Wednesday, October 28, 2009

ဆိုဖူးတဲ့သီချင်းလေး

(၁၉၉၆)
“ကေသာမှာ တစ်ပွင့်တည်း ပန်ပြီး ကျေနပ်တတ်ကြတဲ့သူထဲ
ထိုမိန်းမသည် မပါမှန်းကို သိရက်နဲ့ ငါဘယ်လို လုပ်ရမှာလဲ…
မိုက်တယ်ဆိုလည်း ခေါင်းငုံ့ပြီးတော့ ခံရုံပဲပေါ့ သူငယ်ချင်းရယ်….”

ငါဆိုလက်စ သီချင်လေး ရပ်တန့်သွားအောင် ဂစ်တာကြိုးတွေပေါ် နင့်လက်ကလေးကို ဖွဖွလေး လာတင်တယ် ။ ခတ်လက်စ ငါ့ညာဘက်လက်ကို ရပ်လိုက်ရတယ် ။ တုန်ခါနေတဲ့ကြိုးတွေက နင့်လက်ကို ထိခိုက်သွားမှာ စိုးလို့ပါ ချယ်ရီကို ။ ဒါ ငါ့တို့နှစ်ယောက်ရဲ့ နောက်ဆုံး တွေ့ဆုံခြင်း မဟုတ်လား ။ အပြာရောင် မှတ်စုစာအုပ်လေး နင်ပေးထားခဲ့တယ် ။ ရီဝေဝေ မျက်လုံးတွေနဲ့ ငါ့ကို စူးစိုက်ကြည့်တယ် ။ နင်ငိုနေတာလား ။ ငိုနေတယ် ဆိုရင်တောင် မျက်ရည်အစစ်လား ။ ဒီမျက်ရည်တွေက ဘယ်ဒေသမှာ မြစ်ဖျားခံပါသလဲ ။ နင့်နှလုံးသားဆီမှာလား… မျက်တောင်ဖျား စွတ်စိုရုံ တစိမ်းယောက်ျားတစ်ယောက် ကျေနပ်ရုံ စီးကျလာတာလား ။ ငါမျက်လုံးထဲ သံသယတွေ ထည့်ပြီး နင့်ကို စူးစိုက် မကြည့်ပါရစေနဲ့လားဟာ။ သံသယတွေ တောက်လောင်ပြီး ချစ်နေရတဲ့မီးတွေ…။ နောက် နင်ထွက်သွားတော့ ငါ့ဘေးမှာ မှတ်စုစာအုပ်လေးရယ် နင်ပေးထားတဲ့ အနက်ရောင် ဂျင်းမှိုတက် ကျောပိုးအိတ်ကလေးရယ်..။နင်က ဆက်ရမယ့် ခရီးကို ရွေးချယ်ပြီးလို့ ထထွက်သွားပေမယ့် ဘယ်ကို ဆက်ရမယ်မှန်း မသိတဲ့ကောင်ကတော့ နင်ပေးထားတဲ့ အပြာရောင်စာအုပ်ကလေးနဲ့… ကျောပိုးအိတ်ကလေးနဲ့… နင်နားမထောင်ချင်တဲ့ သီချင်းလေးနဲ့ ကျန်ခဲ့ရတယ် ။

(၁၉၉၈)
လင်းထက်…နင်အားရင် လာခဲ့ဦး…ငါ ရန်ကုန် ပြန်ရောက်နေတယ်…ရန်ကုန်မှာ ငါ အတွေ့ချင်ဆုံးသူက နင်ပဲ..
ငါ့ဘဝရဲ့ နည်းနည်းလေးပဲ ရှိတဲ့ အရေးအကြီးဆုံး လူစာရင်းမှာ နင်က နံပါတ်သုံး….

