တိမ်အိမ်ကလေးထဲမှာ

ပလတ်စတစ် အကြည်သားပေါ်
တိမ်တွေ ရေးဆွဲချလိုက်ပြီး
တိမ်အိမ်ကလေး ဆောက်ကာ ဝင်လိုက်မိ
ဘယ်လိုမှ ပြန်ထွက်လို့ မရတော့ဘူး။
(မောင်ချောနွယ်)

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

အတွေ့ချင်ဆုံးဆယ်ယောက် ဆိုပြီး ကိုရွာသားက တက်ဂ်ထားပါတယ်။ စဉ်းစားကြည့်ပါတယ် ။ ကျွန်တော်အတွေ့ချင်ဆုံး ဆယ်ယောက် က ဘယ်သူတွေလည်း လို့ပေါ့။သူများတွေ ရေးထားလေးတွေ လိုက်ဖတ်ကြည့်တော့လည်း အစုံပါဘဲ ။ နည်းနည်း လိမ်မာတဲ့ အစ်ကို အစ်မ တချို့ကတော့ အရှောင် အတိမ်းလေးတွေနဲ့ ရေးထားတာတွေ့လို့ တစ်ယောက်တည်း ပြုံးမိပါသေးတယ် ။ ဒါလောက် အပေါင်းအသင်းတွေ များတဲ့ ဘလောဂ့်ရွာလေးမှာ ဆယ်ယောက် မကပါဘူး ။ တွေ့ချင်တာက အများကြီးပါ ။ အဖော်တွေကလည်း စုံပါတယ်။

မမြင်ဖူး မတွေ့ဖူးပေမယ် အခုလို ဘလောဂ့်လေး ဖြစ်သွားတော့ သူငယ်ချင်းတွေက အတော် များလာပါတယ် ။ စာရေးတဲ့ သူငယ်ချင်းတွေမှ မဟုတ်ဘူး။ စာလာဖတ်တဲ့ အစ်ကို အစ်မ ညီ ညီမတွေကိုလည်း သူတို့ အချိန်တွေ ပေးပြီး ကျွန်တော် မဖြစ်ညစ်ကျယ်ရေးထားတဲ့ ကဗျာလေး စာလေးတွေ ကို လာဖတ်လို့ ဝမ်းသာမိပါတယ် ။ အခုခေတ်ကြီးက ရွေးချယ်စရာတွေ အများကြီးပါ ။ တချို့ဈေးတွက် တွက်တဲ့သူတွေဆို ဘာလို့ သူ့ဘလောဂ့်ဖတ်မှာလဲ ။ တန်ဖိုးရှိတဲ့စာတစ်ခုခု ဖတ်မှာပေါ့ ဆိုပြီး ရှောင်သွားမယ်ဆို ရှောင်သွားရုံပါဘဲ ။

ဆရာ သုမောင်ကတော့ ကွမ်းစကား ဆိုတဲ့ စာအုပ်မှာ ကွမ်းစားရင် အရေလည်း မရ အဖတ်လည်း မရပါဘူး ။ ဒါပေမယ့် ကျွန်တော်တို့ ကွမ်းစားကြတယ် ။ ဒီစာအုပ်လေးကလည်း ဒီလိုပါဘဲ လို့ရေးဖူးပါတယ် ။ ကျွန်တော် ဆရာသုမောင် ရဲ့ခြေဖျားမမှီပေမယ့် ဒီစကားလေး ငှားသုံးချင်ပါတယ် ။ ကျွန်တော့်ရဲ့အရည်မရ အဖတ်မရ စာလေးတွေကို အချိန်(အချိန်ဆိုတာ ဘဝပါလို့ ဆရာတော် ဦးဇောတိက ဆုံးမ ဖူးပါတယ်။)ပေးပြီး လာဖတ်ပေးတဲ့အတွက် ဘလောဂ့်ဂါတွေမှ မဟုတ်ပါဘူး ဘလောဂ့်မရေးတဲ့ သူငယ်ချင်းတွေကိုလည်းတွေ့ဖူးချင်ပါတယ် ။ ကျွန်တော့်စာလေးတွေကို သူတို့ဘဝအချိန်လေးတွေ ဖဲ့ဖဲ့ပေးပြီး လာဖတ်ပေးတဲ့အတွက် ကျေးဇူးတင်လို့ပါ။

တချို့သူငယ်ချင်းတွေနဲ့တော့ ဂျီတော့မှာ စကားစမြည် ပြောဖြစ်ပါတယ် ။ စာအကြောင်း ပေအကြောင်းပြောဖို့ လက်ဖက်ဆိုင် ကောင်းကောင်း လိုတဲ့ခေတ် မဟုတ်တော့ပါဘူး။ online ကြောင့်ပဲ ဘယ်လောက်ဝေးဝေး နီးနေကြပါတယ် ။ ပျော်စရာ ပိုကောင်းလာပါတယ်။ အမှန်တကယ် စာပေမြတ်နိုးသူတွေ ဆုံတွေ့ကြတဲ့ အခါ သူနဲ့ ငါ အရောင်မတူလို့ ယုံကြည်ချက်မတူလို့ ဆိုပြီး မဆက်ဆံ မပေါင်းသင်းပဲ မနေကြပါဘူး။ အနုပညာ မြတ်နိုးခြင်းဆိုတဲ့ တစ်ရောင်တည်းနဲ့ပဲ အားလုံး ချစ်ချစ်ခင်နေကြတာ ကြည်နူးစရာပါ ။ ဒါလေးက ချစ်စရာ online ယဉ်ကျေးမှုလေး ပါ ။

ကျွန်တော့်ကတော့ အခု ကျွန်တော်ဆောက်ထားတဲ့ တိမ်အိမ်ကလေးမှာ အဖော်တွေစုံပြီး အပျော်တွေလည်း ပုံနေပါတယ်။ အားလုံးကိုခင်ပါတယ် ။ အခွင့်ရှိရင် တွေ့ချင်ပါသေးတယ် ။ ကျွန်တော့်ကိုလည်း လမ်းမှာတွေ့ရင်ခေါ်ပါ ။ပိန်ရှည်ရှည် လူတစ်ယောက် ပါ။ လမ်းလျှောက်ရင် ပဲဖြစ်ဖြစ် ကားစီးရထားစီးရင်ပဲဖြစ်ဖြစ် ဘယ်သူ့မှ မမြင်ဘဲ တစ်ယောက်တည်း တွေးနေတတ်ပါတယ် ။ ဘာတွေ တွေးနေတာလဲ မေးရင် အဖြေမရှိပါဘူး ။ အဲလိုပုံမျိုးတွေ့ရင် လင်းဒီပ ဖြစ်ဖို့များပါတယ် ။အော်လိုက်ပါ ။ စကားဝှက်က “လက်ဖက်ရည် သွားသောက်ရအောင်”ပါ..:P

(ကိုရွာသားလေး Tag ထားတဲ့ အတွေ့ချင်ဆုံး Tag ကို ဒီပိုစ့်လေးနဲ့ဖြေလိုက်ပါတယ် ။)
အားလုံးကို ခင်မင်လေးစားစွာ
လင်းဒီပ
၂၁.၅.၀၉