်ကို ယူသွားကြပေါ့ ။

မောင်ချောနွယ်


U Universe

အ နေတဲ့လက်

မှော်အဝင်လွန်နေတဲ့ကဗျာ

တစ်ပုဒ်လုံးပြိုပြိုကျနေ….

အမေ

အိုင်လွယ်ပန်

Idea, May 2010


V Villian

စစ်

ကောင်လေးက
အုန်းလက်နွားလေး စီးလို့
အမေပျောက်ကို ရှာတယ်
ကောင်မလေးက
ကျောက်တုံး ပြက္ခဒိန်လေးဆောက်ပြီး
အဖေ့ ..
လာလမ်းကို မျှော်လို့ ။
သူရနီ


W Worthy

ကာလတန်ကြေး

ဝတ်လစ်စလစ်

ချစ်စရာဟန် နိုင်ငံခြားဖြစ်

ပလစ်စတစ် တစ်ရုပ်…

ကားရှေ့ချိတ်ရန် တန်ဖိုးငွေကြေး

ရာကျော်ပေး၍ ဈေးတည့်ဝယ်သူ ပေါ်လာချိန်…

ပလက်ဖောင်းဘေးမှာ…

ညကြေးငါးဆယ် ရောင်းဝယ်မဖြစ်

လူအစစ်မူ…

ဈေးစစ်ခံနေရတကား ။

မောင်စိန်ဝင်း(ပုတီးကုန်း)


X (Roman numeral for 10)

2010

???????????


Y Yesterday

နှုတ်နှေးခဲ့သည်

မောင်နဲ့တွေ့လျှင်

ချမ်းမြေ့ပျော်လည်း သူဝမ်းနည်းပြန်

မသဲမကွဲ နှစ်ယောက်တည်းပင်

မိုးဖွဲ့နုညက် ဆံနွယ်ခက်ကြား

တစ်စက် တစ်စက် လျောသက်တွယ်ခို

ညို့ညို့လဲ့မှောင် ကော့မျက်တောင်မှ

ဝေ့ယောင်သီဝဲ မျက်ရည်ပဲလား

မသဲမကွဲ မိုးရေပဲလား

ဆိုရဲခက်ခက် မမေ့ရက်လို့

ပင့်သက်ပူနွေး မှိုင်မောငေးဆဲ

နွဲ့ထွေးနှမ ပြုံးအေးမြတော့

နောင်တနောက်ကျရပြန်သည် ။

ကြည်အေး


Z Zero

တကယ့်ကဗျာ

ပြိုတော့မယ့် တိုက်အိုကြီးပေါ်မှာ
မပြိုပါဘူး တွေးပြီးနေတာ
ငါတို့အရည်အသွေးပေါ့။

ဘုရားပန်းလဲတယ်
သောက်တော်ရေကပ်တယ်
ဆွမ်းတော်တင်တယ်
စိတ်ကိုချမ်းသာနေတာပဲ။
သုခမိန်လှိုင်
Idea, April, 2009


ပြီးအောင် ဖတ်ပေးသွားတာ ကျေးဇူးအများကြီးတင်ပါတယ် ။ ဒီလို စုစည်းဖြစ်သွားအောင် တဂ်လိုက်တဲ့ အစ်မ မနော်ကိုလည်း အထူးကျေးဇူးတင်ပါတယ် ။ ဒီပိုစ့်ထဲက ကဗျာတွေအတွက် မူရင်းကဗျာရေးသူများဆီ အတတ်နိုင်ဆုံး အသိပေးခဲ့ပါတယ် ။ အသိပေးဖို့မလွယ်တဲ့ ဆရာ ဆရာမကြီးများကို ဒီနေရာကနေ လေးစားစွာ ဦးညွှတ်ပါတယ် ။ ကျွန်တော် နေ့စဉ် ရှင်သန်မှုထဲမှာ ဒီကဗျာတွေက အဓိကကျတဲ့ဇာတ်ကောင်တွေမို့ပါ ။ ကျွန်တော် ကဗျာတွေကို ချစ်တယ် ။ မချစ်တတ်သေးတဲ့ လူတွေကိုလည်း ချစ်တတ်အောင် ဆွဲခေါ်ချင်ပါတယ် ။ဘဝတွေ နေကောင်းထိုင်သာရှိဖို့ပါ ။


ဒီလအတွက်တော့ ဒီပိုစ့်က နောက်ဆုံးပိုစ့်ပါ ။ နောက်လမှ ပြန်ဆုံကြပါစို့ရယ် ။ဂျွန်လရဲ့မိုးရေစက်များထဲမှာ ပေါ့ဗျာ.. :P


မောင်နှမအားလုံးကို ခင်မင်လေးစားစွာ

လင်းဒီပ

၂၁.၀၅.၁၀

16 comments:

khin oo may said...

ရှစ်ရက့်ကျန်သေးတယ်။ ကောင်းလား။

jr.လွင်ဦး said...