ဖုန်းထဲကနေ နင်ပြောချင်တာ ပြောပြီး ချသွားပေမယ့် အသုံးလုံး မကျေတဲ့ နှလုံးသားက့ ဂျင်းဘောင်းဘီအနွမ်းနဲ့ ကောင်လေးကို စက်ကုန်ဖွင့်ပြီး မောင်းသွားတယ် ။ငါ အနာတွေ မကျက်သေးပါလား ချယ်ရီကို ရယ် ။ခုံတန်းပေါ်မှာ ကန်ရေပြင်ကို မျက်နှာမူပြီး ထိုင်နေတဲ့ ကောင်မလေး… လွန်ခဲ့တဲ့နှစ်နှစ်က ဆံပင် ကုတ်ဝဲလေးပဲ ရှိတဲ့ကောင်မလေးက အခု ဆံပင်တွေ အတော်ရှည်နေတာကို သတိထားမိတယ် ။ မျက်နှာကို မတွေ့ခင်မှာပဲ ဒါ ချယ်ရီကို ဆိုတာ အလိုလို သိနေတယ် ။ ငါ့ကို ဂုဏ်ထူးမှတ် ပေးသင့်ပါတယ် ။ အေးလေ ဝင်ဖြေတဲ့ သူတွေကလည်း ဘယ်နှစ်ယောက်မှန်းမှ မသိတာ…ငါသိတာ နင့် ဂိုက်ဆရာရယ် နောက် ဟိုအဆိုတော်ပေါက်စရယ် နင့်ကို မမချယ်ရီဆိုပြီး လိုက်လိုက်ကပ်နေတဲ့ နုနုဖတ်ဖတ်ကောင်လေးရယ်.. ငါ့လို ဟိုမရောက် ဒီမရောက်ကောင်ရယ် ….။

ပြီးတော့ ဘာမှ မပြောဘဲ ငါလက်ကို ဆွဲ ရပ်လာတဲ့ Taxi တစ်စီးပေါ်တက်ပြီး RC 2ထဲက ငါတို့ သွားနေကျ ဆိုင်လေးထဲ ရောက်သွားပြန်တယ် ။မီးလုံးဝါဝါ ဆိုင်ကလေးထဲမှာ … နင့်ရဲ့ ပျားရည်စကားလုံးတွေ အောက်မှာ … ငါဟာ နိဗ္ဗာန်ငယ်လေး ခဏလောက် ကောက်ရလိုက်တယ်။ နောက်တော့လည်း လမ်းမီးတွေ မျက်လုံးဖွင့်လာတဲ့ အချိန်မှာ ပြည်လမ်းမကြီး တစ်လျှောက် လမ်းလျှောက်လာခဲ့ဖြစ်တယ် ။ နင်က သီချင်းလေး ညည်းပြပါ ဆိုတော့

“နေလည်း စောင်းပြီ အလင်းများလည်း ဆိတ်သုဉ်း… ဒီအချိန်မြို့ထဲလမ်းများမှာ လျှပ်စစ်မီးသီးများ ပြန်လင်း
လမ်းဘေး အရိပ်တွေ ဝိုးတဝါး လှုပ်လှုပ်ရွေ့လျား.. ပလက်ဖောင်း တစ်လျှောက်မှာ ကွေ့ကောက် လမ်းလျှောက်ကာသွား.. ကိုယ်လေ ဒီလို ညအချိန်ရောက်ရင် တယ်လီဖုန်း ဆက်လို့ရမလား… ဒီအချိန် ဘယ်အိမ်ဟာ တို့ကို လက်ခံစကား ပြောချင်ပါ့မလဲ… ညဆိုတာ စိတ်ထင်ရာ သွားချင်ရာ သွားလို့ မဖြစ်တော့ဘူး… တစ်နေ့လုံးလည်း တို့နှစ်ယောက် သတိလက်လွတ် လျှောက်လို့သွား (ဟေ့…အချစ် မင်းအခန်းပြန်ဦး ဒီည….)”

