စက္ကူပေါ်က လမင်းငယ်

စက္ကူလှေလေးတွေမျှောတဲ့ စမ်းချောင်းလေးကို လွမ်းသလို
စက္ကူလေယာဉ်ပျံလေးတွေလွှတ်ခဲ့တဲ့ ကွင်းပြင်လေးကိုလွမ်းခဲ့
စက္ကူစွန်လေးတွေ ဖြတ်ခဲ့တဲ့ အပြာရောင်ကောင်းကင်နုနုကို လွမ်းခဲ့
စက္ကူမြားလေးတွေ နင့်ဆံကြားလှမ်းပစ်ရင်း..
နားထောင်ဖူးတဲ့ ဆည်းလည်းသံ လွင်လွင်လေး လွမ်းခဲ့

ငယ်ငယ်က စာရွက်ပေါ်ချရေးတဲ့ဇာတ်ညွှန်း နဲ့
ရှေ့ကလမ်းက တသွေးစီ တရောင်စီ
နင်ဆွဲပြတဲ့ စာရွက်ပေါ်က အိမ်ပုံလေး
လောက တနံတလျား ငါ အခုထိရှာမတွေ့သေးတာ

အိပ်မပျော်တဲ့ ညတွေဆို စက္ကူလေယာဉ်ပျံလေးတွေ လုပ်ပြီး
နင်ရှိမယ့် အရပ်ဆီ ငါလှမ်းလှမ်းပစ်လွှတ်မိခဲ့
ခုတော့
နင်က ငါ့အတွက်
ဝါကျင့်ကျင့် စက္ကူတစ်ရွက်ပေါ် ကျကျန်ရစ်ခဲ့ရတဲ့
ဂန္တဝင်လမင်းငယ်။
လင်းဒီပ
၁၆.၁၁.၀၈
Photo Source: picture by mytche
photobucket.com