၁၅ပုဒ်တွဲတင်လိုက်တယ် ဆိုတာ ကဗျာဆရာပြောမှပဲ သိတော့တယ်။
ကဗျာထဲစီးမြောသွားတော့လေ။
P ကနေ Z ထိ လာဖတ်သွားပါတယ်။

ခင်မင်လျှက်
ဂျူနီယာလွင်ဦး

mirror said...

နောက်လမှ ၀င်စို့ပြန်လုပ်ပေါ့ဗျား)

ဒဏ္ဍာရီ said...

A to Z ပိုစ့်လေးကို (၂) ပုဒ်လုံး တခါတည်း ဖတ်လိုက်ပြီးမှ မန့်လိုက်တယ်နော်။
ကဗျာလေးတွေ အရေးကောင်းသလို အတွေးလေးကလည်း ကောင်းတယ် ကိုလင်းဒီပရေ..။ တမျိုးလေး ထူးထူးခြားခြား ရေးထားတာလေး ဖတ်လိုက်ရတယ်။

ခင်မင်လေးစားလျှက်
ဒဏ္ဍာရီ

မေပယ်လ် said...

slave ကဗျာလေးကို အထိဆုံးပဲ
အဆုံးထိ ဆုံးသွားပါတယ်

:) said...

Thanks .........
I like this post too.

ဥာဏ်လင်း ထူး@norman said...

ကြိုက်တယ်ဗျာ။pdf version လေးလုပ်ထားပါလား။

tin min htet said...

ကျေးဇူးပါပဲ။ ဆရာကြီး၊ ဆရာလေးတွေနဲ့ ယှဉ်ပြီး ကိုယ့်ကဗျာကိုတွေ့ရတော့ ရင်ဘတ်ကြီးတောင် နည်းနည်းကော့သွားတယ်:P

ကျွန်တော်လည်း အဲဒီတဂ်ရေးရဦးမယ်။ သီချင်းတွေနဲ့ ရေးမလား စိတ်ကူးထားတာ ကိုလင်းဒီပ စိတ်ကူးက ပိုလှသွားတယ်။ (ခိုးချရမည့် စိတ်ကူးများမှာ စာရင်းတို့ထားလိုက်ပါတယ်။)

အိန္ဒြာ said...

အနေအထိုင်ဆင်ခြင်နော်...
လူစည်ကားရာမသွားနဲ့..
အဲ...
လူုပြတ်တဲ့နေရာတွေချည်းလည်း သွားမနေနဲ့ဦးးးးး

melodyphyO said...

ပိတ်ရက်မှာ နှစ်ပိုင်းလုံးကို လာဖတ်တာ အရမ်းကို စိတ်ချမ်းသာသွားပါကြောင်း တကယ်.. (:
clapping

littlebrook said...

ဂျွန်လ၏ မိုးရေစက်များ .. များများသာရွာပါ ..
ဂျစ်ပဆီမိုးတိမ်သီချင်းကို အော်ဆိုရင်း ကြိုပစ်မယ်

Anonymous said...

ကဗျာတွေကို အေကနေ ဇက်ထိ စုစည်းထားတာ
ကောင်းလိုက်တာ .. မှတ်မှတ်ရရပါပဲ ...
မနော်

မောင်မျိုး said...

ရေးတတ်တဲ့ သူများကျတော့ အားကျစရာကောင်းလိုက်တာ ။ ညီလည်း ရေးချင်တယ် တဂ်မယ့်သူမရှိဘူး Edit လုပ်ပြီး ပြန်တဂ်း) ဇွတ်ပဲနော့် ။

Zephyr said...

ကဗျာတွေရွေးထားတာ တော်တော်များများအကြိုက်ချင်းတူတယ်။

ပို့စ်နှစ်ခုလုံးကို ကြိုက်တယ်။

A to Z တွေထဲမှာ တွေထဲမှာ သိသာတယ်။
အိုင်ဒီယာကောင်းတယ်။

ဒီလောက်ကောင်းတဲ့ အိုင်ဒီယာအတွက် ... တစ်ခွက်တစ်ဖလားလောက် သောက်လိုက်ကြရအောင်လားဗျာ .....။

(ဟေ့လူ .. အအေးပြောတာနော် ...။ :P)

မောင်မျိုး said...

ခုတစ်ခေါက် လာထပ်ဖတ်တာ အောက်မှတ်ချက်ကိုဖတ်ပြီး ပြောချင်တာနဲ့ ကျနော်လည်း ကဗျာတွေကို ချစ်တတ်လာတာ သိပ်မကြာသေးဘူးဗျ ။ နောက်လပြန်ဆုံမယ်ဆိုတော့ ထီးတစ်ချောင်းပိုယူခဲ့ နှာစေးမှာကြောက်လို့ ။

thaingarra said...

ကြေးစား ၊ ချစ်သူ ၊ တကယ့် ကဗျာ ...

ကြိုက်မိပါတယ် ...။

ကိုက်လမ်းကတော့ ...

ကိုးကွယ်ထားတဲ့ ဂါထာတစ်ပုဒ်လိုမို့ ...

ထည့်မပြောတော့ပါဘူး ကိုလင်းဒီပရေ ... :)