ခဏလေးပါပဲ သိပ်မကြာဘူး နင် မြိတ်ကိုပဲ ပြန်သွားတယ် ။ နင့်မေမေနဲ့ နင်နဲ့က ဘယ်တော့မှ အဆင်မပြေဘူး မဟုတ်လား။ ရန်ကုန်မှာ ကျောင်းကိစ္စ စာရွက်စာတမ်းတွေ လိုချင်တာတောင် တစ်ပတ်လောက်ပဲ အမေအိမ်မှာ ဖျစ်ညှစ်နေခဲ့တာ ။

(၁၉၉၉)
ငါ့မေမေ စီစဉ်ပေးတဲ့အတိုင်း သိပ်မဝေးတဲ့ နိုင်ငံလေးတစ်ခုကို ကျောင်းတက်ဖို့ ငါရောက်သွားတယ် ။ လေယာဉ်ပျံဆိုတာ ပထမဆုံးစီးဖူးပြီး ပထမဆုံးနိုင်ငံခြားခရီး ဘယ်လောက်ကြာမယ်မှန်းလည်း မသိဘူး ။နေရာသစ် ရေမြေသစ်မှာ နောက်ထပ် မိတ်ဆွေအသစ်တွေနဲ့ ဆက်လက်ရှင်သန်ရမယ့် ဘဝတစ်ခု ။ ငါမြန်မာပြည်က ထွက်သွားတော့မယ်ဆိုတာ နင့်ဆီ ရောက်မရောက် မသေချာတဲ့ စာတစ်စောင်တော့ ငါပို့ခဲ့တယ် ။ ငါ့ကို အရိပ်လို ကြည့်နေတတ်တဲ့ မေမေဟာ နင့်လို ခပ်ရှုပ်ရှုပ် ကောင်မလေးတစ်ယောက် အရူးလုပ်တာ ခံပြီး ပျော်နေတတ်တဲ့ ငါ့ကို ကြည့်လို့မရတော့ဘူး ။
“သားငယ်ငယ်လေး ရှိပါသေးတယ် ။ ဘဝမှာ နောက်ထပ် လေ့လာသင်ယူရဦးမယ့် အရာတွေ အများကြီး ရှိပါသေးတယ်”တဲ့ ။

အမှန်ဆိုရင်တော့ မေမေနဲ့မဆိုင်ပါဘူး ။ နင်ဟာ ငှက်ကလေးဆို ငါက ထာဝရသစ်ကိုင်း ဖြစ်ချင်ပေမယ့် စိတ်ကစားလွန်းတဲ့ ငှက်ကလေးကို မိုက်မိုက်မဲမဲ မယုံရဲဘူး ။ တကယ်ဆို ငါဟာ အတ္တနည်းနည်းကြီးပြီး နည်းနည်း ကြောက်တတ်တဲ့ ယောက်ျားတစ်ယောက်ဆိုတာ လေယာဉ်ပြတင်းကနေ ကျန်ခဲ့တဲ့ မြန်မာပြည်ကို ငေးရင်း ငါတွေးမိတယ် ။ တကယ် ချစ်တယ်ဆို အင်းလေ..နင်ကကော…ငါ့ လက်ကို တကယ် တွဲမှာလား..။

“ငါ ချစ်ခဲ့ဖူးလား… ငါ့ဘဝကို ပေးဆပ်ခဲ့ခြင်းနဲ့ … ပိုင်ဆိုင်တဲ့ ဆန္ဒအကုန် ငါလေ ပေးခဲ့လား.. သူအမြဲ လိုအပ်တဲ့ အကြင်နာတွေ အကုန် ပုံကာပေး…ချစ်ခဲ့လား …ငါ့ရဲ့ အတ္တ အားလုံး စွန့်လွှတ် …. မိန်းကလေး တစ်ယောက်ရဲ့ ဘဝအတွက် ပေး…ခဲ့ဖူးလား … အဖြေမှန်ဟာ ဝိုးတဝါးနဲ့… မသေချာဘူး… ငါချစ်တာ ငါ့ဘဝလား ငါ့ရယူခြင်းများလား….”

