အချစ်လားလို့ တွေ့တွေ့ချင်းလှမ်းမေးတော့ သူက မသိဟန်ဆောင်ပြီး ထွက်သွားသည်။ ကျွန်တော်က ပိတောက်ပန်းတွေ ပန်ထားသော အုန်းလက်မဏ္ဍပ်လေးမှာ တိတ်ဆိတ်စွာ ကျန်ခဲ့ပါသည် ။ တကယ်ကတော့ ကျွန်တော်သည် အချစ်ကိုတစ်ခါမှ မတွေ့ဘူးသေးသောကြောင့် မှားယွင်း နှုတ်ဆက်မိခြင်းလည်း ဖြစ်နိုင်ပါသည်။အချစ်သည် အပြာရောင်လား အဖြူဆွတ်ဆွတ်လေးလား ..မွှေးရနံ့ရှိပါသလား ..မည်သို့ စမ်းသပ် အတည်ပြုနိုင်ပါသနည်း..မသိနိုင်ပါ။ ထိုညနေက အိမ်ပြန်လာတော့ ရေစက်လက် လူတွင်စိုနေသလို စိတ်ထဲတွင်လည်း အချစ်ကို သိလိုစိတ် အတွေးတွေ စက်လက် စိုနေပါသည်။
ထိုနောက် ညများစွာ နေများစွာကို အလယ်လူတစ်ယောက်အဖြစ် ကျွန်တော် ဖြတ်သန်းလာခဲ့သည်။ စမ်းချောင်းလေးဘေးတွင်လည်း ပျင်းလျှင် သွားထိုင်နေဖြစ်သည်။ ရေစီးသံကိုလည်း နားထောင် ဖြစ်လာသည် ။ တခါတရံ ငါးလေးများ ကူးခတ်နေသည်ကိုလည်း ဘယ်အရပ်သွားနေကြပါလိမ့်ဟု ငေးကြည်နေမိသည်။ ပန်းတွေ ပွင့်ပုံ ကြွေပုံလည်း အချိန်ပေး စဉ်းစားမိလာသည် ။ အချစ်သည် စမ်းရေထဲမှာများ မျောပါလာ လေမလား ..ရေစီးသံထဲတွင်ပဲ သီချင်းတစ်ပုဒ်အဖြစ် လိုက်လာလေမလား..ရွှေငါးလေးတစ်ကောင်လို ကိုယ်ရောင် ဝှက်နေတာလား…ဒါမှမဟုတ် ပန်းကလေးတစ်ပွင့်လိုများ ကြွေကျလာမလားလို့ ရင်ခုန်စိုးထိတ် နေခဲ့ပါသည် ။ ထိုရက်များတွင် အိမ်ပြန်နောက်ကျခဲ့ပါသည် ။အိပ်ချိန်ညဉ့်နက် ခဲ့ပါသည် ။(နောက်ကျရထားကို စောင့်နေသော လူတစ်ယောက်ပေါ့လေ)
ခက်သည်က အချစ်၏ပုံပန်းသဏ္ဍန်ကို ကျွန်တော် လုံးဝမသိ ။ အချစ်သည်ဘာမှ မရေးခြစ်ရသေးသည် စာရွက် တစ်ရွက်လည်း ဖြစ်နိုင်ပါသည်။ဖြေဆိုချိန် သုံးနာရီသာ ပေးထားသော မေးခွန်းတစ်ခုလည်း ဖြစ်နိုင်ပါသည် ။ရွှေ ရောင်ဆံညှပ်ကလေး ဖြစ်နိုင်သလို. အနီရောင်ပုံတော်ဖိနပ်လေးလည်း ဖြစ်နိုင်ပါသည် ။တခြား ဖြစ်နိုင်ခြေများ လည်း အများကြီး ရှိနိုင်ပါသည် ။ ဖြစ်နိုင်ခြေများထဲမှ အဖြေတစ်ခုကို ကြိုးစားရှာနေမိသည်။ အဖြေက မထွက် လာသေးပေ။