(၂၀၀၅)

ရန်ကုန်မဟုတ်တဲ့ မြေလတ်မြို့တစ်မြို့ကို ကိစ္စတစ်ခုနဲ့ ငါရောက်နေတယ် ။ ကျောပိုးအိတ်အဟောင်းထဲမှာ ရေးထားတဲ့ စာအုပ်ပြာလေး တစ်အုပ်ပါတယ် ။တကယ်ကို မမျှော်လင့်ခဲ့ဘူး ။ ငါမြို့မဈေးလေးထဲမှာ လိုတာလေးတွေ ဝယ်ပြီးအထွက် ဆိုင်ကယ်တစ်စီးက ထိုးရပ်လာပြီး နှုတ်ဆက်တော့ နင်ဖြစ်နေတယ်..။ ငါအိမ်ထောင်ကျနေပြီ လင်းထက်…ဒီမြို့ က ငါ့အမျိုးသား ဇာတိ… သူ့လုပ်ငန်းတွေက ဒီမှာပဲ ရှိလို့…ငါလိုက်နေတာ…။ နင်ကို့ကြည့်ရတာ အရမ်း တည်ငြိမ်သွားသလိုပဲ..စကားပြောတာလည်း ညင်ညင်သာသာ..။ နင့်အမျိုးသားက ဘယ်လို ပြောင်းလဲ လိုက်ပါလိမ့်..။ နောက်တော့ အိမ်ကို ထမင်းလာစားဖို့ ဖိတ်တယ် ။ပြောသေးတယ် ငါ့အမျိုးသားကို တွေ့ရင် နင့် အရမ်းအံ့သြသွားမယ်တဲ့။ ဘယ်သူလို့ မပြောသွားဘူး။ ငါ့အိမ်အပြန်လမ်းမှာ ပဟေဠိတွေ ချခင်းထားတယ် ။

တကယ်လည်း နင့်အိမ်ကိုလိုက်လည်တော့ နင့်အမျိုးသားက ငါ့တို့ဆယ်တန်းတုန်းက နယ်က ကျောင်းလာတက်တဲ့ စာဂျပိုးလေး ဖြိုးဝေ။ ငါ့တို့နှစ်ယောက် ရန်ဖြစ်လိုက် ပြန်ချစ်လိုက် လုပ်နေတဲ့အချိန် စာအုပ်တွေနဲ့ အလုပ်ရှုပ်နေတဲ့ကောင်လေးပေါ့ ။ အရင်တုန်းက ငါသိတဲ့ ချယ်ရီကိုနဲ့ တခြားစီပါပဲ…တည်ငြိမ်နေလိုက်ပုံ…။ ငါသာ လွင့်ချင်သလို လွင့်နေဖြစ်ခဲ့တာ။ ဒီလိုကျတော့လည်း အစစအရာရာ တည်ငြိမ်သွားတဲ့ မိန်းမတစ်ယောက် ။ ဖြိုးဝေ ဘယ်လိုလုပ်လိုက်ပါလိမ့် ။

ငါ နင်တို့အိမ်က ပြန်ထွက်လာတော့ နှလုံးသားထဲမှာလည်း ဆွတ်ဆွတ်ပျံ့ပျံ့အတွေးလေးတွေ ခေါင်းထဲမှာလည်း ဖြိုးဝေရဲ့ ရဲရင့်ပြတ်သားတဲ့ ရွေးချယ်မှုတွေကို ဆက်တွေးမိတယ် ။ တကယ်ကျတော့ ချစ်ပေမယ့် ပြတ်ပြတ်သားသား ရွေးချယ်ရဲဖို့လည်း လိုသေးတယ် မဟုတ်လား… နောက်ပြီးတော့ ဖူးစာဆိုတာလည်း ဘယ်သူက ကြိုတွေးမိမှာလဲ…ငါ ဒီလိုပြောရင် ကိုယ့်တွေဝေမှုကို ဖူးစာပေါ် ပုံချမပစ်နဲ့လေလို့ နင်ပြောလေမလား…။ ခုအချိန်မှာ နင်က ငါ့ကို သီချင်းတစ်ပုဒ်လောက် ညည်းပြစမ်းပါဆိုရင် ဘယ်သီချင်းကို ရွေးရမလဲ…။

နွေညလေးမို့ အိုင်စပ်စပ်နိုင်တဲ့ မြို့ကလေးရဲ့ လက်ဖက်ရည်ဆိုင်မှာ ငါ ကြယ်ကလေးတွေ ထိုင်ကြည့်ချင်လို့ထွက်လာတော့ သီချင်းတစ်ပုဒ်က ထင်းထင်းကြီး ရင်ကို စွန်းထင်းသွားတယ်။

“တွေ့တုန်းက ကြိုးပမ်းရင် အခုလောက်ရှိ မိပြီးပြီပေါ့..ဘာလိုသေးလဲ

အခုများတော့ လက်နှေးလို့ လွတ်ပြီးမှ ငါးကြီးတာနော်..တခါ ငိုဦးမလား…။

(ကိုဆောင်းယွန်းလရဲ့ သီချင်းလေးတွေ ညည်းခိုင်းတဲ့ တဂ်ပိုစ့်ပါ…ကြာတော့ကြာနေပါပြီ…အခုမှ ရေးပြီးလို့ တင်လိုက်ပါတယ်။ ဝတ္တုလေးအနေနဲ့ ဖတ်ရင်လည်း အဆင်ပြေမယ်လို့ ထင်ပါတယ်။)

လင်းဒီပ
၂၈.၁၀.၀၉

17 comments:

Yu Ya said...

အိုင်စပ်စပ်နိုင်တဲ့ ရာသီဥတုဆိုတာ ဘယ်လိုပါလိမ့်နော်..အဟီး..။

yu ya

jr.လွင်ဦး said...

အတ္တကြီးပြီး ကြောက်တတ်တဲ့အထဲ ကျွန်မလဲပါတယ် ကိုဒီပရေ။
ကိုယ့်အတ္တနဲ့ကိုယ်ဆိုတော့ နောင်တတော့မရပါဘူး။
ဒါပေမယ့် တခါတလေတော့လည်း လွမ်းမိသား။

သိင်္ဂါကျော် said...

သီချင်းလေးတွေက ပြောတဲ့ ဆွတ်ပျံဖွယ် ဇာတ်လမ်းလေး လာဖတ်သွားတယ်။။

မိုးစဲနေ said...

ကောင်းဗျား
သီချင်းလေးတွေအကုန်အလွတ်မရပေမဲ့ ဖတ်ရတဲ့ဝထ္ထုတိုလေးကို သဘောကျသွားသဗျာ ကိုလင်းဒီပရေ.

MANORHARY said...

interesting !!! :)

ဆောင်းယွန်းလ said...

ညီလေးရေ..ဝတ္ထုတိုလေးတပုဒ်ကို ရင်ဘတ်စစ်စစ်နဲ့ခံစားလိ်ုက်ရပါတယ်...
တကယ့်ရင်ဘတ်ထဲကလာတဲ့ ဖြစ်ရပ်မှန်စစ်စစ်ဆိုတော့
ဖတ်ရတဲ့သူအတွက်လည်း ပိုပြီးတော့စိတ်ဝင်စားစရာကောင်းပါတယ်..
ဗိုလ်ထီးရဲ့သီချင်းလေးကတော့ ငယ်ငယ်ကကြိုက်ခဲ့ဖူးတဲ့သီချင်းလေးတပုဒ်ပါပဲ..
”ချစ်တယ် ချစ်တယ်..မယုံကြည်နိုင်လောက်အောင်ချစ်တယ်”ဆိုတဲ့စာသား
တွေနဲ့အတူပေါ့..
အမှတ်တရတဂ်ပို့စ်ကို သတိတရရေးပေးတဲ့အတွက် ကျေးဇူးအထူးတင်ပါတယ်ညီလေးရေ

ဒဏ္ဍာရီ said...