ကျွန်တော်သည် အချစ်ရှိနိုင်မည် ထင်သောနေရာများကို စိတ်ပါလက်ပါ လိုက်ရှာပါသည်။ကြာပန်းလေးများ ပွင့် နေသော ရေကန်လေးဆီလည်း ရောက်ပါသည် ။ လူသိပ်မများသော ကော်ဖီဆိုင်လေးဆီလည်း ရောက်ပါ သည်။ တောင်ပေါ်မြို့လေးတစ်မြို့ဆီလည်း ရောက်ပါသည် ။အချစ်က ကျွန်တော့်ကို တွေ့လျှင်လည်း မြင်နိုင် ရန် လှမ်းခေါ်နိုင်ရန် မကြာခဏလည်း လူလုံးပြပါသည်။ အချစ်သည်ကျွန်တော့်ကို မတွေ့ခဲ့။ကြောက်နေတာ တစ်ခုလည်းရှိသေးသည် ။ကျွန်တော်က အချစ်ထင်ပြီးနှုတ်ဆက်လိုက်မည် ။သူကလည်း ဟုတ်ပါသည်ဟု ပြောမည်။ တကယ်တမ်း ရင်ထဲ တပ်ဆင်ပြီးကာမှ အချစ်မဟုတ်ပဲ မျှော်လင့်မထားသည့်တစ်ခုခု(ဥပမာ အမုန်း)ဖြစ်နေခဲ့ရင်ကော..တကယ်လို့ ဓာတ်ပြယ်သွားရင်ကော…Side Effect တစ်ခုခုတော့ နှလုံးသားသည် ခံစားရမည် ထင်ပါသည်။
ဒီလိုနေထိုင်ရင်း ဥတုသုံးပါးလုံး အချစ်ကို တိတ်တဆိတ် လိုက်ရှာနေမိပါသည် ။တချို့သူငယ်ချင်းများက ကံကောင်းထောက်မပြီး စောလျှင်စွာ တွေ့သွားတတ်ပြီး တချို့ကရှာဖွေနေဆဲ ဖြစ်ပါသည် ။ ဝမ်းနည်းစရာ ကောင်းတာက တွေ့သွားပြီး သူငယ်ချင်းများထဲမှ အနည်းငယ်က ကျွန်တော်တွေးထားသလို တပ်ဆင်ပြီးမှ မှားယွင်းနေကြောင်း တွေ့ရခြင်းပင် ။ အများစုကတော့ အဆင်ပြေပါသည်။ ကျွန်တော်ကလည်း ရှာဖွေဆဲလေ…အချစ်ရေ..ငါ့ကိုတွေ့ရင်လည်း မင်းလှမ်းခေါ်လိုက်ပါကွယ်..ငါ့မှာ မိနစ်ကိုးဆယ်ပြည့်ဖို့ နည်းနည်းပဲ လိုတော့ တယ်လေ..
လင်းဒီပ
၁၃.၁၀.၀၈
(ရွာသားလေးTag ပါသဖြင့် အချစ်အကြောင်းကို နားမလည်ပါးမလည် တတ်ယောင်ကားဖြင့် ရေးလိုက်ပါသည်။ အဆင်မပြေပါက ပွင့်ပွင့်လင်းလင်း အော်သွားနိုင်ပါသည် ခင်ဗျား။)
လင်းဒီပ
၁၃.၁၀.၀၈
(ရွာသားလေးTag ပါသဖြင့် အချစ်အကြောင်းကို နားမလည်ပါးမလည် တတ်ယောင်ကားဖြင့် ရေးလိုက်ပါသည်။ အဆင်မပြေပါက ပွင့်ပွင့်လင်းလင်း အော်သွားနိုင်ပါသည် ခင်ဗျား။)
Photo Source:picture by panicha9
4 comments:
ဝေး.........................
ပွင့်ပွင့်လင်းလင်း အားရပါးရအော်လိုက်ပါသည်။ :)
မသိပေလို့သာပဲ။ သိများသာသိရင်တော့။ ဟွန်း... ပြောလိုက်ချင်ဘူး။
ကောင်းတယ် အကိုရေ စကားလုံးတွေ လန်းသလောက် ကဗျာဆန်နေတာပဲ ၊ ဒီတစ်နှစ် ၀ါကျွတ်လဲ ယောင်ချာချာပဲလားဗျ ၊ အချစ်မရှိသေးကြောင်းပါ တစ်ခါတည်း ပြောချလိုက်တယ်ပေါ့ :)
စကားလုံးလေးတွေ အရမ်းလှတယ် အစ်ကို...
အချစ်က လှမ်းခေါ်ရင်လဲ ပြောဦးနော်..
Post a Comment