ကိုလင်းဒီပရေ ....... ဘ၀မှတ်တိုင်လေးတွေနဲ့ ပတ်သက်ခဲ့သမျှ တိုက်ဆိုင်ခဲ့သမျှကို ဒီလို သီချင်လေးတွေနဲ့ ရေးသားလိုက်တာ အရမ်းကို ပြောင်မြောက်လှပါတယ်။ တခါတလေ တွေဝေခြင်းတွေက မလိုအပ်တဲ့ ဆုံးရှုံးမှုတွေကို ရစေတယ်နော်။ ဒီအချိန်ဆို အရာအားလုံးဟာလည်း ပြောင်းလည်း တည်ငြိမ်နေလောက်ပါပြီ။
စိတ်ဝင်စားဖွယ် ဇတ်လမ်းလေးနဲ့ သီချင်းလေးတွေပါပဲ။

ခင်မင်လေးစားလျှက်

စိမ်း... said...

အိ........... :O
တေရော...
ဘယ်လိုခံစားရမလဲ ဘာပြောရမလဲ ဘယ်လိုပြုံးပြရမလဲ ...
မသိဘူး မသိဘူး... သိရင်ဖြေပေးကြပါ...

အိုင်လွယ်ပန် said...

စာသားလေးတွေက နူးနူး ညံ့ညံ့ .. :)

tin min htet said...

ကိုလင်းဒီပရေ ..
ရေမျောကားလေး ကျနေတာပဲ။ ပါးပါးလေးနဲ့ လှလှလေး ရေးသွားတာ။

Anonymous said...

လှလိုက်တာလို့ပဲ ပြောတတ်တယ်။

မမသီရိ said...

သီချင်းလေးတွေ နောက်ခံနဲ့ ရုပ်ရှင်ကားလေး ကြည့်နေရသလိုပဲ မောင်လေးရေ

ဒီကဗျာဆရာလေးရဲ့
စာက နစ်မျောစီးဝင်စေတယ် ဝေ..

ဒီထဲက ဇော်ဝင်းထွဋ် ရဲ့ သီချင်းကို သိတယ်
အဲဒီ အခွေ ကြိုက်တော့ ကိုယ့်ဆီ ရှိနေလို့..း)

နှင်းဟေမာ said...

သီချင်းလေးတွေလဲ ကောင်းသလို ရေးထားတဲ့ အကြောင်းအရာလေးကပါ စာဖတ်သူကို ဆွဲခေါ်သွားတယ်

နှင်း

WWKM said...

ဖတ်လို့ကောင်းလိုက်တာ ဦးလင်းဒီပရေ.း)
ဇာတ်လမ်းလေးလှပသလို အရေးအသားလေးတွေက
လည်း ညက်နေတာပဲ။တက်ဂ်ပို့စ်မှ ဟုတတ်ရဲ့လားလို့။
အားပေးသွားပါတယ်ရှင်။

မယ့်ကိုး said...

ကဗျာလည်း လှ။ စကားပြေလည်း လှ။

Unknown said...

ကဗျာတွေအတော်ကောင်းပါတယ်ရှင်

Anonymous said...

အကိုရေ တကယ်ကောင်းတဲ့ ပို့စ်လေးပါပဲဗျာ
ဖတ်ရတာရော ခံစားရတာပါ တကယ်ထိတယ်

နောက်ပြီး ကျွန်တော့်ကိုများ ရေးထားသလားတောင် ထင်မိတယ်ဗျာ ကျွန်တော့် အဖြစ်နဲ့ အချို့အပိုင်းတွေ ဆင်တူတယ်ဗျာ